وين اروح روضة نورة او التنهات؟؟ ابي شوركم

[ابوعقيل81]

السلام عليكم
اخواني لي نية اطلع مع الاهل هذا الاسبوع
من الصبح للمغرب او المساء حسب الجو
محتار اروح روضة نورة او التنهات

ابي شوركم

وهل ممكن بالثنتين اني أخيم بدون مبيت؟

[المموه]

كانك من الرياض الخفس اقرب لك وتستاهل العنوه وما يبي لها وصف استمر بعد تفتيش الثمامه لين كبري الطوقي وبعده حوالى 3ك تجيك المنطقه على اليمين .

[ريف النشاما]

نورة والخفس ممكن

التنهات بعيد عليك يبيلها يوم كامل لحالها

أما الربيع فكل ماذكر ممتاز

وأرى بأن تحدد لك وحدة منهن وتروح لها افضل ... المثل يقول من اكل بيديه الثنتين غص:D

[أبو الوليد 14]

الخفس الشمالية وماحولها
انسب لك واقرب من التنهات ومن نورة
بالنسية للتخييم بدون مبيت ....
انا اشوف انك تأخذ خيمة من هاللي تفك وتربط بسهولة
احتياط عن الهواء إذا كان شديد خصوصا للاطفال
ولاتنسى الرواق
وبالتوفيق ان شاء الله

[ابوعقيل81]

الله يعطيكم العافية
انا رحت لروضة نورة
كانت ممتازه
وان شاء الله الايام الجايه اروح الخفس والتنهات

[A6006A]

اذا تبي نصيحه اخ عندك روضه المسعودي و روضه ام اقطا واكثر اللي يروحن لها عوائل
الموقع طريق الشرقيه مخرج سعد وافرق يسار بتجاه الشمال

[abu juod]

طيب ياجماعة الخير وش رايكم بروضة ام الشقوق

تستاهل العنوة خصوصا الاجازه قصيره 3 ايام والمبيت فيها مناسب ام لا

وش توجيهاتكم مانستغني عنكم يالربع لان النيه هاليومين نجتمع ,,

[Mohammed5d]

انا اشوف نوره مناسبه لو معك عوايل خصوصا ان الازفلت واصلها لين الفيضه وفيها تموينات ماشاءالله فيها كل شي متوفر ومافيه بعد عن الرياض

[abu juod]

لا والله شباب مثلكم وشرواكم ..

[سقم المعادي 1]

اذا الدعوه مبيت ارشح لك الخفس الشماليه لأن برا الفيضه ربيع يسر النظر لكن نورة الربيع في الفيضه ممتاز و اكيد ماراح تنام جوا الفيضه لأنه ازعاج و ممكن اي وقت يجونك المجاهدين يقولون اطلع لا تستغرب وبرا الفيضه مهب هاك الربيع , التنهات جوا الفيضه شيء خيال ماشاء الله و برا الفيضه فيه اماكن رائعه جداً بس انها ورى يبي لك تمشي مسافه و الطريق سهل موتر صغير يدخله لا دخلت من بين العقوم تجيك الروضه في وجهك تياسر و خل المواصير على يمناك و ابتل لين تقطع الشعيب وانت تباري الروضه بعدين لا صارت المواصير على شكل زاويه تسعين شق دربك سيده و خل الروضه تبعد عنك بتطيح لك باماكن قليل من يجيها و ربيعها على مد النظر

[abu juod]

مشكور أخوي وماقصرت والنية خلاص

الخفس الشمالية باذن الله

موفق ياااارب ...

[بر الوالدين]

روضه نوره / الخفس / ام الشقوق

زينه بالحيل للعوايل و قريبه

ولكن الإحراج في قضاء الحاجه عزكم الله خاصه للنساء و الأطفال


في روضة نوره فيه مرتبلين واحد منهم لونه أصفر هو بقاله ولا وشو / وهل فيها دورات مياه

كني شفت مبنى صغير ولا أدري وشو ما جيته شفته من بعيد

[محمد ابن عيد]

..
روضه نـور خالي رايحلها
ربيعها طيب ب الحيل
و شمال الرياض كله طيب

[القصاص]

77777777777777777777777777777

[القصاص]

تبي نصيحتي روضة الخفس زبايل لا انصحك بها

روضة نورة ممتازة وهذي صور لها كنت فيها يوم السبت والشعيب الي جنبها مخضر

تم التصوير بجوالي 5s ايفون
صورة من خارج الروضة

http://im37.gulfup.com/MXuG5.jpg

صورة لاحد الساحات الخضراء بجوار الروضة

http://im37.gulfup.com/FTffZ.jpg

[ابوعقيل81]

اذا تبي نصيحه اخ عندك روضه المسعودي و روضه ام اقطا واكثر اللي يروحن لها عوائل
الموقع طريق الشرقيه مخرج سعد وافرق يسار بتجاه الشمال
الله يعطيك العافية



طيب ياجماعة الخير وش رايكم بروضة ام الشقوق

تستاهل العنوة خصوصا الاجازه قصيره 3 ايام والمبيت فيها مناسب ام لا

وش توجيهاتكم مانستغني عنكم يالربع لان النيه هاليومين نجتمع ,,

انا معك انتظر الاجابة


انا اشوف نوره مناسبه لو معك عوايل خصوصا ان الازفلت واصلها لين الفيضه وفيها تموينات ماشاءالله فيها كل شي متوفر ومافيه بعد عن الرياض
صحيح كلامك :good2:


لا والله شباب مثلكم وشرواكم ..


