سيارتي غرقت في أمطار الرياض الأخيره افيدوني

[abdulah050]

السلام عليكم

كيف حالكم يا اخوان ان شاء الله الجميع بخير :good:

قبل كل شي قدر الله وما شاء فعل والحمدالله ع كل حال

في امطار الرياض الأخيره 5\3 كنت طالع في اخر الليل ع الساعه وحده

المهم وانا امشي في طريق ابو بكر بعد الجامعه الألكترونيه والمطر كان قوي المساحات ماهي ملحقه تمسح

فجأه طبيت في شي كأني طاب في بحر والمشكله ان السياره تماتيك والقير كان اضاهر بالـ 4

واكتم لها لكن للأسف نتعت شوي وبعدها طفت و المويه كان مستواها عالي لدرجة ان السياره رفعتها المويه

وانا ماعندي اي خلفيه عن هالشي وحاولت اشغلها كذا مره وانا داخل المويه وأثر الشي ذا خطأ المصيبه اني ماعرفت الا يوم طلعوني :(

بعدها بيوم رحت الدفاع المدني وعطوني خطاب للتقديرات ومن التقديرات لشيخ المعارض

وبعدها قالوا لي الدفاع المدني خل اوراق التقدير عندك لين نتصل عليك وتجيبها لنا وقالوا الأن بأمكانك تصلح سيارتك

سيارتي سوناتا 2014

وديتها لواحد ميكانيكي اعرفه زين وقالي مبدئياً ان المويه وصلت للمكينه ودخلت ع اذرعت البستم وانعوجت ويبي لها تغيير وراح نفك المكينه ونقولك وش يبي لها بالضبط

يا أخوان اللي عنده خبره يفيدنا ليش انعوجت اذرعت البستم

واذا اذرعت البستم انعوجت ليش السياره ماتشتغل

وهل تتوقعون فيه اشياء ثانيه تضررت

انتظر ردودكم والله يعافيكم ع تعاونكم مقدماً :)

[الحيسوني-]

السيارة شغلتها واشتغلت او بس تدق سلف ولا تشتغل ؟

[abdulah050]

مرحبا اخوي

تدق سلف ولا تشتغل

ماتسمع اي صوت نهائياً

[اسدهم]

كمبيورت وفصل البطارية خربان ممكن

[الحيسوني-]

ماتوقع المكينة تنضر من دقة السلف لا تستعجل بفك المكينة انتضر الاخوان هم اهل خبره وبيعلمونك
وفيه موضوع موجود بخيمة الصيانة او تجهيز السيارات دوره وشفة اكيد فيه فايدة كثيرة لك على ماعتقد انه للعضو بدوي جنوبي

[ريثان القصيم]

السلام عليكم



وعليكم السلام ورحمة الله
كيف حالكم يا اخوان ان شاء الله الجميع بخير
قبل كل شي قدر الله وما شاء فعل والحمدالله ع كل حال
في امطار الرياض الأخيره 5\3 كنت طالع في اخر الليل ع الساعه وحده
المهم وانا امشي بسيارتي سوناتا 2014
في طريق ابو بكر بعد الجامعه الألكترونيه والمطر كان قوي المساحات ماهي ملحقه تمسح
فجأه طبيت في شي كأني طاب في بحر والمشكله ان السياره تماتيك والقير كان اضاهر بالـ 4
واكتم لها لكن للأسف نتعت شوي وبعدها طفت و المويه كان مستواها عالي لدرجة ان السياره رفعتها المويه
وانا ماعندي اي خلفيه عن هالشي وحاولت اشغلها كذا مره وانا داخل المويه وأثر الشي ذا خطأ المصيبه اني ماعرفت الا يوم طلعوني
بعدها بيوم رحت الدفاع المدني وعطوني خطاب للتقديرات ومن التقديرات لشيخ المعارض
وبعدها قالوا لي الدفاع المدني خل اوراق التقدير عندك لين نتصل عليك وتجيبها لنا وقالوا الأن بأمكانك تصلح سيارتك
وديتها لواحد ميكانيكي اعرفه زين وقالي مبدئياً ان المويه وصلت للمكينه ودخلت ع اذرعت البستم وانعوجت ويبي لها تغيير وراح نفك المكينه ونقولك وش يبي لها بالضبط
يا أخوان اللي عنده خبره يفيدنا ليش انعوجت اذرعت البستم
واذا اذرعت البستم انعوجت ليش السياره ماتشتغل
وهل تتوقعون فيه اشياء ثانيه تضررت
انتظر ردودكم والله يعافيكم ع تعاونكم مقدماً :)


