صوت الكارونه

[غدر الزمن]

السلام عليكم ورحمه الله وبركاته

مساكم/صبحكم الله بالخير والمسرات


سؤال بسيط لمن يملك الخبره او المعلومه الاكيده الله لا يهينكم وخصوصا اهل الشاص

صوت الكارونه هل هو مستمر او على سرعات محدده اشتريت شاص 2014 ويجي فيه صوت بين الـ110 والـ120 وعجزت احدده بالظبط ولكن يروح الصوت اول ماتعدي سرعه 120 ومع هذا اسمع صوت ونه بالقير على الثالث والخامس


السياره الى الان مامشت 1000 كيلو وبغيت العلم الاكيد قدر المستطاع اذا فيه شي ابي انشب بحلق ابو لطيف

والله الموفق

[بن الزايد]

عيوب تصنيع راجع الوكيل او جرب جيب مثله

[يالبى الهلا]

رجعه للوكاله واطلب المشرف العام واشرط عليهم يصلحونه او تشتكي على التجاره واصور الموتر وانشره

[بدوي جنوبي]

اذا فيه تآكل في التروس ما ينقطع الصوت

بالنسبه لسيارتك دام ان صوت الونه تظهر من 110 الى 120
هذا بسبب خلوص بسيط بين التروس

[سلٍيم]

طيب يابدوي جنوبي لو يمشي عليها تظر أرجو الإفادة

[شاق النفد]

وانا اخوك معي مثل موترك 2012 شاريه وكاله اصفار
الصوت اللي انت تقصده ونين خفيف هذا سلمك الله من كبر الكوارين والقير وهي في الشاص والربع وهي طبيعية ووكالة
لان تروس الكوراين والقير كبار وطبيعي يطلع منها صوت خفيف

[صياد تميم]

رركب تحاظير وتروح هاذي بكل الشاصات والربوع

[أبوشريدح]

رركب تحاظير وتروح هاذي بكل الشاصات والربوع

وش تقصد ب التحاضير

[بدوي جنوبي]

طيب يابدوي جنوبي لو يمشي عليها تظر أرجو الإفادة

لا ان شاء الله مافى ضرر


وانا اخوك معي مثل موترك 2012 شاريه وكاله اصفار
الصوت اللي انت تقصده ونين خفيف هذا سلمك الله من كبر الكوارين والقير وهي في الشاص والربع وهي طبيعية ووكالة
لان تروس الكوراين والقير كبار وطبيعي يطلع منها صوت خفيف

كلامك صحيح
لكن المفترض ما يطلع صوت .


رركب تحاظير وتروح هاذي بكل الشاصات والربوع

مشكله التحاضير تحتاج صيانه
واغلبنا ما يصين ،،
واغلب اللى في السوق مو اصلى

[وااضح]

التحاضير يقصد بها الفرارات

[بدوي جنوبي]

التحاضير يقصد بها الفرارات


:good2::good2::good2:

https://encrypted-tbn3.gstatic.com/images?q=tbn:ANd9GcTTTiSxo0PZerURJalqszLSX4-auX-XA5eBWb1rFh-n7IuVKFkR

[صروووف]

السلام عليكم
بعد اذن صاحب الموضوع
ودي اسأل الاخ المشرف بدوي جنوبي ولا يهونون الاعضاء
انا معي فكسار 2003 وطلع فيه نفس هالمشكله
من شهرين تقريبا واذا رفعت رجلي يختفي الصوت
واذا تعديت 140 يروح الصوت اويخف بشكل كبير جدا
طبعا الدفع الرباعي فاصلة قبل ثلاث سنوات

[ابوسند9]

