ياهل البل سؤال تكفون

[خبوت الشمال]

السلام عليكم ورحمة الله وبركاته
عندي قعود السنه هذي اول اضراب له اضرب امه قبل اسبوع كان وضعه عادي فكيته اليوم راح للناقة جت امه عرضتله تدحمه عن الناقة وبركة له واضربه بعد اضرابه هاج علية وبرك علية بركة بعير على بعير وفكيناه منه بالظرب ورد عليه ويبرك علية وخنقة ولا فكة×
الا بعد مادمينا راسه بالظرب بغت تموت سؤالي التصرف ذا له سبب ولا يصير طبع بالبعير الله يستر نبي نسمع منكم يارجال بيض الله وجيهكم

[راعي النوادر]

اتوقع طبع في البعير كان عندي بكره حايل وديتها لبعير جاري عشان يضربها فكينا البعير وحدينا البكره عليه ويطرحها ويبرك على رقبتها بغت تموت

[خبوت الشمال]

الله يستر مايصير طبع شكرآ على مرورك

[راعي سهوه]

ترى مهيب زينه البعير يضرب امه وﻻ بناته