اشتر قطع اصليه من الوكاله
فلاتر هواء وبنزين وزيت
بواجي اصليه
وتشيل السياره بسطحه وتروح لورشه وموثوقه وتخلي الميكانيكي يركب الفلاتر اول ثم
1-يغير زيت مع الفلتر الزيت اي نوع 5w30
2- وتخليه يفصل فيوز البنزين ويبدا يفك البوجي الاول ويدق سلف الي ان يطلع الماء كله من فتحة البوجي الاول ويركب البوجي الجديد ويسوي نفس الطريقه مع كل البواجي الي ان ينتهي ثم يرجع فيوز البنزين وسم بالله وشغل ويحول الله تشتغل
مثل هالفديو على الروابط

http://www.youtube.com/watch?v=9T06RhBVpfo

http://www.youtube.com/watch?v=JlJ--E1SR2Q


اخوك
ريثان القصيم

[abdulah050]

الله يعافيكم يا أخوان لكن كلام الميكانيكي عن اذرعة البستم وش رايكم فيه ؟

[ابوشاهه]

صحيح ربما البستم انعوج ..وهذي حصلت لاحد الاخوان وقت السيول اللي قبل شهرين ..المهم اذا تأكدت ان ذراع البستم منعوج ملك الا تغيره والله يعينك على غثاها ..

[كلاش2500]

اخ عبدالله على كلامك ووصفك باذن الله المكينة سليمة....اما عن الميكانيكى فوحدة من الثنتين ياانه نصاب ومتمرس بالنصب خاصة كلامه ان الاذرعة انعوجت....حسب خبرتى المتواضعة جدا ان ذراع البستم ينكسر او يعوج بالمواتر المرهمة اذا دخلت في ار بى ام عالى يعنى فوق طاقة احتمال المكينة....انت موترك طفى وماعاد اشتغل......
الوكاد سبب عدم التشغيل كهربا....او الكمبيوتر ضرب....
كل اللى عليك تفك صرة الزيت الين ينتهى الزيت ثم تقفلها ثم تحط فيها زيت من ابو خمسة ريال وتخله ابو كم ساعة وتكرر العملية مرتين الى ثلاثة...مع تغيير فلتر الهوا وتفتح الكبوت وتشمس السيارة ابو يومين ثلاثة طبعا الموتر يكون طافى ولاتشغله ابد....
بس في سؤال كأنى فهمت منك انك اذا دقيت سلف تسمع صوت تك او طق والمكينة ساكتة مافيها حركة...اذا فهمى صحيح السلف عندك مو شغال اما انه خرب او ماتوصله كهربا...وهذى كهربائى يشوفها لك.....
الزبدة المكينة عندك باذن الله سليمة والمشكلة ماتخرج عن سلف او كمبيوتر او كهربا....او حتى كم فيوز ضرب عندك......
ملاحظة مهمة(المكينة تتأثر اذا جلست شغالة لفترة وبداخلها موية)
اتمنى انى افدتك.....
بالتوفيق....

