عيناوي
31/10/2006, 07:19 AM
السلام عليكم ورحمة الله وبركاته
صبحكم الله بالخير يالاجاويد...
وانا اتنقل بين صفحات الشبكة...لقيت هالمناظره الي مثل العسل...قلت لا شك بتعجبكم ...
قبل البدء...يجب اعطاء هذين الطيرين حقهم والتعريف بهما(ادري عارفينهم ومايحتاج لكن...:D)
اولا: تعريف صقر الوحش و صقر الجير ؟؟؟
تعريف صقر الوحش ::
يقول صقر الوحش عن نفسه: انا طائر من عائلة الجوارح و من فصيلة الصقور و اسكن الجبال والمرتفعات العالية وأعتمد على نفسي في الصيد ولا ارضى بأن يقترب من عشي أي طائر كان وانا مقاتل عنيف ولا أخاف إلى من (الله عزوجل) وعدوي الأول هو
((الإنسان)) ولاكن احب بعض الأشخاص من البشر وهم (((الصقارة))) لأنهم يحبونني ويعرفون قدري عندهم ويتفاخرون بي كثيرا وذالك بسبب شكلي الجميل وقوتي وسرعتي في الصيد وتحملي المشقه والمرض و لأنني رفيق دربهم من زمن طويل .
تعريف صقر الجير ::
يقول الجير عن نفسه: انا مثل أخوي الوحش بس أنا ما أتنزل أسكن الجبال مثله انا تربيت في المزارع الجميلة والناس يحبوني وايد ومش مقصرين فيني ابدا ويفحصوني فحص طبي كل يوم ويدلعوني في الأكل و عندي من يوم انا فرخ صغير شهادة ميلاد وجواز سفر وبقول لكم ليش يعتنون فيني،، لأني جميل وحلو وايد وحجمي اكبر من اخوي الوحش وأنا اقوى منه وأسرع منه في المسافات القريبة والصقارة يتسابقون على شرائي ويحجزوني من يوم انا فرخ صغير لأني اثبت جدارتي في الصيد .
ثانيا المناظـــــــــره المرتقبه بينهم
حوار مفتوح بين الوحش والجير (بدت المشاكل بينهم:D ).
الوحش : اسمع يا خوي الجير ترا انا بدوي وعايش في البر وميزة البدوي الصراحه وودي اسألك انت ياخي ليش مغرور شوي وشايف نفسك على باقي الطيور ليش!!
الجير : شوف عاد لا تقعد تهددني لأنك بدوي وما تخاف ترا حتى انا مب سهل وأنا متعلم أكثر منك وتربطني علاقة قوية مع الأنسان وبعدين ياخي بكيفي انا مغرور لأني حلو وقوي وعايش في غرفة حلوه وايد .
الوحش : والله حاله.. ياخي حتى انا حلو وايد وفيه من أخواني الوحوش الوانهم الابيض والاشقر والاسود والادهم وسعرهم غالي وايد وأغلى منك وترا الوانهم طبيعيه مش مغشوشة مثلك ومثل اخوانك (مافينا على الفضايح ونطلع المستخبي ).
الجير : عدال يا الوحش... أشوفها طالت وشمخت وقمت تطاول على صقور المدن والمزارع كأنهم مش عاجبينك ولا انت غيران منا علشان صار غير مرغوب فيك في الأسواق والشباب في حماية البيئه يدورونك ولا يسمحون لك بالمرور في المطارات كأنك (أرهابي ).
الوحش : وتسمي حالك متعلم ومثقف بعد... صدق ان الصقارة ابتلشو فيك من (غبائك) ياخي خلني اوضحلك شي،، ان شباب حماية البيئة خايفين علينا من الأنقراض والسبب ان الصقارة الكبير منهم والصغير يحبوننا وايد من زمان وحتى انا أعرف صقارة تركوا الصقارة من يوم نزلت انته وأمثالك الى السوق .
