المساعد الشخصي الرقمي

مشاهدة النسخة كاملة : عندي مشكله بسيارتي نوع فتك2006سوبر سفاري


ابوزيد333
07/01/2014, 05:22 PM
مساء الخير للجميع
عندي مشكله بسيارتي نوع فتك2006سوبر سفاري
وهي ضغف بعزم السياره عند دخولي الى النفود ورغم تشغيل الدبل الخفيف وعند التحويل على الدبل الثقيل يرقص معي انبير الضغط وديته لكثر من ورشه
وماعرفوا السبب

بالزفلت يمشي 200وداخل المدينه ماحسن منه وعزمه على الزفلت طبيعي بس اذا دخلت النفود وكان فيه طلاعات صغيره يدقر كانه يجر سياره وراه

http://www.mekshat.com/vb/images/misc/progress.gif
فتك08
07/01/2014, 05:54 PM
هواء الكفرات يالغالي اكيد زايد عندك
يفضل من 15-25 لكن حسب الكفرات نوعيتها و عرضها و دعستها;)
ابو سوبر
07/01/2014, 05:58 PM
السلام عليكم
اخوي شيك على دبة التلوث
ابوزيد333
07/01/2014, 06:09 PM
وعليكم السلام
ياخوي فتك 8 الهوى حق الكفرات ماهو السبب لاني من سكان النفود واعرف مقاس الهوى

اما اخوي الى يقول شيك على دبت التلوث مادري وش تقصد هل هوفلترالهوى
لاهنت يا قلبي
07/01/2014, 08:06 PM
يقصد فلتر الهوا
والزيدك من الشعر بيت
تماتيك المروحه شيك عليه اذا هو خربان ترا ياثر ع عزمه
انا كان معي سفاري ٩٣ نفس وضعك وبالصدففه عيرت تماتيك المروحه
وتغير عزمه بشكل غير طبيعي. ترا له دور بس تاكد قبل تغير ممكن يكون سبب ثاني
ابوسند9
07/01/2014, 09:20 PM
ابو يزيد
اذا القير عندك اوتو فا الدبل الخفيف ضعيف نوعا ما ويحتاج تنسيم الى 10 احينا حسب نوع الكفرات ومع هذا يحتاج تحوله على النمره واحد
لكن اذا تقول والله قبل كان كويس فا انا اشك بخرطوش فلتر الهواء الكبير انه فيه شق صغير , لذا فكه وشيك عليه او لف عليه تيب عريض وجرب ,واذا كان مع الغرز البسيط ما يطلع اللى با الثقيل فا اشك با الخرطوش
كلاش2500
08/01/2014, 01:47 AM
مشكلتك هذى تصير بالقير الاوتوماتيك....ولو انك ماوضحت وش نوع القير عادى ولا اوتو...
عموما اتوقع انه اوتو....فهذى الله يسلمك سببها قطعة بالقير ولازم تغيرها وسعرها غالى وهى المسئولة واسمها فالف بودى.....وعشان ابسطلك المسألة انت عندما تشبك الدبل الكمبيوتر مايقرأ ويسويلك هذى اللخبطة...عموما انت لاتستعجل احتمال يطلع سنسور خربان.... لاتودى موترك للورش العادية ودها اشخاص متخصصين بقير الفتك.....وسلامتك...
ابوزيد333
08/01/2014, 10:52 AM
اشكر الجميع على التفاعل
وموتري اتوماتيك وماكن كذا اول
يبرد عزمه عند طلوع اى طلعه لوخفيفه واذا حولته الى الدبل الثقيل ودعست
الانبير حق الضعط يرقص كانك تشحط للموتر
واعتقد اقرب واحد لتشخيص الحله اخونا كلاش 2500

وتنصحوني وين اوديه لان عندنا بحائل مافيه احد بس القصيم اقرب منطقه لي ياليت احد يفيدني
فتك08
08/01/2014, 02:53 PM
تم الرد على الخاص
اتجاه السحاب
08/01/2014, 08:21 PM
رح بة للعثيم بصناعية الرواف ببريدة كهربائي متخصص بالباترول
وهذا رقمة 0554889118
sgl2002
08/01/2014, 11:14 PM
ماودي ازيد على كلام الاخوان الا اني. اقول الله يستر لاتكون كلتشات القير هي اللي تعبانه


لانها اذا خربت تحس الموتر يحن اذا شديت له ولايمشي زي القير العايدي اذا بدا يضعف كلتشه
المفيدي
09/01/2014, 11:12 AM
حبيبنا ابو زيد هل كان هواء الكفرات 15 او أكثر من 25
لانني صارت لي نفس المشكلة لكن بس هواء الكفرات كان 25 تقريباً
أرجوا افادتي جزاك الله خيرررر
جموول
19/01/2014, 10:50 AM
اول شي افحص كمبيوتر عند واحد ثقه لانه كله حساسات ومنها له دخل في ظغط الهوا وبعدها شيك علي الميكانيكا
صباح القايله
19/01/2014, 01:34 PM
شيك على زيت القير ممكن يكون ناقص
ونظف آلهات حقت الهواء
سفوح الدهنا
29/01/2014, 06:35 PM
رح بة للعثيم بصناعية الرواف ببريدة كهربائي متخصص بالباترول
وهذا رقمة 0554889118

صدقت ياخوي العثيم ممتاز 👍
ابوزيد333
18/02/2014, 08:50 PM
ابو يزيد
اذا القير عندك اوتو فا الدبل الخفيف ضعيف نوعا ما ويحتاج تنسيم الى 10 احينا حسب نوع الكفرات ومع هذا يحتاج تحوله على النمره واحد
لكن اذا تقول والله قبل كان كويس فا انا اشك بخرطوش فلتر الهواء الكبير انه فيه شق صغير , لذا فكه وشيك عليه او لف عليه تيب عريض وجرب ,واذا كان مع الغرز البسيط ما يطلع اللى با الثقيل فا اشك با الخرطوش


بيض الله وجهيكم اجمعين وبيض الله وجه اخوي
ابو سنـــــد9
عزالله جابه وعرف المشكله صارت المشكله من الخرطوش حق الهواء فيه تنسيم غيرته ورجع موتري احسن من اول
الف شكر للجميع
ويشهد على الله بغيت اغير القير لوانا سامع كلام الي يحسبون انفسهم مكانيكيه وهم والله ماعندهم سالفه

واسف على التاخير بالرد
ابوسند9
19/02/2014, 02:03 AM
ووجهك ابيض
hail_ksa
21/02/2014, 03:55 PM
الحمد لله مشكله بسيطه وحلها سهل


ماقصروا الاخوان على المساعده واستفدنا من خبرتهم