[abdulah050]

ابو شاهه
الله يعافيك ع ردك ماقصرت لكن تتوقع اذا صلحتها بترجع فيها مشاكل مع الوقت ؟

[abdulah050]

اخ عبدالله على كلامك ووصفك باذن الله المكينة سليمة....اما عن الميكانيكى فوحدة من الثنتين ياانه نصاب ومتمرس بالنصب خاصة كلامه ان الاذرعة انعوجت....حسب خبرتى المتواضعة جدا ان ذراع البستم ينكسر او يعوج بالمواتر المرهمة اذا دخلت في ار بى ام عالى يعنى فوق طاقة احتمال المكينة....انت موترك طفى وماعاد اشتغل......
الوكاد سبب عدم التشغيل كهربا....او الكمبيوتر ضرب....
كل اللى عليك تفك صرة الزيت الين ينتهى الزيت ثم تقفلها ثم تحط فيها زيت من ابو خمسة ريال وتخله ابو كم ساعة وتكرر العملية مرتين الى ثلاثة...مع تغيير فلتر الهوا وتفتح الكبوت وتشمس السيارة ابو يومين ثلاثة طبعا الموتر يكون طافى ولاتشغله ابد....
بس في سؤال كأنى فهمت منك انك اذا دقيت سلف تسمع صوت تك او طق والمكينة ساكتة مافيها حركة...اذا فهمى صحيح السلف عندك مو شغال اما انه خرب او ماتوصله كهربا...وهذى كهربائى يشوفها لك.....
الزبدة المكينة عندك باذن الله سليمة والمشكلة ماتخرج عن سلف او كمبيوتر او كهربا....او حتى كم فيوز ضرب عندك......
ملاحظة مهمة(المكينة تتأثر اذا جلست شغالة لفترة وبداخلها موية)
اتمنى انى افدتك.....
بالتوفيق....


اخوي كلاش هو اذا شغلت تسمع صوت تك ولا تشتغل المكينه وطالعه لي ف الطبلون علامة سياره داخلها قفل

وللمعلوميه انا يوم دخلت ف المويه ماطفت ع طول جلست تنتع نتع قوي وبعدها طفت وكان مستوى المويه عالي جدا تقريبا تحت الدريشه فتتوقع انها ماتأثر ذراع البستم ؟ لانه صراحه وراني سيارات عنده جايتها نفس الحاله
ولا ادري هو ناوي يزرفني يوم شاف ان السالفه فيها تعويضات الدفاع المدني ولا كلامه سليم

[كلاش2500]

الله يهديك ياعبدالله لو انك ذاكر علامة القفل هذى كان وفرت علينا الكثيراولا هذى العلامة هى عبارة عن سيكيورتى اى امن للسيارة وهى مولعة ماتشتغل السيارة ابد ....عادة ذى تشتغل اذا اختلفت برمجة مفتاح السيارة او مشكلة كهرب....عاد انت بعد تطبيق للنصائح اللى قلتها لك اول خطوة تحل موضوع القفل علشان تشتغل السيارة....

[abdulah050]

الله يعافيك اخوي كلاش على تفاعلك
ماكنت ادري ان العلامه راح تدلك ع شي صراحه لكن الله يعافيك ماقصرت معي
لكن بأذن الله انا بروح اشوف السياره بعد مايفكونها وبشوف وش تضرر بها

[San Francisco]

السلام عليكم
اول شي
١ نزل زيت المكينه وفلتر الزيت وحط زيت جديد
٢ نزل زيت القير وغيره
٣ فك البواجي وخلها يوم مفكوكه
٤ فك فلتر الهواء جب واحد جديد
افصل البطارية وخلها يوم

طبق البواجي بعدين غسل المكينه بضغط مويه قوي وبعدها نفخ هواء على كل الأسلاك
ركب البطارية ودق سلف اذا دارت المكينه ولا اشتغلت هنا افحص كمبيوتر (العله كهرب )
أما اذا ما لفت المكينه يعني عضت فك البواجي وصب زيت فرامل قدر غطاء وركب البواجي خل المكنيكي يلف المكينه من برا يعني يلين المكينه لين تفك
وبعدها شغل

