تكفون الي خبره بانواع الفراء يتفضل ....!

[تاج المملكه]

السلام عليكم .... مساكم الله بالخير شلونكم وشلون البرد معكم .. احيييه ياالبررد :)
تعرفون الان الأجواء باردة واليوم دخل الشباط واشتدة البرودة خصوصاً بشمال ... اليوم شاهدة الناس كلها لابسه فراوي ( فروه) :) كبار وصغار وقلت ياتاج ليه ماتشري لك وحدة تدفيك عن هالبرد .. مع اني ماعمري لبست الفروة ولالي خبره فيهن .. المهم ابي افضل الأنواع وأجودها وخصوصاً الي ماتطلع ريحة إذا نزل عليها مطر ابي الي تجلس معي زمن ابي بحدود 300 الى 400 ريال .. والي من حائل يفيدنا عن اماكن بيع الفراء واسعارها .... بنتظاركم

[ابوناص]

الفراء نوعين فيه الطبيعي اللي يسمى طفيلي وفيه الصناعي

الطفيلي غالي النوعيات الزينه من ١٠٠٠ الى ٥٠٠٠ وبعضها يطلع ريحة والصوف يلمى ملابسك و تتشقق من الداخل
يمزيها الدفى وخفه الوزن ولكن يبي لها استخدام حشمه

اما الصناعي من ١٥٠ الى ٣٠٠ وعيبها وزنها ثقيل ولكن في كل الاوضاع تتحمل

اما اماكن بيعها انا من الرياض ادخل سوق الزل وطب وتخير كل شي موجود

اما حايل ماعندي علم يالغالي

[تاج المملكه]

الفراء نوعين فيه الطبيعي اللي يسمى طفيلي وفيه الصناعي

الطفيلي غالي النوعيات الزينه من ١٠٠٠ الى ٥٠٠٠ وبعضها يطلع ريحة والصوف يلمى ملابسك و تتشقق من الداخل
يمزيها الدفى وخفه الوزن ولكن يبي لها استخدام حشمه

اما الصناعي من ١٥٠ الى ٣٠٠ وعيبها وزنها ثقيل ولكن في كل الاوضاع تتحمل

اما اماكن بيعها انا من الرياض ادخل سوق الزل وطب وتخير كل شي موجود

اما حايل ماعندي علم يالغالي
______________________
يعني تنصحن بالصناعي ابو 150 ؟ ياريت تنزل صوره للفروه الصناعي .. لااني والله مااعرف للفراء ولاعمري شريت فروه اخوك غشيم

[أبوصالح9]

الفراء الطبيعي عندك ثلاث انواع
1- وردي
2- طفيلي
3- رعياني

والنوعين الاولين كلهن طيبات لكن فرق السعر على حسب الخامة والتطريز واشياء ثانية والسعر يبدأ من 1000 وطالع
الرعياني امتن انواع الفراء الطبيعي واكثر ممن يستخدمه اصحاب الحلال اللي مستقرين بالصحراء لانه متين وثقيل لكنه فيه شي واحد الريحه واذا تعودت عليه وخليتها بالشمس تخف ريحتها وانا عندي وحده من هذا النوع
بالنسبة للصناعي عندك اشكال وانواع لكن اذا تبي الفروه الزينه ابعد عن الفرو الناعم والاملس لانه يصقع بالبرد - ولو انك بالقصيم خابرن لك محل عنده فروه صناعي على 120 ريال يحبه قلبك ولا خساير ولا يحزنون ودافيه ماشاء الله

[فتى احد]

في حائل وانت ماشي بالشارع اللي بوه سوق برزان أمش لمى ينتهي بك واجباري يمين خذ يمين بتراعي دوار قبالك خذ معوه يمين وشف محلات الفروات والبشوت يسارك خذ لفة عليهم انا شاري قبل شهر منهم فروة سورية ثقيلة ٣٠٠ ريال ولون بني وسط لانه المرغوب اكثر وفيه الرصاصي حلو بعد وانت البس وشف نفسك بالمراية عنده والف مبروك مقدما

