المساعد الشخصي الرقمي

مشاهدة النسخة كاملة : راف فور 2013 وكاله فيها عطل !!!


مكاوي بحراوي
04/01/2014, 09:32 PM
السلام عليكم ياجماعة الخير ابيكم تقنعوني على الاجراء الي اتخذته صحيح ولا لا لان ضميري معذبني للأمانه ..انا شريت جيب راف فور 2013 من شركة عبداللطيف توي وطلعت من الشركة على البيت دايركت ووقفتها في القراج وطفيتها ورجعت اشغلها علشان اعدل الوقفه مارضيت تشتغل وربي وقتها وجهي برد ههههههههههههه ومغبون الحاصل شلتها على سطحته وباليوم الثاني اتضح ان التانكي مدقوق دقه جامده مما سبب عطل في طرمبة البنزين وهذه الدقه من الميناء جايه الحاصل ان الشركة قالت نغير لك التانكي كامل ..مع العلم اني قلت ابي اغير السياره ردوعلي بان العطل بسيط وماهو عيب مصنعي وارضوني بصيانة السيارة ل 10000 كيلو مجانية واكدت عليهم لو تكرر العطل راح اردها واخذ قروشي ووافقو على كلامي بس انا مغبون فما ادري الي سويته صحيح ولا كيف .. ارجو الإفادة ودمتم...
الحيسوني-
04/01/2014, 09:54 PM
انا اقول زين انهم رضوا يغيرونه لك لان العطل بسبب ضربة وانت استلمت السيارة
يعني لو بغوا يقولولك ان الضربة معك ماتقدر تسوي شي ولا تقدر حتى تشتكيهم لانك وقت استلام السيارة وقعت على ان السيارة سليمه
مكاوي بحراوي
04/01/2014, 10:11 PM
صدقت وهذا من فضل الله انه سخر لي موظف بقمة الرقي وحسن التعامل لو غيره كانت راحت علي ...اسعدني مرورك.
1824
05/01/2014, 12:51 AM
الحمدلله بس وقع ورقة مهعم اي مشكلة اضافية تتغير السيارة
يالبى الهلا
05/01/2014, 12:56 AM
اهم شئ واضب على الفحوصات حتى لليروح عليك الضمان
سيف نجد_
05/01/2014, 01:58 PM
يا اخوان دائماَ مخاطباتكم مع الوكالات كتابيا حتى تعرفون تاخذون حقكم منهم!



Sent from my GT-I9505 using Tapatalk 2
سقم المعادي 1
05/01/2014, 02:00 PM
خلاص دامهم بيغيرون التانكي على حسابهم ماعليه اهم شيء خذ منهم ورقة تثبت كلامهم زي ماقال الاخ سيف نجد
الحيسوني-
05/01/2014, 02:54 PM
تراء اي كلام او وعود يقولونها لك لازم تكون بورق رسمي مختوم
وزير التجارة يقول المستهلك غير ملزم بالصيانة لدى الوكيل ولا يلغى الضمان
سيف نجد_
05/01/2014, 03:11 PM
تراء اي كلام او وعود يقولونها لك لازم تكون بورق رسمي مختوم
وزير التجارة يقول المستهلك غير ملزم بالصيانة لدى الوكيل ولا يلغى الضمان

صحيح وخطاء المستهلك او المستخدم غير ملزم بالصيانة الدورية لإستمرار الضمان لكن لو العطل بسبب عدم الصيانة يتحمله المستخدم ولو كان بسبب اداء الصيانة لدى ورشة اخؤى ولكن الورشة الاخرى (الخارجية ) فشلت في الاصلاح ولم تقدمه حسب اصول المهنه تتحمل الورشة الضرر وعلى المستهاك اثبات هذا كله عن طريق الخبره وله انه يرجع على الورشة المتسببة بالضرر

وبالنسبة لصاحبنا الحمدلله انها جت على تانكي شي مخفي لو بتبيعها محد يقعد لك وخيره ما تدري والحمدلله اولا واخيرا والحذر واجب والي نشوفه ونسمعه هنا دروس لازم نعتبر منها!

لشتريت موتر جديد ؟ لا تندلق عليهم! اثقل واطلب انك تفحصه بنفسك بالكامل وروح لهم وقت نهار



Sent from my GT-I9505 using Tapatalk 2
مكاوي بحراوي
05/01/2014, 07:17 PM
اثلجتم صدري بالمرور الاكثر من رائع والافادة القيمه جعلها ربي بموازين حسناتكم شاكر ومقدر لكم تحيتي...
ابوراكان تبوك
05/01/2014, 09:16 PM
شوف من الاخر بقول لك ريح راسك ولاتفكر بالموضوع

ماهو لازم تأخذ ورق مختوم ومن هالكلام

أي قطعه تطلع من الوكاله مثل حالتك يسجلوها في ملف السياره اللي بالكمبيوتر ومكتوب عليه انه مصروف للسياره برقم شاص وتاريخ ورايح يكتبون سبب التغيير
يعني أي خلل لاقدر الله وقت الضمان بسبب هذه المشكله حقك مضمون وسبب صرف القطعه موجود

لو كان فيه رش هنا الكلام لكن موضوعك قطعه وتغيرت

مووووووووووفق