اهل القصيم ممكن

[ميكا مكشات]

السلام عليكم ورحمة الله وبركاته
يا اخوان اتوقع ان اي واحد معه يوكن او تاهو الا وعانا من هالمشكلة
اللي هي واير ونش الاستبنة يجيم وينكبك ويحوس مريرك والمضحك إني سألت
عنه في تشاليح الدمام ولقيته ب 800 و700 ريال وعند قطع الغيار ب 460 ريال
جديد وكالة والله قهر حرامية وينك ياتوفيق الربيعه عن هالحونشية
الزبدة يقولون ببريدة يولفون ونش جيب جكس ار 97 على اليوكن ولا يكلف 250 ريال ولك وللزمن اللي خابر اللي يولفونه يعلمنا مع التحية

[ابوسند9]

http://www.mekshat.com/vb/showthread.php?t=613699
هذا رابط ممكن يفيدك

[سوبر99]

ميكا مكشات
السلام عليكم ورحمة الله

اتمنى تدخل على الرابط وترد على استفساري

حاولت ارسلك رساله لابد مشاركاتي تتجاوز 50
http://www.mekshat.com/vb/showthread.php?t=613218

[بدوي جنوبي]

الحل اعتقد سهل
ويا ليت تشتغله بنفسك

يعنى ما يصير كل خراب نروح الورشه

يا ليت تفك قاعدة الونش كامله
وتشتري واير جديد من المحلات وتغير المقطوع

[ميكا مكشات]

للأسف تكررت معي مرتين بسيارتين مختلفات
ووحدة بوسط البر ولا عندي استعداد أغامر مرة ثانية وأركب شد بلد .

يقولون ورشة السيف ترهم ما عليك إلا تروح تجيب القاعدة من التشليح وقيمتها 170 الى 200
لكن وين ورشة السيف ببريدة

[ساكن الساده]

بالشارع التجاري خلف شارع الملك عبد العزيز (الخبيب) من جهة الشرق

حدد لي نقطة تعرفها وانا اوصف لك

[ابو فارس66]

للأسف تكررت معي مرتين بسيارتين مختلفات
ووحدة بوسط البر ولا عندي استعداد أغامر مرة ثانية وأركب شد بلد .

يقولون ورشة السيف ترهم ما عليك إلا تروح تجيب القاعدة من التشليح وقيمتها 170 الى 200
لكن وين ورشة السيف ببريدة


نهاية الشارع التجاري بأتجاه الجنوب تحصلها علي يمينك