[تاج المملكه]

الفراء الطبيعي عندك ثلاث انواع
1- وردي
2- طفيلي
3- رعياني

والنوعين الاولين كلهن طيبات لكن فرق السعر على حسب الخامة والتطريز واشياء ثانية والسعر يبدأ من 1000 وطالع
الرعياني امتن انواع الفراء الطبيعي واكثر ممن يستخدمه اصحاب الحلال اللي مستقرين بالصحراء لانه متين وثقيل لكنه فيه شي واحد الريحه واذا تعودت عليه وخليتها بالشمس تخف ريحتها وانا عندي وحده من هذا النوع
بالنسبة للصناعي عندك اشكال وانواع لكن اذا تبي الفروه الزينه ابعد عن الفرو الناعم والاملس لانه يصقع بالبرد - ولو انك بالقصيم خابرن لك محل عنده فروه صناعي على 120 ريال يحبه قلبك ولا خساير ولا يحزنون ودافيه ماشاء الله
لا والله ماني من القصيم ... مشكور ماقصرت على هالمعلومات

[تاج المملكه]

في حائل وانت ماشي بالشارع اللي بوه سوق برزان أمش لمى ينتهي بك واجباري يمين خذ يمين بتراعي دوار قبالك خذ معوه يمين وشف محلات الفروات والبشوت يسارك خذ لفة عليهم انا شاري قبل شهر منهم فروة سورية ثقيلة ٣٠٠ ريال ولون بني وسط لانه المرغوب اكثر وفيه الرصاصي حلو بعد وانت البس وشف نفسك بالمراية عنده والف مبروك مقدما
_____________________
اها ايه هذا جيته بالصيف شريت منه بشت زواجي لكن لاحظة مافيه فراء او يمكن جيته انا بفصل الصيف مشكور اخوي وان شاءالله ابي اجيه واشري منه

[محرين باالخير]

دور لك حقات مصنع ريم اللي باالقصيم رخاص وافضل من الشامي واحرص لاتكون غاليه تعرف بهاالشتا ماتسلم من طيران جمر والا يمزعها لك طرف خشبه من هاالحطب . موفق،،،،

[تاج المملكه]

دور لك حقات مصنع ريم اللي باالقصيم رخاص وافضل من الشامي واحرص لاتكون غاليه تعرف بهاالشتا ماتسلم من طيران جمر والا يمزعها لك طرف خشبه من هاالحطب . موفق،،،،
لاماني شاري الغالي ابي اشري حقت 150 او 200 بهالحدود

[علومك غانمه]

وانا اخوك ماعليك من الي يقول طفيليه كانت عندي وحده والله ياعليها ريحة تصرع مهيب زينه اشتر من الخفيفات الصناعي على 100 وكد ومد

[باسم40]

الطفالي والشفالي وحق الرعيان ما عاد تحصله الا باغلا اثمانه ان حصلته وحتى لو ما صار فيه ريحه يتشقق اللجلد حقه
خذ من مصنع ريم قباب (خارجي شموا ) وفرو صناعي خفيف بـ 120 ريال اتدفيك وتكفيك

[مرسي الزناتي]

وين نلقى منتجات مصنع ريم في الرياض ؟

[كايد]

عندي طفيلية وعندي صناعية من مصنع الريم اللي ببريدة
انشهد انها فروة وافضلها ع الطفيلي (خاصة الللي يكشت ...يطبخ يروح يجي ...الطفيلية في العزايم ا::ss

[o k]

رح لسوق الزل وتنق من الفرا الصناعية على كيفك .. بالنسبة لي اقول لك ابعد عن الطفيلية ريحه غير محببه غالية السعر الصوف يعلق بالثوب

خلك على الفروه الصناعية درجة اولى سعر رخيص والوان متنوعة ودفاء عجييييب عن تجربه

[تاج المملكه]

طيب هل فيه مصنع الريم بحائل او ماظاهر :D.. ومشكورين جميعاً

[فتى احد]

