هل البيض مفيد للطير ؟؟

[حزام الدوسري]

بسم الله الرحمن الرحيم ..

السلام عليكم و رحمة الله وبركاته ..

شفت ناس يشربون طيورهم بيض , بحيث انه يكسر البيضه من فوقها تصير كنها فنجال و يشربه الطير , استغربت و قلت نستشيركم يالذيابه ..



افيدونااا هل هو يفيد الطير ولا لا , ( للنقاش و السوالف ) .

[falconer-kw]

وعليكم السلام ورحمه الله وبركاته

مفيد جدا يعطي الطير بروتين صافي وممتار للريش انا عن نفسي ما اقطعه وخاصه وقت الربطه والقرناس جدا مفين واغلب الطيور اللي تاكل البيض تحب طعمه تشوفه يتشفق على البيض شنو السبب ماعندي علم العلم اللي عندي انه يفيد الطير بالقرناس من حيث الفيتامينات وبعض العناصر اللي يحتاجها الطير
والله اعلم

[حصريا001]

وعليكم السلام ورحمه الله وبركاته

مفيد جدا يعطي الطير بروتين صافي وممتار للريش انا عن نفسي ما اقطعه وخاصه وقت الربطه والقرناس جدا مفين واغلب الطيور اللي تاكل البيض تحب طعمه تشوفه يتشفق على البيض شنو السبب ماعندي علم العلم اللي عندي انه يفيد الطير بالقرناس من حيث الفيتامينات وبعض العناصر اللي يحتاجها الطير
والله اعلم
عطاك اخوي العلم الوكاد

[عاشق السبق]

طيب كيف يستعملونه؟؟؟

[حزام الدوسري]

بيض الله وجيهكم جميع :good: ..

[صاحب بوعبود]

السلام عليكم ورحمة الله وبركاته
البيض من عناصر البروتين المهم الذي يحتاجه الطير وقت القرنسه وفوايده للريش و وقت المهدات لعلاج للملوع واضافة معه الحلبه و الموميان.
ذالك انه يؤخذ صفار البيض ونقوم بتغميس الصوافق وتشريط الصافق بالسكين كي يتشبع من الداخل لمده من الوقت
من ثم اخراجه من الإناء لمدة عشر دقايق لكي ينشف ثم يتم اعطائه الصوافق.

[القصير111]

انتبه لاتعطي الطير كمية بيض كبيرة مع علف كثير ﻷنه يغث الطير ولايقدر يصرفه بسهولة خصوصا ان الجو حار وقت المقيض

أنا عن نفسي بغيت أذبح طيري بس ربك ستر
عطيته علف زيادة مع صفارة بيض كاملة هذا كان فطور ولا قدر يصرف فطوره غير صلاة العشاء
حمدت ربي انه مامات

أتمنى إني أفدتك

فالك التوفيق

[اابوخالد666]

البيض مفيد لطير اذا كان مريض تعطيه كل يوم بيضه لو تغصبه عليها لأنه مفيد جدا لصحته

اما اذا كان الطير صحته زينه ولا فيه اي امراض تعطيه كل عشر ايام او كل أسبوع بيضه تكفيه
وبالتوفيق

[الحربي الوهبي]

الله يجزاكم خير معلومات طيبه من وجيه طيبه

[بو آبرآهيم]

ماقصرتو على هالمعلومه وبيض الله وجيهكم و جه راعي الموضوع

[مروض الشواهين]

الله يجزاكم خير جميع ..الموضوع جدا مفيد

[صياد الصحراء]

ايه ابوي يو م كنت صغير يعطيها الي بس نحطها في المقلاه نص استوى نخليها رخوه نعطيهياه ياكلها

[ابوسلطان 66]

وفي شغله اذا كثرت في البيض يزيد صفار الارجل كل ماقرنس من البيض

[صنديد الحجاز.]

عن تجربه الحمدلله ارى انه يغذي الطير في مرحلة الربطه خاصه لتركيز البروتين
وافضل لطير وقت الدعو خاصه والتدهيل فطور وعلى طول والافضل البيض البلدي بلا شك

[Naif1]

السلام عليكم ورحمة الله وبركاته
ما قصرو الشباب

[بدر ضاوي 111]

مداخلة بعد اذن صاحب الموضوع

هل يعطى الطير الصفر والبياض سويا؟

ام الصفار فقط؟

[عاشق التوام]

الإخوان ماقصروا الله يعطيهم العافية وأنا بشارك بقدر المعرفة
بغض النظر عن البروتين لأنه يلقاه في علفه ولأن علف الطير عادة يكون اللحم واللحم أساسه البروتين فأكيد إنه حاصل على عنصر البروتين
وإضافة من ناحية علمية
يعتبر من المقويات للبصر بالنسبة للإنسان وفي الغالب مايفيد الإنسان من التركيبات الغذائية أو الدوائية لكن بنسب مختلفة بإذن الله بيفيد الطير
ويحتوي على نسبه من الدهون وعلى التجربة هالدهون تنفع الريش من ناحية المرونة إي إن الريشة ماتجف وتصير سهلة الكسر
ويحتوي بعد على الكالسيوم اللي يعتبر أهم عنصر يساعد على تقوية العظام

رأيي الشخصي

تكتفي بـ (صيصان الدجاج)
فيها نفس تركيبة البيض ونفس الفايدة وعملية أسهل للتعليف

تقبل مروري
أخوك عاشق التوام

[محمدالشكره]

السلام عليكم
عليك ببيض السمان اجود وافود