قصتي أوّل ماتعلمت قيادة السياره !!

[سفير الحيا]

سلام علاهم :D

اسعد الله اوقاتكم بكل خير

حقيقه هذي اول مشاركه لي بـ هالخيمه الطيبه واعجبتني سوالفكم وودي اشارككم ..

ببدا بالقصه على طول..

تخبرون أول ماتتعلم قيادة السياره مايجيك النوم ماغير تفكر كيف تسوق السياره :D ويضربك بلا

على السياره ماتتحرك الاّ وانت عارف من اللي راح فيها ولو الود ودك تكون السواق حقهم:)

طبعاً ذي قصتي أول ماتعلمت على يد أخوي الكبير يقول ابيك تخدم الشايب وتخدمني يوم يكون

عندي مشوار مع الشباب :) عاد انا ماصدقت قلت ابشر ورحنا انا وياه وعلمني كيف اعشق

وعلى الفرامل والكلتش والمرايه وكيف ترويس ( ورا ) ..

المهم اني تعلمت الاساسيات وكل شوي وانا بغمارة الموتر اعشق والف واتخيل اني اسوق:D

ضربني الشايب المره الاولى والثانيه والثالثه وووو مالقى لي علاج ;)

وتخبرون الشيبان عقب صلاة المغرب يروحون لم السوق يقضون خبر ومقيضيات للعشاء والفطور

قال اخوي الكبير اليوم وانا خوك لا نطلع من صلاة المغرب الاّ وانت على طارة الموتر:eek:

الوكاد لزمة الوصاة وعقب سلّمنا من الصلاة وانا اشيل عمري الاّ وانا جالس بالسياره انتظر الشايب

عقب خمس دقايق الاّ اخوي الكبير والشايب طالعين من المسجد وأبوي يرسل اخوي لم البيت يشوفهم

وش يبغون من اغراض ! راح اخوي والشايب جاء لم الموتر الاّ السواق على الطاره:D

قم ماتعرف تسوق لا تقلبنا وانا اتحايله تكفى يبه الى الازفلت بس كان الخط بر مسافة 10 كيلو

واثناء الحديث الاّ وأخوي الكبير جاء قال لأبوي خله يسوق للإزفلت وعقب انا اسوق ؟

وافق الشايب ( الموتر ونيت غماره ) ركب اخوي بالوسط بيني وبين الشايب والشايب ع الباب

وانا ع الطاره وانا ادق سلف الموتر وهو يطفي :D وادق سلفه وهو يطفي:D الوكاد رابع مره اشتغل

وانا اعشق واسمي بالرحمن :) وامشي وامشي وامشي بالموتر على مهلي وابتعد عن الحصاء ( الحجر )

الوكاد قبل الإزفلت بـ 1 كيلو كان فيه ملعب كوره للشباب وكان ممهد ومستوي للتفحيط :D

لـ هالحين ماطرالي افحط ولا واحد في المئه ؟ قال اخوي الكبير بالله فحط بنا :p قلت لا خايف

من الشايب قال انا اكلمه طبعاً الكلام ( همس ) بيني وبينه ! قال اخوي الكبير يايبه هذا يبي يفحط

قال الشايب خله يفحط !! الشايب يوم قالها كان يهز رأسه يعني لو فيك خير فحط بس ؟

قال اخوي ابوي وافق يقول خله يفحط ؟ طبعاً استغربت من موافقة الشايب :eek:

قلت بتأكد بنفسي ! وانا اطالع بأبوي قلت يبه افحط ؟ وهو يهز راسه قال ايه ايه فحط !!

وانا على سرعتي وانا ادخل بالملعب لأنه كان ع الخط مباشره ممكن امشي 60 وانا اطق البريك:D

تخبرون اول مره تسوق واول مره تفحط ماتدري وش تسوّي ! والمشكله انه بالبر والموتر

في البر دام رجلك ع البنزين وانت في وضع دوران مستحيل تمسكه يقعد يلعب لعب :D

وانا اخذ خمستين ومع الغبار ماعاد اشوف صرت من الخوف داعس ع البنزين وقافل الطاره

وانا اصدم بالشجره وان الكبوت والإديتر والشبك والأنوار رايحتن فيها:eek:

ولا دريت غير الكف يمشي 200 ويشهد الله ياجاني مغط بالعقال لو بعير ليبرك:D

عاد واحد من الجماعه كان ورانا قبل نفحط وشافنا يوم فحطنا وجاء كان يبي يضربنا يحسبنا

أنا واخوي اللي بالموتر ويوم وقف عندنا الاّ يشوف الشايب

قال ماشاء الله هذا انت وعيالك أنتم بعقولكم ؟ والله انكم مجنن ؟ قال الشايب الورع دخل بالمراغه

وقعد يفحط وانا كنت نعسان ؟ قلت لا والله ابوي قال فحط :D عاد وقتها ركب اخوي والشايب

مع جارنا اللي كان يمشي ورانا وقال ابوي انت رح للبيت كعابي:(

والى هاليوم كل ماذكرت القصه للشايب يضحك

عسى القصه اعجبتكم ؟

[مخترع ولكن]

ههههههههههههههههههههههههههههههههههههههههههه
ههههههههههههههههههههههههههههههههههههههههههه

الشايب يوافق وقدام جاركم يقول كنت نعسان هههههه ابو التصريفة يا شيخ ..