طيب هل فيه مصنع الريم بحائل او ماظاهر :D.. ومشكورين جميعاً

مصنع الريم في القصيم لكن بضاعتهم بكل ديرة حتى في الامارات تحصلها :good2:

[ابو فهد 1]

الفراء الطبيعي عندك ثلاث انواع
1- وردي
2- طفيلي
3- رعياني

والنوعين الاولين كلهن طيبات لكن فرق السعر على حسب الخامة والتطريز واشياء ثانية والسعر يبدأ من 1000 وطالع
الرعياني امتن انواع الفراء الطبيعي واكثر ممن يستخدمه اصحاب الحلال اللي مستقرين بالصحراء لانه متين وثقيل لكنه فيه شي واحد الريحه واذا تعودت عليه وخليتها بالشمس تخف ريحتها وانا عندي وحده من هذا النوع
بالنسبة للصناعي عندك اشكال وانواع لكن اذا تبي الفروه الزينه ابعد عن الفرو الناعم والاملس لانه يصقع بالبرد - ولو انك بالقصيم خابرن لك محل عنده فروه صناعي على 120 ريال يحبه قلبك ولا خساير ولا يحزنون ودافيه ماشاء الله

مساء الخير ابو صالح
وين الي يبيع ب120 ممكن وصف المحل

[أبوصالح9]

هلا يابو فهد المحل بعنيزة بالمحلات اللي وراء المنصور اللي بالشارع التجاري تدخل يسار وانت بوسط الشارع التجاري من عند المنصور تجيك المحلات بوجهك كثيرة شف المحلات اللي بالجهة اليمنى فيه اكثر من واحد عنده نفس الفروة لكنهم يختلفون بالسعر اول محل عنده سعرها 140 والباقين من 120 - 130 اسم الفروه مصنع ريم وانتبه ترا فيه انواع من نفس المصنع خذ اللي فروها منفوش ولاتاخذ الفرو الناعم تراه يصقع حتى القماش الخارجي لاتاخذ الناعم وان بغيت شي راسلن على الخاص وابشر بسعدك

[Hagaanaf]

يحفظك الله
اترك عنك الطفيلي وما الطفيلي ، فهذه عفاء عليها الزمن ولم تعد مرغوبه الا من اناس تحب الفخفخه
في الرياض سوريين يفصلون تفصيل وبمبلغ (250) ريال ، اختر الجوخ الذي تريد وحبال الزركشه همن اختر الفرو الآالماني ، متى ماقنيت مثل هذه الفروه اضمنها لك (20) سنه
واكيد هناك سوريين في بلدك يفصلون هذا النوع من الفراء ، مش ممكن فتجارته رابحه ، وان تعذر عليك فيالله اما لك الحمد كلم احد اصدقائك بالرياض وخله ينكخ لك وحده يتوقع انها مقاسك ، وعليك بالطول وعن طريق زاجل بـ (20) ريال تصلك وانت متمركي عند الضو

[A s K a D]

ان حصلت بقايا الفراء السورية الي من الخارج وبر فلا تفوتك

[مرسي الزناتي]

يحفظك الله
اترك عنك الطفيلي وما الطفيلي ، فهذه عفاء عليها الزمن ولم تعد مرغوبه الا من اناس تحب الفخفخه
في الرياض سوريين يفصلون تفصيل وبمبلغ (250) ريال ، اختر الجوخ الذي تريد وحبال الزركشه همن اختر الفرو الآالماني ، متى ماقنيت مثل هذه الفروه اضمنها لك (20) سنه
واكيد هناك سوريين في بلدك يفصلون هذا النوع من الفراء ، مش ممكن فتجارته رابحه ، وان تعذر عليك فيالله اما لك الحمد كلم احد اصدقائك بالرياض وخله ينكخ لك وحده يتوقع انها مقاسك ، وعليك بالطول وعن طريق زاجل بـ (20) ريال تصلك وانت متمركي عند الضو



الله يحفظك وين نحصل المشاغل الخاصة بصناعة الفرى في الرياض