شرواك الطيب


اذا الدعوه مبيت ارشح لك الخفس الشماليه لأن برا الفيضه ربيع يسر النظر لكن نورة الربيع في الفيضه ممتاز و اكيد ماراح تنام جوا الفيضه لأنه ازعاج و ممكن اي وقت يجونك المجاهدين يقولون اطلع لا تستغرب وبرا الفيضه مهب هاك الربيع , التنهات جوا الفيضه شيء خيال ماشاء الله و برا الفيضه فيه اماكن رائعه جداً بس انها ورى يبي لك تمشي مسافه و الطريق سهل موتر صغير يدخله لا دخلت من بين العقوم تجيك الروضه في وجهك تياسر و خل المواصير على يمناك و ابتل لين تقطع الشعيب وانت تباري الروضه بعدين لا صارت المواصير على شكل زاويه تسعين شق دربك سيده و خل الروضه تبعد عنك بتطيح لك باماكن قليل من يجيها و ربيعها على مد النظر

الف شكر وصفك صحيح :D

بالنسبة للمجاهدين ودي اعرف وش نظامهم
اسبوع ما يخلون الواحد ينصب خيمة ولا يطق رواق

والاسبوع الثاني سامحين وخيمنا داخل الروضة :D

ركبت خيمة حمام الله يكرمكم محد كلمني واليوم الثاني مرني دوريتين وحدة مجاهدين والثانية سيارة جيب مدري وش هي وفكيت الخيمة !!



مشكور أخوي وماقصرت والنية خلاص

الخفس الشمالية باذن الله

موفق ياااارب ...

الله الله بالتقرير والوصف :)


روضه نوره / الخفس / ام الشقوق

زينه بالحيل للعوايل و قريبه

ولكن الإحراج في قضاء الحاجه عزكم الله خاصه للنساء و الأطفال


في روضة نوره فيه مرتبلين واحد منهم لونه أصفر هو بقاله ولا وشو / وهل فيها دورات مياه

كني شفت مبنى صغير ولا أدري وشو ما جيته شفته من بعيد

الاصفر هذا ياطويل العمر باص مسويه راعيه بقالة :D
كنت ابي اصوره لكن للاسف ما امداني
يبيع كل شي بس اسعاره غليوة شوي
لكن يفيد وقت الزنقه خصوصا ان اقرب محطة تبعد 32 كيلو الي هي العتش

المبنى الصغير دورات مياه الله يكرمك
ما مريتها بس قالو لي جيراني بالمبيت عنها ومدحوها انها نظيفة .



..
روضه نـور خالي رايحلها
ربيعها طيب ب الحيل
و شمال الرياض كله طيب


:good2:



تبي نصيحتي روضة الخفس زبايل لا انصحك بها

روضة نورة ممتازة وهذي صور لها كنت فيها يوم السبت والشعيب الي جنبها مخضر

تم التصوير بجوالي 5s ايفون
صورة من خارج الروضة

http://im37.gulfup.com/MXuG5.jpg

صورة لاحد الساحات الخضراء بجوار الروضة

http://im37.gulfup.com/FTffZ.jpg

الله يعطيك العافية شكرا على الصور

[بر الوالدين]

الاصفر هذا ياطويل العمر باص مسويه راعيه بقالة :D
كنت ابي اصوره لكن للاسف ما امداني
يبيع كل شي بس اسعاره غليوة شوي
لكن يفيد وقت الزنقه خصوصا ان اقرب محطة تبعد 32 كيلو الي هي العتش

المبنى الصغير دورات مياه الله يكرمك
ما مريتها بس قالو لي جيراني بالمبيت عنها ومدحوها انها نظيفة .



تكرم ومن يقراء

لكن هل فيه للنساء دورة مياة

[مرابع الربيع]

اخي والله روضة الخفس ممتازة وقريبة وانا كنت فيها بالعائلة الكريمة قبل اسبوع ممتازة بس ابتعد عن الروضة شوي

[مرابع الربيع]

اخواني هذه اول مشاركة لي احب ان احي فيها كل اعضاء هذا المنتدى وعلى راسهم الادارة على الانجاز العالمي بمنح شهادة الايزو العالمية ونسال الله لهم دوام التقدم والتوفيق ..

[مرابع الربيع]

بسم الله الرحمن الرحيم
اخواني هذه اول مشاركة لي في هذا المنتدى الرائع نسال الله لنا ولكم العفو والعافية ..راي المتوضع لاخي ان روضة الخغس قريبة ومناسبة .وانصحه بان يبتعد عن حما الروضة ( الشبك ) علما اني خيمة الاسبوع الماضي كامل هناك بالعائلة وحقيقة انها كانت متميزة جدا .والله يختار لك مافيه الخير

[ابوعقيل81]

السنه هذي الله مكرمنا
الحمدلله
كل مكان ربيع
الله يجزاكم خير على الردود