الجير : طيب اسمع بقولك لو جبت اخوي (الجير شاهين ) واخوك (الشاهين الوحش) وتسابقوا من راح يسبق ؟؟ يا الله تكلم قول الي عندك خلصني بسرعة.
الوحش : صدق انك غشيم وما تفهم يا الجير اسمع ردي وتعلم مني اذا ما علموك أهل المزارع. اخوك الجير شاهين حق المسافات القريبة اسرع وانا أعترف عادي ،، بس أخوي الشاهين الوحش اسرع من اخوك في المسافات البعيدة ويمر عليه كأنه واقف وبعدين تعال بقولك شي جديد عليك ، اخوي الشاهين الوحش يقدر يقطع مسافة 100 كم خلال ساعة وما يقدر اخوك الجير شاهين ان يحط راسة براس اخوي الشاهين الوحش.
الجير : كلام جميل ومقنع بس رد على سؤالي وبصراحه مثل ما عودتني اخوك الشاهين الوحش ليش ما يبدل ريشه بسرعة وهوفرخ ويلعوز الصقار من كثر ما ينتظره بعكس اخوي الجير شاهين حافظ عليه على طول يبدل ريشه بسرعة ويقول انا جاهز سيدي اول الموسم.
الوحش : هذا طبيعي ان اخوي الشاهين ما يبدل ريشه بسرعة وهو فرخ بسبب خوفه من الصقار ومشكلته انه يفكر في ان يهرب في أي لحظة لأنه (عصبي ) ولا يتحمل الجوع وايد ويحب ان يطير بروحه ولايحب المقيض والحبس مش مثلكم من يوم انتوا افروخ عايشين في حجرة ومكيف ولاكن عندي سؤال يا الجير ليش بعض الصقارة يقولون انكم يا معشر الجير تنسون الي تصيدونه بسرعة صح هذا الكلام ولا لا.
الجير : شوف اخوي الوحش انته كنت صريح معاي وانا بجاوبك بصراحه مثلك ،، في بعض من اخواني المهجنين من سلالة الجير مفضحينا عند الصقارة ومسودين وجوهنا والسبب امهاتهم وابواتهم لك عليهم شوي يعني من فخيذة تعبانه وريخصة والمصيبة انهم مالين الأسواق وأصحاب مزارعهم يزورون أحجال ويكتبون عليها اسماء سلالات معروفة من الجير ،، اما نحن ما ننسى الصيدة اللي نصيدها حتى لو بعد 10 سنين.
الوحش : اشكر لك صراحتك يا بن عمي الجير وألحين عرفت بعض المعلومات عنكم بس ابغي أعطيك معلومه يمكن انت ما تعرفها وهي .
في قرابة بيننا يا بن عمي من سابع جد لأن أصحاب المزارع السابقين قاموا بتهجين الوحش والجير وخلط السلالات علشان تطلع انت وامثالك وتاكل الجو علينا والله زمن!!.
الجير : معلومتك هذي قديمه وصحيحة 100 % وانا شفت شجرة العائلة عندنا في المزرعة وستغربت من الي قريته وخل الغطى مسكر ما فينا على الفضايح بس نحن ما نحق نعترف بذالك واسمحلي بروح عنك لأنك كشفت المستور وجرحتني الله يسامحك مع السلامه وشد حيلك عن التهريب والسجون لا تخلي حد يمسكك وحياك يا بن عمي .
الوحش : اسمحلي يا اخوي قلبت المواجع عليك بس لا تخاف الناس صاروا يحبونك وايد ولك مستقبل في الفتره القادمة وبالتوفيق يا بن عمي والرساله بين يديكم الحين يا (معشر الجير) وشكرا.
انـــــــــــــــــا لست مسؤلا عما تم ذكره كل الي سويته لطشت هالحوار لكم:D
اتمنـــــــــى انها اعجبتكم...انا بصراحه استمتعت بقراءتها;)
ســـــــــــــلام
صبحكم الله بالخير يالاجاويد...