السلام عليكم
بعد اذن صاحب الموضوع
ودي اسأل الاخ المشرف بدوي جنوبي ولا يهونون الاعضاء
انا معي فكسار 2003 وطلع فيه نفس هالمشكله
من شهرين تقريبا واذا رفعت رجلي يختفي الصوت
واذا تعديت 140 يروح الصوت اويخف بشكل كبير جدا
طبعا الدفع الرباعي فاصلة قبل ثلاث سنوات
وعليكم السلام
احتمال عندك كارونه خلف

[almo3jl]

اول شي تسويه تتأكد من الكفرات شف اي واحد من الشله وبادله ابو ساعه بشرط مايكون فيهن صوت اماراح الصوت وحده من الثنتين يارمان العكس وووووو صوته يجي كذا او الاحتمال الثاني بس الجيوب مادري فيها او لا شداد الشاص او الدفونس او البعض يسمييه المقص الخلفي يجئ فوق الدفرنس بالفوردات يسبب الونه على نفس السرعات الي ذكرت من ٩٠او١٠٠و١١٠ويختفي على ١٢٠واذا على الونه بالثالث والخامس عوايد تويوتا القير العادي يسوويها غير زيت القير الحق عليه لايفلت الخامس ويقرر الثالث ولازم توضيب والتوضيب أغلى من سعر المستعمل النظيف لاكن بسالك انت قبل لاتصير ونات القير معاك سويت شي فيه تغيير صوف او رمان اي شي تطلب فك العكوس ياليت تجاوب وعلى فكره أنا معاي كامري ٢٠١٠قير عادي ويون القير لا وعلى سرعات عاليه بعد بس بالكامري شي طبيعي الوكاد تاكد من الي قلت لك والله لا يخسرك وبالنهايه ثق تماماً الدفرنس عندك سليم ميه الميه

[صروووف]

مشكور يابوسند
مشكور يالمعجل
جزاكم الله خيرا
ابي اشيك على اللي قلتم واشوف

[ashg90]

ياجماعة الخير الموتر جديد مامشى 1000 ليش يغير كفرات ويشيك عكوس يروح الوكالة وينشب لهم يعطونه واحد جديد اصفار يجربه اذا مافيه صوت يطالبهم يبدلونه له

[غدر الزمن]

شكرا لكل من رد واسف على التاخير اما بخصوص الاصوات دخلت السياره لصيانه عبداللطيف وفحصو السياره (تست درايف) يقولو هذا طبيعي في الموديلات هذي ولا منها خوف ولا ادري والله هي طبيعي او لا ولكنهم وعدو اذا حدث اي شي يكون على حساب الضمان شامل كامل

والله الموفق

[غدر الزمن]

اول شي تسويه تتأكد من الكفرات شف اي واحد من الشله وبادله ابو ساعه بشرط مايكون فيهن صوت اماراح الصوت وحده من الثنتين يارمان العكس وووووو صوته يجي كذا او الاحتمال الثاني بس الجيوب مادري فيها او لا شداد الشاص او الدفونس او البعض يسمييه المقص الخلفي يجئ فوق الدفرنس بالفوردات يسبب الونه على نفس السرعات الي ذكرت من ٩٠او١٠٠و١١٠ويختفي على ١٢٠واذا على الونه بالثالث والخامس عوايد تويوتا القير العادي يسوويها غير زيت القير الحق عليه لايفلت الخامس ويقرر الثالث ولازم توضيب والتوضيب أغلى من سعر المستعمل النظيف لاكن بسالك انت قبل لاتصير ونات القير معاك سويت شي فيه تغيير صوف او رمان اي شي تطلب فك العكوس ياليت تجاوب وعلى فكره أنا معاي كامري ٢٠١٠قير عادي ويون القير لا وعلى سرعات عاليه بعد بس بالكامري شي طبيعي الوكاد تاكد من الي قلت لك والله لا يخسرك وبالنهايه ثق تماماً الدفرنس عندك سليم ميه الميه


اولا شكرا لردك اما بخصوص السياره ماسويت اي . شي السياره جديده ومن طلعتها من الوكاله والاصوات فيها والله المستعان