أقفت و قلبي كنه المر ساقيـه ... شفني أعاوي من سقمها أعـــاوي ( ذراع الذيب )

[عبدالرحمن بن ذياب]

السلام عليكم ورحمة الله وبركاته
صبحكم / مساكم الله بالخير جميعاً
مشرفين .. أعضاء .. زوار منتديات مكشات
مبطين عنكم وعن خيمة الصيد بالصقور للظروف
أسأل الله العلي العظيم أن يعيننا واياكم على هذه الحياة وأن يوفقنا لما يحب ويرضى
المقناص ..!!
من أكثر ما ينكد على الصقار بالمقناص لا توفرت الإجازة و الصيد هو ضياع الطير
وهو أمر وارد وحاصل وكل شئ بمشيئة الله
ضياع الطير بالمقناص يخلف ويترك وراه صدى حزين .. يعرفه من مر فيه
عسى الله لا يعرضكم للنكد ولا يضيق لكم صدور
يبدأ فيه الصقار برسم وتسطير لوحه شعريه في غاية الروعة و الجمال
( ذراع الذيب ) حب يشارككم بهذي القصيدة
بعد ضياع طيرته عسى الله يعقلها بيد ابن الحلال
وأنقل لكم قبلها سلامه و تحياته
لـ مشرفين و أعضاء و زوار منتديات مكشات
وأوجه له بنداء وطلب بأن يرجع لمنتديات مكشات ويشاركنا بمواضيعه المميزة
اللي أعدها و جهزها و ننتظر منه مشاركتنا بها وأخص منها مواضيع الموسم الماضي من مقناص و غيرهـ ...
نبدأ بالقصيده اللي يقول فيها :


http://www.m5zn.com/newuploads/2014/01/05/jpg//3859b6279df962d.jpg




أنا أدعي الله بآخر الليل وأرجيه
يعقل علينا اللي عليها المناوي
النادر اللي حقها مخطيٍ فيه
اللي ظهرها مثل لون السماوي
وجهٍ كما ذيب أقشر الجوع حاديه
طلعه بعيد و عالمهدات قاوي
من شافها قال الكراوين تفريه
ومن راح مقفي انكتب له بلاوي
هديتها بارض الوعر والمتاييه
هديتها و الريح معها تلاوي
أقفت كما الكدري وقناص راميه
تبغى الفكك ورهت بجنحٍ رهاوي
السبق فيها و العناء اللي تقفيه
يبغى نجاته مير .. وين النداوي
الجوع فيها كني بالنار صاليه
حتى تقطع شوفها بالحراوي
والعين وقف دمعها في مجاريه
في لحظةٍ قالت بهله غناوي
متباشره ابشوفها في محاريه
ثم ايقنت ان ما بفرحها رجاوي
و العين هلت دمعها في مباكيه
دمعة شرف ماهي بأم الغطاوي
و غديت أدور حروته في عصاريه
لين أظلمت عيني يا شمس الشقاوي
و الصبح عنيت القدم في مراقيه
وما فاد ملواحي لها يالخلاوي
أقفت وقلبي كنه المر ساقيه
شفني أعاوي من سقمها أعاوي
وأنا أدعي الله بآخر الليل وأرجيه
يعقل علينا اللي عليها المناوي
هذي هي القصيدة اللي قالها في طيرته اللي غدت وسبق ان أعلنت عنها



حب يشارككم بها تجديد عهد بكم ..