وانت طاير في العجه قالك فحط .. فحطت , يمكن يبي يختبرك يشوف انت مطفوق ولا لا :D

حرام اني فطست ضحك وانا اقرا السالفة ...

انت على الاقل عندك اخوك الكبير مدبر امورك مع الشايب .. لكن غيرك خلها على الله بسسسس >> فضايح. :D

الله يحفظ لك شيبانك واهلك .. ولا تحرمنا من سوالفك ..

..

[قوافي ( أم نهار )]

عليكم السلام ورحمة الله وبركاته

حياك الله بخيمة السوالف


:Dوقالك فحط وفحطت :D:)


عاد هزتْ راس الوالد الله يحفظه باينه لكن يعنني ودتك للبيت مشي..


اسعدك الله بالدارين


سالفه جميله وننتظر ما عندك من سوالف فقد وضعت بصمتك بالخيمه ونرحب بك اخي الفاضل


تحياتي وتقديري واحترامي


..قوافي..

http://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gif

[حمد69]

وعلاهم سلام
ووقتك
هذه اول سالفة كيف لو ثانية
قال ماشاء الله هذا انت وعيالك أنتم بعقولكم ؟ والله انكم مجنن ؟ موقف لايحسد عليه الوالد.... قال الشايب الورع دخل بالمراغه وقعد يفحط وانا كنت نعسان ؟ قلت لا والله ابوي قال فحط.... هههههه ههه هههها
الله يحفظك انت وابوك واخوك شلة المفحطين..ولا تبطيء بالي بعدها

[راعي العجراء]

هه عسى الشايب استانس مع التفحيط

وهالشجره الملقوفه وش خلها تقطع قدامكم عساكم حصدتوها من جذورها

على العموم الله يعطيك العافيه ياسفير الحيا على السالفه الممتعه

بس ليتك كبرت الخط شوي والله ياعيوني دمعت من القرايه

وبعدين وين انت هالمده مبطين عنك عسى امورك طيبه يالغالي

الله يديم علينا وعليك السعاده

عاد لاتقطع فينا

مثلك نفرح بتواجده ونفرح اذا سولف

تقبل تحياتي

[ذيب الفقارة]

ولا يهمك هذي درس للجميع

ما عاد أحد يمزح معك

الكل صار يعرف إنك رجل جدي

وعلى طول وبدون مفاهمة

ههههههههههه

والله أخي الغالي إني ضحكت لين أزريت

طالع طيب أول شي في وجه الشايب

وشوف كيف كان واضع يديه ومتولم لك بالكف

لا عاد تعودها مرة ثانية

تحياتي وتقديري واحترامي

[aboabdullah96]

ههههههههههههههههههههههههههههههههههه

ههههههههههههههههههههههههههههههههههه

دخت من الضحك

يعني مصدق الوالد الله يحفظه بيعزز لك عشان تفحط

هههههههههههههههههههههههههههههههههههه

تصريفه ابوك حكايه ثانيه حتى لو انا قريبكم ابستغرب واذا صرت نعسان يعني عيالك يفحطون على اساس ماراح تحس وتفاجئو انك حساس وانتبهت لهم ههههههههههههههههههههه هههههههههههههههه بطني الله يرجك

بس ما ينلام موقف لايحسد عليه

خصوصا ما كان عارف انك ماراح تسلك وقلت هو اللي قالي ههههههههههههههه

[سفير الحيا]

ههههههههههههههههههههههههههههههههههههههههههه
ههههههههههههههههههههههههههههههههههههههههههه

الشايب يوافق وقدام جاركم يقول كنت نعسان هههههه ابو التصريفة يا شيخ ..

وانت طاير في العجه قالك فحط .. فحطت , يمكن يبي يختبرك يشوف انت مطفوق ولا لا :D

حرام اني فطست ضحك وانا اقرا السالفة ...

انت على الاقل عندك اخوك الكبير مدبر امورك مع الشايب .. لكن غيرك خلها على الله بسسسس >> فضايح. :D

الله يحفظ لك شيبانك واهلك .. ولا تحرمنا من سوالفك ..

..

