من لاسعى فالمرجله في شبابه . .

[عقاااب]

السلام عليكم ورحمة الله وبركاتة
قصيده . .
(( من لاسعى للمرجله في شبابه ))

من لا سعى للمرجله في شبابه
اليا كبر يتعب وهو مالقيها
ومن لا يقاسم فالطعام الذيابه
يموت جوع ولقمته مشتهيها
ومن طق باب الناس ينطق بابه
و يذكرونه في علومِ نسيها
ومن لايفقد كل جابه وجابه
لا جاته الزلات يصبر عليها
ومن لايثمن فالمجالس جوابه
الطيبه يبطي وهو يحتريها
و اللي يضيع فالملاقا ركابه
يجلس ويتركها لمن يمتطيها
ومن لايصد القوم ماينغزى به
والنايفات يموت ما يعتليها
واللي يسولف في ظهور القرابه
اخير منه الي تحني يديها
واللي يقيّل في بيوت الخرابه
لو تطرده منها يروح ويجيها
وان مات والا عاش محدٍ درابه
يجهل علوم الطيب لو يدعيها
ومن لايهاب الناس محدٍ يهابه
ويرضى بها من هو لغيره رضيها
واللي يحسب الرزق يؤخذ نهابه
اليا انهبوه القوم لا يرتجيها
ومن لايفصل فوق جسمه ثيابه
ياشين لبستها بعد يشتريها
والفعل يفرق والملامح تشابه
والا المواقف غير من يحتميها
واللي كلامه سيف صدره نصابه
و قدام ينطق كلمته يحتسيها
وكلن تسجل سيرته في كتابه
اما لها و الا تسجل عليها

[نحيحيل الوادي]

وعليكم السلام ورحمة الله وبركاته

قصيده رائعه وحوت كنوز الحكمه

صح لسانك وابداعك

الي الامام

[علي الثاني]

وعليكم السلامورحمةالله وبركاته.
صح لسانك وسلمت بنانك ورفع الله شأنك ياخوي عقاب أبدعت فامتعت واحسنت فيما صنعت وفقك الله إلى كلخير تحياتي لك.

[عقاااب]

الله يعطيكم العافيه ع ردودكم الجميله
وشكراً اخوي / نحيحيل الوادي ، واخوي / علي الثاني
جزاكم الله خير

[فيروزه]

قصيدة رائعة صح لسانك سؤال اخ عقاب لديك ديوان شعر مطبوع ؟ لأن قصائد جواهر ودرر مثل قصائدك يجب أن يقرأها اللجميع زادك الله من فضله