استفسار عن محلات تفصيل الخيام وطرابيل الشنطة

[N.m.a]

السلام عليكم
ياليت ندلوني على محلات تفصيل ( رواق + غطا الشنطة او الطربال[مايحضر اسمه ببالي الان ] )

اولا وين اماكنهم بالغرابي ؟ ( اول مره بروح للغرابي ) :D
افضل قماش للرواق وش نوعه ؟ يكون متوسط السعر
وين القى حدايد الرواق لاني احتاج عرضة فقط 90 سم
ووش رايكم افصل رواقين منفصلات 4 متر و 4 متر او 8 متر واحد ؟
+ كم متوسط السعر لتفصيل رواق 90*4متر ؟
+ كم متوسط سعر تفصيل الطربال الخلفي لباترول ربع ؟

جزاكم الله خير

[اسدهم]

انا استخدم عدد2 واحد اربعة متر وثاني ثنعش متر تنزاني مقلد 4متر شارية من برق الحيا علية ضمان المواصيرة ماتكسر وراتفاعة واللة انب ناسية اضاهر مية وربعين

[Anwar abdulla]

اخذت قبل يومين رواق ١٠متر ارتفاع ١٢٠سم
من الغرابي وخليته يفصل له شنطه ب٨٠ ريال
القماش صيني

اما القماش الباكستاني الابيض يمكن يكلف ١٠٠ريال
بس الصيني ماعليه يفي بالغرض

واذا رحت هناك تبي تحصل كل شي ارخص من المحلات النصابين

[N.m.a]

ياساتر !!! كل هالنصب والجشع عند اصحاب المحلات ؟
رواق ٦ متر في متر يباع ب ٧٠ و ٨٠ واردى انواع الاقمشة
وتفصيل دبل الطول بنفس السعر تقريبا !!

وين مكان المحلات ياشباب ؟

[سقم المعادي 1]

الرواق التنزاني سعره مرتفع ولا منه فائده تذكر نفس المهمه يقوم بها رواق بقماش باكستاني او صيني

المحلات في الغرابي تحصلها يفصلون لك اللي تبي

[N.m.a]

الباكستاني هو الابيض ؟ الي اعرف ان الابيض سيئ للغاية ينشب فيه الشوك و الحصى
بعكس الي لونه رملي

[قناص مزاجي]

الغرابي موجوده فيه ورخيص ارخص من برق الحيا والسنيدي وغيرهم من المخلات التي تنتشر لبيع عدد الرحلات الفاشله المحلات التي بالغرابي رخيصه وشغلهم ممتاز جدا وشغلهم شغل يد والحديد متوفر على حسب طلبك