[abdulah050]

السلام عليكم
اول شي
١ نزل زيت المكينه وفلتر الزيت وحط زيت جديد
٢ نزل زيت القير وغيره
٣ فك البواجي وخلها يوم مفكوكه
٤ فك فلتر الهواء جب واحد جديد
افصل البطارية وخلها يوم

طبق البواجي بعدين غسل المكينه بضغط مويه قوي وبعدها نفخ هواء على كل الأسلاك
ركب البطارية ودق سلف اذا دارت المكينه ولا اشتغلت هنا افحص كمبيوتر (العله كهرب )
أما اذا ما لفت المكينه يعني عضت فك البواجي وصب زيت فرامل قدر غطاء وركب البواجي خل المكنيكي يلف المكينه من برا يعني يلين المكينه لين تفك
وبعدها شغل


الله يعافيك اخوي ع ردك

انا سألت الميكانيكي عن اي طريقه وقلت له بنحاول ننشفها ونغير الزيوت مثل طريقتك

لكن قال للأسف سيارتك وصلت مرحله متقدمه اذرعت البستم انعوجت ولازم تتغير :(:(

انا بأذن الله بعد مايفكون المكينه بروح اشيك عليها بنفسي

[San Francisco]

لا يفكون لو تسمع كلامي طلعها من عند الورشه هذي من كلامه البساتم انعوجت من غير ما يفك الكارتير حق الزيت طبعا معلومه اول ما ينعوج عامود الكرنك لو فيه ضغط بالمكينه ثم احتمال ينكسر ذراع البستم اذا كان زهر لو على كلامه انعوج البستم معناته يبيلك نص مكينه لان السرندل بيكون منشعر
نص الورش نصابين او ٩٠ ٪ منهم نصابين

طلع سيارتك لورشه ثانيه اذا رفض يسوي الي قلتلك عليه تراه ناوي يأخذ الي بجيبك



بس حلوه مرحله متقدمة عجبتني شكله سوري كان معلم شورمه قبل خمس سنين ولا سواق سطحه

[abahal]

يفك الكارتير ويبين الذراع متضرر او لا

[الحيسوني-]

ياخي حرام عليك الحلول اللي عطوكيها السباب ماتكلف ٢٠٠ ريال واسبوع توقف السيارة
اتوقع مانت خسران شي اذا جربت

[abdulah050]

الله يعافيكم ياشباب ماقصرتوا

بأذن الله اليوم اروح للورشه واشوف وش الحل

[MSAN]

المكينة تدور مع دقة السلف والا لا..؟؟

[رفيع المقام]

تريث ولا تستعجل ولا ازيد على كلام الأخوان .

[القلب الرهيف]

اسمعني يا بعدي

اسحب سيارتك عند اقرب بنشري وخله 1/ يفك فلتر القير وينزل زيته واشتر لك فلتر جديد وغيره 2/ السيفون مع الزيت القديم نزله وخل البنشري يعبيه زيت غسيل المكينه 3/ غير بواجية عند المحل 4/ فلاتر الهوى نفخها بس
5/ سم بالله وشغل عند المحل وتشغيلتك مره وحده بس ما تشغل لين تغيرها كل هاذول بتدخن سيارتك دخان ادعس دعس متوسط لين يفك الدخان لاتتحرك من مكانك لين 1/ يقطع الدخان 2/ تغير زيت السياره من غسيل المكينه الى زيت سيارتك بالسيفون وادعلي وربي يهونها .العمليه مجربه على عدة سيارات

[الدوسري00]

شوف اخوي

انت تقول كتمتلها

هناك حاللتين
الاولى : يوم انك كتمت لها وعشقت النمره الي بعدها سمعت صوت طقه وطفت ؟؟
اذا ايه معناها المكينه خبطت << كلامي واثق منه لاكن انا كتمتلها بدون مويه

