ارجو الفايده من اهل الخبره

[الله يجملنا]

بسم الله الرحمن الرحيم

السلام عليكم ورحمة الله وبركاته

انا عندي طير جاله تقريبا 18يوم هل اهده على حمامه او اخليه يلعب على الشلوى
وله فتره ماهد الطير وراح تكون اول هده له معي مع اني حريص على انه مايروح عني الطير

وسلامتك

[غصن الكرز]

اعشان تهدة في 18 يوم لازم تخليه اسبوع ياكل على يدك .


يفيدونك الاخوان

[الله يجملنا]

الطير ياكل من يدي واذا ناديته والعلف معي يقفز على يدي

والله يعطيك العافيه ياغصن الكرز

وبانتضرار الاخوان للفائده

[ابرق الحرار]

صباح الخير اخوي نصيحه لاعبه على الشلو اول حتى يكتسب لياقه وبعد كذا هده على الحمامه بس ماتكون كامل الريش اول هده خذ من ريشها ثنتين ثلاث وبعدها الحمامه الثانيه ريشتين وبتدريج انشاءلله يطربك وبالتوفيق

[الله يجملنا]

ياصباح النور ياابرق الحرار
والله يعطيك العافيه وبيض الله وجيهكم
كفيت وفيت ونصيحتك على العين والراس
شكرلكم

[أملج سيتي]

حياك الله اخي الغالي الله يجملنا
الصقّار المُغرم في هوا الطير لابد ان يتوفر لديه الحس الامني مثل ما يقولوا
بمعنى انت من خلال مجالسة الطير عندك وبجانبك وقريب منك ، يتضح لك هداوة الطير وقابليته للتدهيل ومعرفة لياقته ومعرفة هل هو جاهز للهداد او للشلو او لو هديته راح عنك بجهلك لتدريبه

ففي الحالة هاذي تدرب الطير كأنه وحش وتدهله وتدعيه من قريب وحينما تلتمس منه انه جاهز للانطلاق في البرية وتقبّله لتعليمك اللي هو على الدس حينها تستعد يومياً لتطليقه وملاعبته واستعداده للهداد
لابد تبدأ معه بكل خطوات الطيور المُعلمة من بداية واحاشتها
دعو على اليد ودعو بصلو ودعو بخيط طويل مع مراعاة تجويعه وتعلّقه بالعلف اللي تقدّمه له
الحديث جداً بالشرح يطول
والاخوان هنا سيزودونا بمزيد من خبراتهم

[الله يجملنا]

ياهلا بك يااملج سيتي
والله يعطيك العافيه على الشرح الطيب
والطير راح ادعيه من مسافات وهو مربوط باالخيط واشف امن لي ولا لا
وبيض الله وجيهكم وماقصرتو
شكرالكم