وانا اتنقل بين صفحات الشبكة...لقيت هالمناظره الي مثل العسل...قلت لا شك بتعجبكم ...
قبل البدء...يجب اعطاء هذين الطيرين حقهم والتعريف بهما(ادري عارفينهم ومايحتاج لكن...:D)
اولا: تعريف صقر الوحش و صقر الجير ؟؟؟
تعريف صقر الوحش ::
يقول صقر الوحش عن نفسه: انا طائر من عائلة الجوارح و من فصيلة الصقور و اسكن الجبال والمرتفعات العالية وأعتمد على نفسي في الصيد ولا ارضى بأن يقترب من عشي أي طائر كان وانا مقاتل عنيف ولا أخاف إلى من (الله عزوجل) وعدوي الأول هو
((الإنسان)) ولاكن احب بعض الأشخاص من البشر وهم (((الصقارة))) لأنهم يحبونني ويعرفون قدري عندهم ويتفاخرون بي كثيرا وذالك بسبب شكلي الجميل وقوتي وسرعتي في الصيد وتحملي المشقه والمرض و لأنني رفيق دربهم من زمن طويل .
تعريف صقر الجير ::
يقول الجير عن نفسه: انا مثل أخوي الوحش بس أنا ما أتنزل أسكن الجبال مثله انا تربيت في المزارع الجميلة والناس يحبوني وايد ومش مقصرين فيني ابدا ويفحصوني فحص طبي كل يوم ويدلعوني في الأكل و عندي من يوم انا فرخ صغير شهادة ميلاد وجواز سفر وبقول لكم ليش يعتنون فيني،، لأني جميل وحلو وايد وحجمي اكبر من اخوي الوحش وأنا اقوى منه وأسرع منه في المسافات القريبة والصقارة يتسابقون على شرائي ويحجزوني من يوم انا فرخ صغير لأني اثبت جدارتي في الصيد .
ثانيا المناظـــــــــره المرتقبه بينهم
حوار مفتوح بين الوحش والجير (بدت المشاكل بينهم:D ).
الوحش : اسمع يا خوي الجير ترا انا بدوي وعايش في البر وميزة البدوي الصراحه وودي اسألك انت ياخي ليش مغرور شوي وشايف نفسك على باقي الطيور ليش!!
الجير : شوف عاد لا تقعد تهددني لأنك بدوي وما تخاف ترا حتى انا مب سهل وأنا متعلم أكثر منك وتربطني علاقة قوية مع الأنسان وبعدين ياخي بكيفي انا مغرور لأني حلو وقوي وعايش في غرفة حلوه وايد .
الوحش : والله حاله.. ياخي حتى انا حلو وايد وفيه من أخواني الوحوش الوانهم الابيض والاشقر والاسود والادهم وسعرهم غالي وايد وأغلى منك وترا الوانهم طبيعيه مش مغشوشة مثلك ومثل اخوانك (مافينا على الفضايح ونطلع المستخبي ).
الجير : عدال يا الوحش... أشوفها طالت وشمخت وقمت تطاول على صقور المدن والمزارع كأنهم مش عاجبينك ولا انت غيران منا علشان صار غير مرغوب فيك في الأسواق والشباب في حماية البيئه يدورونك ولا يسمحون لك بالمرور في المطارات كأنك (أرهابي ).
الوحش : وتسمي حالك متعلم ومثقف بعد... صدق ان الصقارة ابتلشو فيك من (غبائك) ياخي خلني اوضحلك شي،، ان شباب حماية البيئة خايفين علينا من الأنقراض والسبب ان الصقارة الكبير منهم والصغير يحبوننا وايد من زمان وحتى انا أعرف صقارة تركوا الصقارة من يوم نزلت انته وأمثالك الى السوق .