:D:D:D

انا قلت للشايب ( لا تخاف ولدك طاره :p )

تشرفت بمرورك

[سفير الحيا]

عليكم السلام ورحمة الله وبركاته

حياك الله بخيمة السوالف


:Dوقالك فحط وفحطت :D:)


عاد هزتْ راس الوالد الله يحفظه باينه لكن يعنني ودتك للبيت مشي..


اسعدك الله بالدارين


سالفه جميله وننتظر ما عندك من سوالف فقد وضعت بصمتك بالخيمه ونرحب بك اخي الفاضل


تحياتي وتقديري واحترامي


..قوافي..

شكراً لمرورك ياقوافي وان شاء الله السوالف كثيره بس ماهي بمجال التفحيط:)

[سفير الحيا]

وعلاهم سلام
ووقتك
هذه اول سالفة كيف لو ثانية
قال ماشاء الله هذا انت وعيالك أنتم بعقولكم ؟ والله انكم مجنن ؟ موقف لايحسد عليه الوالد.... قال الشايب الورع دخل بالمراغه وقعد يفحط وانا كنت نعسان ؟ قلت لا والله ابوي قال فحط.... هههههه ههه هههها
الله يحفظك انت وابوك واخوك شلة المفحطين..ولا تبطيء بالي بعدها

اي والله الشايب قعد يصرّف جارنا ومسوي انه ماكان يدري

بس انا صريح مع ابوي وجارنا:D

[سفير الحيا]

هه عسى الشايب استانس مع التفحيط

وهالشجره الملقوفه وش خلها تقطع قدامكم عساكم حصدتوها من جذورها

على العموم الله يعطيك العافيه ياسفير الحيا على السالفه الممتعه

بس ليتك كبرت الخط شوي والله ياعيوني دمعت من القرايه

وبعدين وين انت هالمده مبطين عنك عسى امورك طيبه يالغالي

الله يديم علينا وعليك السعاده

عاد لاتقطع فينا

مثلك نفرح بتواجده ونفرح اذا سولف

تقبل تحياتي

تسلم الله يحفظك ياراعي العجراء وماشدني للمشاركه غير وجودك هنا

لا والله الشايب ما ارتاح لسواقتي يقول المرّه ذي بشجره واللي عقبها الله يستر:D

[سفير الحيا]

ولا يهمك هذي درس للجميع

ما عاد أحد يمزح معك

الكل صار يعرف إنك رجل جدي

وعلى طول وبدون مفاهمة

ههههههههههه

والله أخي الغالي إني ضحكت لين أزريت

طالع طيب أول شي في وجه الشايب

وشوف كيف كان واضع يديه ومتولم لك بالكف

لا عاد تعودها مرة ثانية

تحياتي وتقديري واحترامي

تراها وقت مراهقه وماندري عن العواقب

الحمد لله جت بشجره ولا شي ثاني :D

تشرفت بمرورك وتعليقك

[سفير الحيا]

ههههههههههههههههههههههههههههههههههه

ههههههههههههههههههههههههههههههههههه

دخت من الضحك

يعني مصدق الوالد الله يحفظه بيعزز لك عشان تفحط

هههههههههههههههههههههههههههههههههههه

تصريفه ابوك حكايه ثانيه حتى لو انا قريبكم ابستغرب واذا صرت نعسان يعني عيالك يفحطون على اساس ماراح تحس وتفاجئو انك حساس وانتبهت لهم ههههههههههههههههههههه هههههههههههههههه بطني الله يرجك

بس ما ينلام موقف لايحسد عليه

خصوصا ما كان عارف انك ماراح تسلك وقلت هو اللي قالي ههههههههههههههه



هو حاول يرقعها بس مامشت معه :D انا محشّر له بانه هو اللي قال فحط :)

تشرفت بمرورك وتعليقك وعساها دوم الضحكه

[معاني السلمي]

هههههههههه .. سالفة ممتعة وشيقة تحديت نفسي ما أضحك لأني أحب قصص بدايات السواقة لكن ما قدرت في الضحك ...حقيقة ( الشايب ماتوقعت يقول فحّط)!! حفظكم الله.

[حسـام]

ذكرتي سالفة مغطك بالعقال
أنا توني متعلم السواقه ومسوي فيها طاره وسواق ورايح لقريه جنبنا القايله أتمشا ومانيب مسرع يمكن امشي 40 أبو القويل هذا جوه القايله لا وعاكس الشارع بعد مدري على نياتي أحسب نفسي متعلم السواقه وقواعد المرور ولا يناطحني سيارة مدرى منهو وجه لوجه وأرفض أوخر عنه أبيه يوخر هوالوكاد وطلع امير الديره .. كارثه شخص دكتاتوري كنه صدام حسين مرعب جدًا جدًا
وأنا صغير بغيت اموت من الخوف عاد هذا معه خيزرانه ويفرش فرش عند المسجد
ولا واحد يلبط ولا يفتح فمه خصوصًا اللي مسوى مشكله
الوكاد أخذت المقسوم وأبشر طال عمرك والله ماأتعودها مره ثانيه
وشهرين ماسقت السياره يقول خل أشوفك مره ثانيه

