انشدكم ياراعين النيسان عن نافارا

[بــرق بـريــدة]

السلام عليكم

http://alambrator7.googlepages.com/2.JPG

ابسالكم عن هالموتر وش رايكم به
من ناحية النشاط وقطع الغيار
وهل الموتر حساس ولا يصبر

[عاشق المطراش]

سياره ممتازه ولابأس بقوتها وعزمها قوي والقير العادي ٦ غيار لكن الهايلكس افضل لك احفظ لدراهمك واعتقد انها ارخص من ناحية قطع الغيار

[عاشق المطراش]

لكن يفيدك اكثر من استخدمها وربي يوفقك ويرزقك انشاءالله

[بــرق بـريــدة]

الله يجزاك خير ياعاشق المطراش

[عجيبان]

الموتر ماعليه يالغالي يعجبك في البر وعزمه ممتاز وراسي في الخطوط انا جلس معي ثلاث سنوات والله كرف في العزبه تحميل وتنزيل وللمعلوميه فيه ميزه ماظنيت بتلاقاها في الاحواض المنتشره هاذي الايام وهي انك لو تحمل الحوض تحميل ماهو بصاحي ماينزل الموتر من ورى هاذي ميزه مهمه ويعرفونها اصحاب التحميل و الشيل و الحط
لاكن انا بعطيك العيب الي عانيت منه هو انك اذا بتاخذ قير عادي انشهد ان الكلتش بيلعب في حسبتك هاذي مشكلتها كلتشها قوي وطويل يتعبك , عموما الموتر جيد ومرتفع تحس انك راكب ونيت لاكن لاتنسى انك تغير الزيت بنتظام مثال كل 5000 الاف تغير الزيت واحشم الموتر في البر لا تطامر فيه وتلعب في حسبته وابشر الموتر بيعيش معك وبيخدمك , وسلامتك يالغالي حبيت اوضح لك من واقع تجربه , بتوفيق اخوي

[بــرق بـريــدة]

عجيبان عز الله انك كفيت ووفيت يالغالي ماقصرت
الله يرفع قدرك

[عجيبان]

وقدرك يالامير , حق وواجب

[نايس × كول]

شكل حلو وراسي و الصندوق كبير و الغماره وسيعه و الاسيات مريحه

ومنتشر وله سوق

احسن من الهايلوكس القرطاس مدري ليه سعره 90 الف في مكيف وماكينه ههههههههه 90 الف قيمه ارض مو سياره حوض والاسيات تكسر الضهر

[الصحافة 15]

من واقع تجربة سيارة ممتازة ووسيعه من الداخل وعزمها ممتاز طبعا القير تماتيك

[بواردي 1]

اخوي انا معاي وحدها مطلعها وكاله من سنتين تقريبا

سياره تكد ولا فيها خربات وافضل من كراتيبن عبد اللطيف جميل الهايلكس

قوه متانه مشاء الله والقطع رخيصه جداا واساسا قليل جدا او شبه نادر ماتخرب

[سفاري 95]

مع احترامي للي كاتبين فوق انها افضل من الهايلوكس .. صحيح النافارا قوي وشكله حلو وبوديه جامد لكن من باب تجربه بينه وبين الهايلوكس
الهايلوكس افضل من ناحيه التماسك والراحه وتحسها ماسكه نفسها زين وعند البيع خذ كاش عكس النافارا اللي تقول انها موديل قديم وتسمع فيها قرقعه وكلتشها مستحيل حد يوزنه وبعد كل مشوار طويل يطلع فيها صوت اعتقد انه صليب او شي وعند البيع يبخسون سعرها عشانها نيسان

ملاحظه انا من عشااااااااااق النيسان ولاابي التويوتا ولابريال (لاكن الصدق لابد ينقال ) وفق الله الجميع

[ابوعدي]

عن تجربة الموتر خفيف وراسي بالخط لكن قطع الغيار غالي وغير متوفر بالمدن الصغيرة
خلاصة الكلام بعت الموتر وافتكيت