القارمن للصحراء ومنكم نستفيد

[بلاكوتا]

السلام عليكم ورحمة الله وبركاته

بإختصار شديد وللمعلوميه أجهل بالقارمن كلياً :)

خرائط قوقل بالجوالات فيها فايده للمدن

يعني للمدن مانيب محتاج جارمن :D

الهرجه كله على البر

هل كل أجهزة القارمن تخدمني بإستخدامي وهو كالتالي

أبغى أدخل إحداثيات ويحط لي نقطه ويحط لي خط لين النقطه

الشي الثاني

أبغى أحفظ موقعي ويحط لي إحداثيه عليه

بعدين هل القارمن يشتغل بالبر بدون شبكه وسؤالي هذا بسبب

هاللي ضاعو بالبر كل فتره نسمع بواحد ضاع بالبر هل مامعهم قارمن والا إنه مايشتغل

يعني إذا رحت للبر وعمجت بالصمان او الربع الخالي رايح لبدو أعرفهم :D كمثال

أبحط نقطه عند المكان اللي دخلت معه وأبعمج وإذا بغيت أرجع

أبغاه يعطيني خط للنقطه اللي دخلت معه

هل كل أجهزة القارمن بتخدمني بهالشكل لأني لقيت أشياء رخيصه بالـ 500 ريال

هل بتوفي معي بإستخدامي هذا

وشكرا لكم

[طير شلوا]

حياكم الله اخى العزيز
نعم اخى العزيز جميع الاجهزه ( النوفى ) من شركه جارمن بالاخص لسهوله استخدامها ومناسبه اسعارها تحقق ما كتبته في اعلى الصفحه
لاتحتاج شبكه تعمل على الاقمار الصناعيه مباشره بدون اشتراك جهاز شغل وخلاص
مشاكل من يضيع بالبر ليس السبب عدم وجود جارمن قد يكون السبب تغريز السياره
او عطل بالسياره او نفاذ الوقود

[بلاكوتا]

تمام جداً

شكرا لك وماقصرت أوفيت وكفيت

[اليامي قطر]

يالربع اخوكم من قطر

تكفوووووون في هاليومين بامشي للحساء بأذن الله

وبغيت اشتري جهاز قارمن من هناك وش الانواع الممتاااااااازه ؟؟

وكم سعرهااا ؟؟؟

[محمد ابن عيد]

..
× انا عندي قارمن / Nuvi 50
عز الله انه مجملني في بر و مدينه
زينته ماشاء الله سرعة الاتصال ب الاقمار الصناعيه

[بلاكوتا]

شكرا لمشاركاتكم