وان شاء الله نشوف ذراع الذيب يتجول بين أقسام منتديات مكشات


في النهاية الله يعقلها ويردها له .. والسلام عليكم ورحمة الله وبركاته

[ابو وافي00]

السلام عليكم ورحمة الله وبركاته
حياك الله
أخوي/عبدالرحمن
وأحيي أخوي ياسر
ذراع الذيب
ويشرفني أني أكون أول من يرد على الموضوع
لاشك ضياع الطير يعتبر من أصعب مايمر على الصقار والله يكفينا صواديف الأيام
وصح لسان أبو ناصر
وبيض الله وجهك على نقل القصيدة
وجعلنا نشاركه في ضيقته
أسئل الله أن يفرجها ويعقل عليه طيره
وبالمناسبه هيضتني أبيات ذراع الذيب وحبيت أني أجاريها بكم بيت والمعذره على القصور
والأبيات هي :
*
^
^



الطير هذي عادته لو تخاويه
ماتقضبه مادام للبعد ناوي
والجرح ياياسر ترانا نداويه
والله يرد اللي عليها الهقاوي
عزالله اني مالحقك بالمشاريه
قبلك نثرت الدمع سيلٍ نحاوي
على عديمً روح العام قافيه
يم الديار اللي عليها الحراوي
لاكن نبي نطلبلك الله ونرجيه
وتقر عينك يالعديم النداوي
وسلامتكم..


تحياتي:
أبو وافي..

[جير دبي]

تشكراخوي عبدالرحمن على طرحك هذه المشاركة الطيبه
قصيده جزله من جزل واوجه سلامي لخونا ذراع الذيب
واقوله الله يعقلها عليك ويبشر بل عوض..

[حشار11]

السلام عليكم ورحمة الله وبركات
الله يعينك يارارعيه[
]×القلب يزهمني وانا اقول لبيه .....
ماجور ياعز الضلوع الحناوي....
مثلك الا غابت لياليه تبكيه....
×روس الرجال مبعدين الهقاوي....
الله يعوضك بالصبر يوم ترجيه×...
طير غدى قبل امس وامرح خلاوي..
النادر اللي ضاع وابعد حراويه×....

وانا عقب فرقاه مانيب قاوي .....
لصار لك غالي تحبه وتفديه .. ×
عزاه يافرقا العديم النداوي ...
اشقر وبه شي على شانه اغليه...
×ولف وكنه يفتهم يفتهم للعزاوي...
×اليا سمع صوتي ولوبرقعه فيه...
×تلقاه يلفح بالجناح الرهاوي ....
ماهوب جوع ذاك غيري يخليه...
×عندي مثل خطوى الصغير الرضاوي...[/RIGHT]

[النداوي HZ2AF]

وعليكم السلام ورحمة الله وبركاته

حياك الله أخوي عبدالرحمن بن ذياب
قصيدة مؤثرة وتنبئ عن مدى حب الصقار لطيره
وأخونا الغالي ذراع الذيب ترك فراغ كبير في المنتدى
نسأل الله العلي القدير أن نرى له حضور مميز مرة أخرى بين صفحات المنتدى

وأشكرك على نقل القصيدة
وبلغ أبو ناصر سلامي الخاص وسلام كل من في المنتدى ويبشر بالعوض بإذن الله

موضوع يستحق التقييم والتميز

[ابرق الحرار]

وعليكم السلام ورحمة الله وبركاته

صباح الخير

ارحب يابو ذياب علومك كلها غانمه جبت اخبار ابو ناصر ونقلت القصيدة صح اللسانك وصح اللسان قايلها ونتمنى من هذا الموضوع رجوع ابو ناصر عما قريب انشاءلله

[(هزاع)]

حياك الله ياعبدالرحمن
ويالله ان تحيي اخوي ابوناصر (ذراع الذيب)
الله يعقل على ابوناصر طيرته ولاشك انها غاليه عليه بدليل هذه القصيده المؤثره
لايعلم حرارة الجمره الا رجل واطيها ولايعلم مدى غلا الطير غير فاقده
.............
رساله لاخوي ذراع الذيب
السلام عليكم ورحمة الله وبركاته
تعلم كم اكن لك من معزه خاصه انت تعلمها
وتعلم كم يكن لك اعضاء خيمة الصيد بالصقور من معزه
ومن خلال هذا الموضوع اوجه لك برسالتي هذه الرجوع لمحبيك
شاكرا لك تلبيت دعوتي
اخوك ابومشعل