[موسم المراويح]

السلام عليكم ورحمة الله وبركاته

على طاري السواقه انا ياطويل العمر ماكنت اعرف اسوق كنت اراقب ابوي كيف يسوق ويعشق ويمسك الدركسون المهم مر شهرين ونا اراقب وتعلم عاد وجا ذاك اليوم الفجر ابوي نايم عاد كنت وقتها توني بثالث ابتدائي وطال عمرك اسرق المفتاح واشغل السيارة اول ماعشقة طفة والمره الثانيه طفة والثالثه طفة و الرابعة عرفت كيف اوزن الكلتش و مشيت عاد كان وقتها مطر قوي الممهم انا مدرعم مستانس مسوي نفسي طاره ومريت ولد جارنا عشان يخاويني المهم كنت امشي 90 والمطر زاد مرره معه برديه ماتشوف الطريق ابد عاد فيه وادي قدامنا وماشوف شي ابد واطيييح فيه وغرزززت قعدت في السياره خايف لين وقف المطر وان السيل جاي محتار اني اترك السياره وهج عن السيل او اقعد فيها واحاول اطلعها المهم السيل جرفني عاد مسكر القزاز انا ماوقفت الا بعد 7 كيلو تقريبا صدمت شجره والحمد لله ثبتت السياره مكانها و اهل الحارة يدوروني اخرتها تبعو جرتي الحمد لله لقوني بوسط الوادي ولولا رحمت الله لكنت ميت الحين وحرمت اسوق السياره لين جات عمري 16

[سفير الحيا]

السلام عليكم ورحمة الله وبركاته

على طاري السواقه انا ياطويل العمر ماكنت اعرف اسوق كنت اراقب ابوي كيف يسوق ويعشق ويمسك الدركسون المهم مر شهرين ونا اراقب وتعلم عاد وجا ذاك اليوم الفجر ابوي نايم عاد كنت وقتها توني بثالث ابتدائي وطال عمرك اسرق المفتاح واشغل السيارة اول ماعشقة طفة والمره الثانيه طفة والثالثه طفة و الرابعة عرفت كيف اوزن الكلتش و مشيت عاد كان وقتها مطر قوي الممهم انا مدرعم مستانس مسوي نفسي طاره ومريت ولد جارنا عشان يخاويني المهم كنت امشي 90 والمطر زاد مرره معه برديه ماتشوف الطريق ابد عاد فيه وادي قدامنا وماشوف شي ابد واطيييح فيه وغرزززت قعدت في السياره خايف لين وقف المطر وان السيل جاي محتار اني اترك السياره وهج عن السيل او اقعد فيها واحاول اطلعها المهم السيل جرفني عاد مسكر القزاز انا ماوقفت الا بعد 7 كيلو تقريبا صدمت شجره والحمد لله ثبتت السياره مكانها و اهل الحارة يدوروني اخرتها تبعو جرتي الحمد لله لقوني بوسط الوادي ولولا رحمت الله لكنت ميت الحين وحرمت اسوق السياره لين جات عمري 16

هههههههههههههههه


هذا والله يوم أسود سارق سياره وطبيت بسيل :D


الحمد لله ربك ستر وايام ماتنسى صراحه بدايات سواقة السياره فيها طعات ونكبات:)

[ابو صالح 4]

السلام عليكم
عاد تصدق اول ماتعلمت السواقه ماسوق الاحافي

[ابوطشاش]

عزالله انك ضحكتني الله يسعدك مثل ماسعدتني

[شهاب الظلام]

قصة جدا جميله وممتعه وفيها من الجماال الكثيرالكثير
وكذالك ذكريات جدا جميلة ومحببة الى القلب لما فيها
من البرااائه والصدق والحب .
وكان الوالد ناوي بك نيه يوم يقول ايه فحط هههههههه
ولاكن ماكان متوقع هههههههه التفحيط والبريك ههههههه
الله يجزاااك خير ويمتعك بالصحه انت ومن يقراء
تحياااتي وتقدير لك اخي سفيرالحيا

[وليد الرشيدي]

هههههههههههههههههههههههههههههههههههههههههههههههههه هههايييييييي كان بيختبرك هل انت خفيف او عاقل ههههههههههههههههههه جبت العييييييد .....يالله الله يوفقك

[Al3rands]

ههههههههه تفحيط من اولها فكك الله

[الثرياء]

رائع..... وجميل

[ام الدجيجات]

هههههههههههههههههههههههه