ابي لي واحد نشمي من اهل رفحاء يقول ابشر

[harth_10]

بسم الله الرحمن الرحيم


السلام عليكم ورحمة الله وبركاته

احبتي اعضاء منتدانا الغالي

انا احتاج الى نبتة الخزاما وشفت صور لها في خبر نشرته سبق في منطقة رفحاء وياليت احد من شباب الديرة يخدمني فضلا لا امرا وجزاه الله عني كل خير

[باسم40]

صبحك الله بالخير
اذا كان تقصد معرفة منابت الخزاما
انا من اسبوعين شفته حول رغوه على طريق البطيحانية لينه تشوفه وانت على الخط على ايمن الخط وايسره

[harth_10]

صبحك الله بالخير
اذا كان تقصد معرفة منابت الخزاما
انا من اسبوعين شفته حول رغوه على طريق البطيحانية لينه تشوفه وانت على الخط على ايمن الخط وايسره


تسلم ياغالي بارك الله فيك

انا مقصدي اني احصل على النبته (( زهور )) ابيها علاج وانا في منطقه الطائف لم يحصل لي ان شاهدت هذه النبته عندنا ان لم اكن واهم وحسب علمي والله اعلم ان منابته نجد والشمال

[شادي نجد]

وعليكم السلام ورحمة الله وبركاته .


هذه النبة المسماة بـــ الخزامى موجودة في كل مكان ومدينة الرياض تعج بها وبالضبط أمام جامعة نوره قريب من مطار الملك خالد .


تحيتي لك .

[مسامرالليل]

تسلم ياغالي بارك الله فيك

انا مقصدي اني احصل على النبته (( زهور )) ابيها علاج وانا في منطقه الطائف لم يحصل لي ان شاهدت هذه النبته عندنا ان لم اكن واهم وحسب علمي والله اعلم ان منابته نجد والشمال

يامرحبا بالاخ : harth_10
نبتة الخزاما تنبت فى المناطق الحارة حسب علمي وقد شاهدتها فى ضواحي الرياض بكثرة , وان شاء الله تجدها من راعي رفحاء او احد الأخوان فى الرياض , واحببت استفسر منك وش تعالج نبتة الخزاما
بارك الله فيك

[web]

الرجال يبي احد يرسلها له اذا عندكم بس خص اهل رفحا لانها مربعه الان

اخوي حارث ان طلع احد هالويك اند ابشر ان شاء الله نوصيه يجبها لك بس انت في اي منطقه الله يحفضك

[صياد الخبر]

السلام عليكم

عينوا اخوكم بارك الله فيكم

ربع تعاونوا ما ذلوا

قواكم الله

[شري97]

اذا الخزامى فيها علاج رح لقرب محل عطاره تلقاها عنده وياليت تذكر لنا مذا تعالج الخزامى
والله ماحولي النبته كان قلت ابشر

[harth_10]

شكر الله لكم احبتي الكرام وجزاكم الله عني كل خير

ابشركم لقيت لها منتجات عند العطار زيت الخزامى وكذلك نفس النبته تباع عند العطارين

اللي يسأل عن وش تعالج انا لقيت مقطع في اليوتيوب عن الخزامى تعالج مشاكل التنفس والتهابات البرد وعندي ولد يعاني من الربو او الحساسية قلت اجربها معه لعل وعسى تكون سبب في علاجه واللي يبي معلومات اكثر تكتب في اليوتيوب فوائد الخزامى وتجد فيديو لمعالج مطوع شكله خليجي اما الكويت او حولها يتكلم عن هذا الموضوع

بارك الله في الجميع وعافانا واياكم من كل شر اللهم امين

[web]

شكر الله لكم احبتي الكرام وجزاكم الله عني كل خير

ابشركم لقيت لها منتجات عند العطار زيت الخزامى وكذلك نفس النبته تباع عند العطارين

اللي يسأل عن وش تعالج انا لقيت مقطع في اليوتيوب عن الخزامى تعالج مشاكل التنفس والتهابات البرد وعندي ولد يعاني من الربو او الحساسية قلت اجربها معه لعل وعسى تكون سبب في علاجه واللي يبي معلومات اكثر تكتب في اليوتيوب فوائد الخزامى وتجد فيديو لمعالج مطوع شكله خليجي اما الكويت او حولها يتكلم عن هذا الموضوع

بارك الله في الجميع وعافانا واياكم من كل شر اللهم امين


الله يشفيه ان شاء الله
ولا تنسى عسل السدر الاصلي على الريق ملعقه ان شاء الله انها بتفيده .

وبنسبه للخزامى تجنب استخدام الزيت، استخدام داخلي الزيت كدهان خارجي فقط .
وبانسبه لصدر نصحو بغلي مقدار ملعقتين شاهي من الخزامى (الورد) فقط بدون الساق والورق ويشرب الماء
نافعه باذن الله لصدر والشقيقه والصداع.

انصحك اذا فيه احد كاشت هاليومين تاخذه طازج ازينلك من المجفف وعند العطارين شف كم صارله وبعد يمكن مسك نكهات ثانيه .
ان كان احد طالع او شي يجيبه لك ماعلمتنا منطقتك يمكن نفيدك.

[مرسي الزناتي]

بيض الله وجهك يا web وجزاك الله خير تنفع اخاك المسلم

[wa7eeed]

أنا من أهل عرعر راسلني خاص وأبشر بسعدك وياليت ترفق صوره لها