الثانيه اذا طفت قبل ماتعشق لنمره الي بعدها
ماادري وش سببها

[ريثان القصيم]

بعد مايفكون المكينه بروح اشيك عليها بنفسي
اخوي لاتتعب ولاتشيك بنفسك دامك ما سمعت نصايح الاعضا وهم ينصحون بعدم فك المكينه او على الاقل نزلت فديو بالمشكله قرارك وانت تتحمل النتايج

اخوك
ريثان القصيم

[abdulah050]

الله يعافيكم يا اخوان جميع ماقصرتوا

الميكانيكي هذا اللي وديتها له متعاملين معاه من سنين وماسك سيارات العايله

يعني في الغالب انه مراح يكذب علي

النتايج بعد فك المكينه لقى الدنيا مكسره المويه وصلت للمكينه وأكلت الأخضر واليابس

المكينه يبي لها توضيب :(:(:(

وش رايكم توضيب او اشتري مكينه من التشليح ؟؟

وهل اذا شريت مكينه من التشليح وركبتها ينزل قيمة الموتر بالمعارض ؟؟ :(


حسبي الله ع من كان السبب :mad:

[ريثان القصيم]

الله يعافيكم يا اخوان جميع ماقصرتوا
الميكانيكي هذا اللي وديتها له متعاملين معاه من سنين وماسك سيارات العائله
يعني في الغالب انه مراح يكذب علي بحول الله
النتايج بعد فك المكينه لقى الدنيا مكسره المويه وصلت للمكينه وأكلت الأخضر واليابس
المكينه يبي لها توضيب
وش رايكم توضيب او اشتري مكينه من التشليح ؟؟
وهل اذا شريت مكينه من التشليح وركبتها ينزل قيمة الموتر بالمعارض ؟؟
حسبي الله ع من كان السبب

لاتضيع هالنصيحه لله رح لتشاليح الكويت واشتر مكينة 201 ارخص لدرجة اكثر من نص السعر عندنا
فتح خط الكويت أوّلاً ..
00965

4579732 العز للسكراب
------------------------------------------
4587954 مؤسسة الساعة للسكراب
------------------------------------------
4581575 المخيزيم للسكراب
------------------------------------------
4578219 مؤسسة الجامعة لأعمال السكراب
------------------------------------------
4578167 شركة خليفه وصالح البادى لتجاره السكراب
------------------------------------------
4577747 شركه جراح لاعمال السكراب
------------------------------------------
4579230 كراج وسكراب ابراهيم سبتى
------------------------------------------
4579773 مؤسسة عيسى المخيزيم لاعمال السكراب
------------------------------------------
الشركة الكويتية لتجارة السكراب
قطع غيار سوبربان ستروفان جيمي ونبت جمس بليزر
تلفون
97170801
___________________
قطع ميتسوبيشي
99614659
_________________________
قطع غيار نيسان
99845990
97409414
_________________________
رابعا قطع الهمر
66744149
____________________________
قطع لاندكرورز برادو شاص
7372240
____________________________
قطع فورد
99383544
99031426
____________________________
تشليح السبتي
نيسان وقطع امريكي
99170203
97142872
____________
جميع قطع غيار جمس سيرا سوبربان عند شخص اسمة مالك
جوالة 0096599555472
اخوك
ريثان القصيم

[abdulah050]

الله يعافيك ياريثان والله انك ماقصرت طيب هل يعطوني عليها ضمان وكم ياخذون الجمارك عليها ؟

[ريثان القصيم]

هل يعطوني عليها ضمان وكم ياخذون الجمارك عليها ؟
بعد ما تسال عن تكلفة تركيبها هناك افضل لك تشيلها بسطحه وتركب المكينه هناك وتاخذها للفحص بوكالة هيونداي


اخوك
ريثان القصيم

[شفر2001]

اللــــــــه يكون بعونك وان امورك تصلح