[وزاري]

http://im33.gulfup.com/5LCq9.jpg (http://www.gulfup.com/?rncc03)

[صقار مجيرمه]

تشكراخوي عبدالرحمن على طرحك هذه المشاركة الطيبه

[ذيب خيطان]

صح لسانك يابو ناصر ولاهنت يابن ذياب والله يعقلها

[قرناس الجنوب 2011]

يبشر با العوض ابو ناصر وان شاء الله تاصلة في مكانة


تحياتي لك يا صاحب الموضوع المميز دوما

[صقار الأسياح]

صح لسانك وعسى الله يعوض عليك

[mtnokh]

لاترجي المقفي ولا تنادي ب ياهييه
رجل يجيب الهدف واحدن سماوي
لا تتطلب الا اللي مايخيب دعاويه
ربك كريم ولا يخيب الرجاوي
..
..
مساجله طيبه
استمتعنى وقلنا نشاركم
عافاكم الله
..

[moath2700]

الله يعقلها عليك يابو ناصر ....وماقصرت يابن ذياب على النقل ..
كفو يالنداوي قدها وقدود وكفو يابو مشعل ماقصرتوا من غير قصور بالنشاما الباقين

[خالد العطااوي]

الله يعقلها عليك يبو ناصر ..

[الشلاعي]

السلام عليكم ورحمه الله وبركاته
الله يعقل على ابو ناصر وضياع الطير مايعرف مدى تاثيره الا اللي جربه



قولوا لياسر لايبيح خوافيه
ماينفعه كثر الندم والمناوي
الطير طير وكل صقار يغديه
ماحدن على حكم المقادير قاوي
فيها العوض فرخن لي ايام شاريه
نادرقصير ساق مبرم قطاوي
يطلق ليا زان الهدد وجه راعيه
يستاهله ياسر بعيد الهقاوي

[نجم404]

الله يعقلها عليك يابو ناصر ....وماقصرت يابن ذياب على النقل ..
وگلنا امل بعودة محبوب الجميع ذراع الذيب

[عبدالرحمن بن ذياب]

السلام عليكم ورحمة الله وبركاته

حياك الله
أخوي/عبدالرحمن
وأحيي أخوي ياسر
ذراع الذيب
ويشرفني أني أكون أول من يرد على الموضوع
لاشك ضياع الطير يعتبر من أصعب مايمر على الصقار والله يكفينا صواديف الأيام
وصح لسان أبو ناصر
وبيض الله وجهك على نقل القصيدة
وجعلنا نشاركه في ضيقته
أسئل الله أن يفرجها ويعقل عليه طيره
وبالمناسبه هيضتني أبيات ذراع الذيب وحبيت أني أجاريها بكم بيت والمعذره على القصور
والأبيات هي :
*
^
^




الطير هذي عادته لو تخاويه



ماتقضبه مادام للبعد ناوي


والجرح ياياسر ترانا نداويه


والله يرد اللي عليها الهقاوي


عزالله اني مالحقك بالمشاريه


قبلك نثرت الدمع سيلٍ نحاوي


على عديمً روح العام قافيه


يم الديار اللي عليها الحراوي


لاكن نبي نطلبلك الله ونرجيه


وتقر عينك يالعديم النداوي

وسلامتكم..



تحياتي:
أبو وافي..



وعليكم السلام ورحمة الله وبركاته
ابقاك الله ويا مرحبا ومسهلا بأبو وافي
صح الله لسانك لا هنت على هالبيوت الجزال
لا هنت على المرور الطيب

[عبدالرحمن بن ذياب]

تشكراخوي عبدالرحمن على طرحك هذه المشاركة الطيبه

قصيده جزله من جزل واوجه سلامي لخونا ذراع الذيب

واقوله الله يعقلها عليك ويبشر بل عوض..