الجير : طيب اسمع بقولك لو جبت اخوي (الجير شاهين ) واخوك (الشاهين الوحش) وتسابقوا من راح يسبق ؟؟ يا الله تكلم قول الي عندك خلصني بسرعة.
الوحش : صدق انك غشيم وما تفهم يا الجير اسمع ردي وتعلم مني اذا ما علموك أهل المزارع. اخوك الجير شاهين حق المسافات القريبة اسرع وانا أعترف عادي ،، بس أخوي الشاهين الوحش اسرع من اخوك في المسافات البعيدة ويمر عليه كأنه واقف وبعدين تعال بقولك شي جديد عليك ، اخوي الشاهين الوحش يقدر يقطع مسافة 100 كم خلال ساعة وما يقدر اخوك الجير شاهين ان يحط راسة براس اخوي الشاهين الوحش.
الجير : كلام جميل ومقنع بس رد على سؤالي وبصراحه مثل ما عودتني اخوك الشاهين الوحش ليش ما يبدل ريشه بسرعة وهوفرخ ويلعوز الصقار من كثر ما ينتظره بعكس اخوي الجير شاهين حافظ عليه على طول يبدل ريشه بسرعة ويقول انا جاهز سيدي اول الموسم.
الوحش : هذا طبيعي ان اخوي الشاهين ما يبدل ريشه بسرعة وهو فرخ بسبب خوفه من الصقار ومشكلته انه يفكر في ان يهرب في أي لحظة لأنه (عصبي ) ولا يتحمل الجوع وايد ويحب ان يطير بروحه ولايحب المقيض والحبس مش مثلكم من يوم انتوا افروخ عايشين في حجرة ومكيف ولاكن عندي سؤال يا الجير ليش بعض الصقارة يقولون انكم يا معشر الجير تنسون الي تصيدونه بسرعة صح هذا الكلام ولا لا.
الجير : شوف اخوي الوحش انته كنت صريح معاي وانا بجاوبك بصراحه مثلك ،، في بعض من اخواني المهجنين من سلالة الجير مفضحينا عند الصقارة ومسودين وجوهنا والسبب امهاتهم وابواتهم لك عليهم شوي يعني من فخيذة تعبانه وريخصة والمصيبة انهم مالين الأسواق وأصحاب مزارعهم يزورون أحجال ويكتبون عليها اسماء سلالات معروفة من الجير ،، اما نحن ما ننسى الصيدة اللي نصيدها حتى لو بعد 10 سنين.
الوحش : اشكر لك صراحتك يا بن عمي الجير وألحين عرفت بعض المعلومات عنكم بس ابغي أعطيك معلومه يمكن انت ما تعرفها وهي .
في قرابة بيننا يا بن عمي من سابع جد لأن أصحاب المزارع السابقين قاموا بتهجين الوحش والجير وخلط السلالات علشان تطلع انت وامثالك وتاكل الجو علينا والله زمن!!.
الجير : معلومتك هذي قديمه وصحيحة 100 % وانا شفت شجرة العائلة عندنا في المزرعة وستغربت من الي قريته وخل الغطى مسكر ما فينا على الفضايح بس نحن ما نحق نعترف بذالك واسمحلي بروح عنك لأنك كشفت المستور وجرحتني الله يسامحك مع السلامه وشد حيلك عن التهريب والسجون لا تخلي حد يمسكك وحياك يا بن عمي .
الوحش : اسمحلي يا اخوي قلبت المواجع عليك بس لا تخاف الناس صاروا يحبونك وايد ولك مستقبل في الفتره القادمة وبالتوفيق يا بن عمي والرساله بين يديكم الحين يا (معشر الجير) وشكرا.
انـــــــــــــــــا لست مسؤلا عما تم ذكره كل الي سويته لطشت هالحوار لكم:D
اتمنـــــــــى انها اعجبتكم...انا بصراحه استمتعت بقراءتها;)
ســـــــــــــلام