دفاية ودافور

[R P G]

بسم الله الرحمن الرحيم

وبه نستعين

السلام عليكم ورحمة الله وبركاته



^^^^
يحب المقدمات :D

طبعا انا واحد ما يدخل في هالمنتدى الا وفيه شئ:good2:

واليوم جبت لكم آخر ما توصلت إليه التكنولوجيا الحديثه >> تراه شغل يدي بالبيت :)
بداية الفكره كانت لما رحت العقير وجلسنا وتغدينا بعدها قالو الشباب نبي الشاهي قلت اوووك
وشبينا الحطب :f وحطينا البريق بس بسبب الهواء القوي كانت النار ماتسوي شئ
احتاج الوقت قرابة النصف ساعه

وبعدها في طلعه ثانيه كنت شريت الحاجز الحديدي :j اللي يصد الهواء صحيح احسن من قبل
لاكن النار للحين ما تعطي كامل قوتها
ومن هنا بدات تدور الافكار حول الطريقة المناسبه

وكان الحل بأخذ علبة الزيت الكبييييره حقة المطاعم وتحويلها الى فرن صغير
حيث تم عمل فتحة علويه لكي تخرج النار منها
وفتحه كبيرة في الجانب لادخال الحطب :f


وهذه الصورة

http://imagizer.imageshack.us/v2/800x600q90/138/x6lj.jpg


وهنا بداية الاشعال

http://imagizer.imageshack.us/v2/800x600q90/809/t0zz.jpg


وهنا كانت المفاجأه
حيث ان الفكرة كانت ان أحصل على الحرارة الكامله للنار لاكني حصلت على نار اقوى من المطلوب :eek:

http://imagizer.imageshack.us/v2/800x600q90/812/khp4.jpg

http://imagizer.imageshack.us/v2/800x600q90/32/cfag.jpg

قلت على ما تخف النار اشويه بنظف البريق واعبيه ماء ( الماء بارد جدا من هالاجواء )
وكانت التعبأه الى الى أعلى فتحه في الابريق

http://imagizer.imageshack.us/v2/800x600q90/839/ek66.jpg


وبعد وضعه على النار تم حساب الوقت

http://imagizer.imageshack.us/v2/800x600q90/542/1xd8.jpg


وهنا بعد 5 دقائق من وضع الابريق

http://imagizer.imageshack.us/v2/800x600q90/197/cywp.jpg


وهنا بعد 7 دقائق من وضع الابريق

http://imagizer.imageshack.us/v2/800x600q90/834/xfme.jpg


وهنا نختتم

واتمنى يكون الموضوع نال على اعجابكم وشكرا على المتابعه

[طير الحماد1]

يعطيك العافيه صراحه نحن بحاجه مثل هالافكار المفيده
وفعلا الحاجه ام الاختراع . الى الامام وفقك الله

[اصيل نجد]

فكره اكثر من ممتازه ربي يسلم ايديك تحتاج تطوير بسيط لو تحطلها فتحات بالجنب يعني خروم صغيره للتهويه على كل حال فكره اكثر من ممتازه وكان ودي الصور تصير صغيره علشان يبان الشكل ممتاز بس الفكره وصلت ويسلم ايديك .

[R P G]

فكره اكثر من ممتازه ربي يسلم ايديك تحتاج تطوير بسيط لو تحطلها فتحات بالجنب يعني خروم صغيره للتهويه على كل حال فكره اكثر من ممتازه وكان ودي الصور تصير صغيره علشان يبان الشكل ممتاز بس الفكره وصلت ويسلم ايديك .

تم تعديل الحجم

فتحات التهوئة ما نحتاجها لان فتحة ادخال الحطب مناسبه
النار تحتاج للهواء عشان كذه هي تسحبه من فتحة ادخال الحطب وهذا يعني ان النار ماراح تطلع من فتحة الحطب بسبب دخول الهواء وبالتالي يصير مخرج النار الوحيد هو الفتحه العلويه

[عبدالله محمد الخضير]

فكرة رائعه ولاهنت

[تساهيل1]

منتاز بارك الله فيك

[أبوصالح9]

فكرتن منتازتن بالحيل

بس عندي لك اقتراح / لو تشري لوح صاج خفيف وتلحمه فوق الفتحه عشان السنا مايحوس البريق يكون افضل يعني البريق يصير جالس على الصاج وبكذا تحصل على حرارة + بريدز يلق لق= شاهين يسمر الراس

واذا ماجازت لك الفكرة وتبي تكرف ايدينك بالغسيل تقدر تخرم الصاج بريشة الدريل مع النص اربع فتحات او خمس ريشة 5 ملي او 6 ملي بالكثير عشان السنا مايكون كثير ويكون متركز بنص البريق عشان يسمح خاطرك

بالتوفيدز

[الرماية]

فكرة رائعة

ونسأل الله لك التوفيق

مع تحيات


http://www.mekshat.com/portal/sites/default/files/203602_130086433733030_5711680_n%5B1%5D.jpg?130675 1674 (http://www.mekshat.com/vb/showthread.php?t=534165)

[adnanmgh]

فكرة ممتازة
ورائعة بحق

تحتاج شفة من تحت لعدم خروج الرماد وتطايره

دمت

[ناصح]

بصراحة يعجبني الشباب الذي يفكر ويبتكر

الله يوفقك

[ياسر المحمد]

فكرة جميل ورائعة ... حقاً 10/10

[المطور]

ماشاء الله
فكرة جميلة

[المهاجر انا]

شي رائع وفق الله

[أبو الفهد]

الفكرة جداً ممتازة
ومقترحات الشباب على العين والرأس ،،،،، ولكن المقترحات هل كانت بعد تجارب عملية على نفس الفكرة ،، أم هي آراء شفهية فقط .

[شهاب الظلام]

يعطيك العافية على هالأبتكار الراائع
وخصوصا أنه بعيد عن الغاز ومخاطره
ومشتقات البتروول ..
والطبخ على الحطب لايعلا عليه .
وله طعمة ونكهته اللي الكل يعرفها
أجمل تحية وأحتراام .
وشكرا لك ولجهودك الجبارة والمفيدة والراائعة

[ابوتركي1397]

اهنيك علي الابداع والفكره حلوه

[مجتهد***]

مشاء الله فكرة ممتازة و عملية

[caddboy]

ماشاء الله عليك ويعطيك الف عافيه على الاختراع والفكره الحلوة...

[الاسد1965]

يعطيك العافية كمية الحطب اللى موجودة اخوي كمية كبيرة لازم يصخن الماى بسرعة مشكور عل الموضوع