المساعد الشخصي الرقمي

مشاهدة النسخة كاملة : صوت قرررة عند التعشيق بنمرة الثالث ((برادو)) عادي 2010


بن محسن
10/01/2014, 01:18 PM
بسم الله الرحمن الرحيم
اخواني الافاضل اهل الخبرة والحاظرين
السلام عليكم ورحمة الله وبركاته
عندي جيب برادو 2010 قير عادي
عند التعشيق بنمرة الثالث يطلع صوت قررررر
واذا سايست القير وعشقت بلطف وهداوة يمشي حالة بدون صوت
قالولي نحاسات الثالث
ورحت لصناعية الرياض القديمة (ورشة قير الموسى) قالي جب (ترس ونحاسات الثالث وكذلك الرابع وهلال)
ونركبها وان شاء الله تصلح الامور بإعتبار ان نمرة الثالث والرابع في القير مرتبطه مع بعض وبالتالي هذي اسلم طريقة حسب كلامهم
فيه من شار علي بتجاهل الموضوع لكن مطر اصلحه لان مستخدمين السياره عدة اشخاص ولا كل واحد بيعرف يسايس القير تمام .
وااضح
11/01/2014, 02:58 AM
تاكد من عصا القير
كيف تتاكد اذا طلع الصوت امسك عصى القير ثبتاها اذا
تغير الصوت او راح فهو من عصا القير
ودام القير ما يفلت خلة على وضعه لاتحركه
بن محسن
11/01/2014, 03:05 PM
اشكرك اخي (واضح ) على التفاعل
فالحقيقة جربت امسك عصا القير واثبته لكن مايثبت
يلقم بالنمرة ويروح الصوت
والصوت للتوضيح هو صوت مثل صوت الترس (عررر) او الصوت الذي يظهر عندما تحاول تعشق بدون كلتش
مع العلم اني ادوس كلتش تمام ويظهر الصوت اثناء التعشيق ويختفي بمجر ان تلقم النمرة
والحقيقة ودي استفسر منك والاخوان (لماذا الرهبة من فك القير؟)
هل الامر مجازفة ؟ هل بتطلع طواليع جديدة وخرابات ماكانت في الحسبان ؟ هل؟ هل؟
ارجو التكرم بالافادة وجزاكم الله الف خير
ابو فارس66
11/01/2014, 03:19 PM
يسمونها الصفرة وهي نحاسية بين التروس
أبوأسامه...
11/01/2014, 04:26 PM
2010 ويخرب !!!!!!!!!!!!!!!!!!!!!! الله يعينك
بن محسن
11/01/2014, 08:30 PM
فعلاً اخوي ابو فارس
في شايب ميكانيكي قد قالي صفرة النمرة الثالثة يبيلها تغيير
لكن السؤال هل (الصفرة) هي نفسها (النحاسة) ولكن تغير في التسمية؟
وجزاك الله الف خير
بن محسن
11/01/2014, 08:39 PM
اخوي ابو اسامة بالفعل عجيبة 2010 وفيه هالخراب
مع العلم انه موجود فيه من طلع من الوكالة (حسب كلام راعيه الاول)
ويقول وديته وهو على الظمان بعد (1000)كيلو واشتكيت من القير
وبعدها فحصوه وفكو القير بالكامل (حسب كلامه) او بالاحرى (حسب كلام الوكيل)
وطلعت نتيجة الفحص (قائد المركبة) !!!!؟؟؟؟؟؟؟
يعني المشكلة في قائد المركبة هو الي مايعرف يعشق او انه مايعشق زين
مدري يعني قائد المركبة مايعرف يعشق الثالث لكن يعرف يعشق الاول والثاني والرابع ووووالخ!!!!!!
مع العلم انه ست غيارات غير الريوس

يا أحباب بالله صاحب العلم ينورنا الله ينورنا عليكم دنيا وآخرة
بن محسن
12/01/2014, 12:56 PM
بإنتظار احد يتفضل ويفصلنا فالموضوع
الله يرحم والدينا ووالديكم والمسلمين اجمعين
العقارب
12/01/2014, 02:27 PM
جرب تغير الزيت ...
مزدهر
13/01/2014, 08:32 AM
نفس كلام اخوي غير زيت القير
75/90 تلقاه بالوكالة
black_list
13/01/2014, 10:33 AM
السلام عليكم
اولا" الله يعينك على الشغله
انا بالنسبه لي موجوده هالقره بموتري من 3 اشهر وقبل مع راعيها الاول من مبطي رحت محل قيور بالصناعيه القديمه قال من النحاسه حقت الثالث بس نصحني قال لاتغيرها مافيه داعي ابد يقول باخذ منك 1500 ريال تنزيل القير وفكه عشان اغير النحاسه وقالي نصيحه لاتفكه عشان ماينقال ان قيرك مفكوك ووبعدها بشهر غيرت الكلتش وضبط الموتر معي ابو اسبوعين ورجعت من جديد القره بس بالنسبه للضرر ماعليها ضرر ان شاء الله ابد

والمعذره على الاطاله
ابو فارس66
18/01/2014, 02:01 PM
الصفرة هي النحاسه

ماتضر انا سيارتي كامري جلست 5سنين وهو يقر بالثالث لين الله كتب وخبط الموتر والحين،واقف ما صلحناه وابخليها لأن ماهنا مضره