الشكر لك أخوي جير دبي على المرور الطيب
والله يجزاك خير وبراسك العوض ابو ناصر عليه يمين ما ياخذ من احد
وجعلك ذخر وافي ما تقصر ولا عدمناك

[عبدالرحمن بن ذياب]

السلام عليكم ورحمة الله وبركات
الله يعينك يارارعيه[
]×القلب يزهمني وانا اقول لبيه .....
ماجور ياعز الضلوع الحناوي....
مثلك الا غابت لياليه تبكيه....
×روس الرجال مبعدين الهقاوي....
الله يعوضك بالصبر يوم ترجيه×...
طير غدى قبل امس وامرح خلاوي..
النادر اللي ضاع وابعد حراويه×....

وانا عقب فرقاه مانيب قاوي .....
لصار لك غالي تحبه وتفديه .. ×
عزاه يافرقا العديم النداوي ...
اشقر وبه شي على شانه اغليه...
×ولف وكنه يفتهم يفتهم للعزاوي...
×اليا سمع صوتي ولوبرقعه فيه...
×تلقاه يلفح بالجناح الرهاوي ....
ماهوب جوع ذاك غيري يخليه...
×عندي مثل خطوى الصغير الرضاوي...[/RIGHT]


وعليكم السلام ورحمة الله وبركاته
حياك الله يا حشار وصح الله لسانك ملايين
جزله من جزل لا هنت ولا عدمناك

[عبدالرحمن بن ذياب]

وعليكم السلام ورحمة الله وبركاته



حياك الله أخوي عبدالرحمن بن ذياب
قصيدة مؤثرة وتنبئ عن مدى حب الصقار لطيره
وأخونا الغالي ذراع الذيب ترك فراغ كبير في المنتدى
نسأل الله العلي القدير أن نرى له حضور مميز مرة أخرى بين صفحات المنتدى


وأشكرك على نقل القصيدة
وبلغ أبو ناصر سلامي الخاص وسلام كل من في المنتدى ويبشر بالعوض بإذن الله



موضوع يستحق التقييم والتميز



أبقاك الله يالنداوي و تسلم ما تقصر العوض براسك جعلك ذخر
ويوصل سلامك سلمت ولا هنت

[عبدالرحمن بن ذياب]

وعليكم السلام ورحمة الله وبركاته



صباح الخير



ارحب يابو ذياب علومك كلها غانمه جبت اخبار ابو ناصر ونقلت القصيدة صح اللسانك وصح اللسان قايلها ونتمنى من هذا الموضوع رجوع ابو ناصر عما قريب انشاءلله



البقى يا مرحب يا هلا وسهلا بك ما عليك زود
صح الله بدنك ولا هنت على المرور

[عبدالرحمن بن ذياب]

حياك الله ياعبدالرحمن

ويالله ان تحيي اخوي ابوناصر (ذراع الذيب)
الله يعقل على ابوناصر طيرته ولاشك انها غاليه عليه بدليل هذه القصيده المؤثره
لايعلم حرارة الجمره الا رجل واطيها ولايعلم مدى غلا الطير غير فاقده
.............
رساله لاخوي ذراع الذيب
السلام عليكم ورحمة الله وبركاته
تعلم كم اكن لك من معزه خاصه انت تعلمها
وتعلم كم يكن لك اعضاء خيمة الصيد بالصقور من معزه
ومن خلال هذا الموضوع اوجه لك برسالتي هذه الرجوع لمحبيك
شاكرا لك تلبيت دعوتي

اخوك ابومشعل



أبقاك الله يالهزاع وسلمت ولا هنت على المرور الطيب

[متقاعد ومرتاح]

السلام عليكم ورحمة الله وبركاته/حياك الله يابوذياب والله يعقلهاعلى ذراع الذيب ومتى نشوف مشاركاتك يابوناصر

[استاذ]

الله يعقل على كل مسلم ضالته

[حصريا001]

تشكراخوي عبدالرحمن على طرحك هذه المشاركة الطيبه
قصيده جزله من طاروح وصقار
وبلغ سلامي لخونا ذراع الذيب