المساعد الشخصي الرقمي

مشاهدة النسخة كاملة : الحقوني بسرعه


خبيعه
12/01/2014, 01:46 PM
السلام عليكم ورحمه الله وبركاته
اسعد الله اوقاتكم
ياشباب عندي صوت تكتكه في الاندكروزر99 الصوت ما اسمعه الا اذا رحت مشوار بعيد يطلع الصوت مع العلم اذا شغلت السياره مافيها اي صوت واذا حرمت السياره ورحت وجيت مافيها اي صوت مايطلع لا بعد مشوار بعيد شوي
الصوت ييزيح مع دعسه البنزين تكتكتكتمتكتك ويقل اذا فكيت الدعسه تك تك تك
مع العلم اني غيرت جلد بلوف وشنبر وفحمه كلتش وغيرت بعض الاشياء الاستهلاكيه بواجي واسلاك وفلتر الخ
تكفون الحقوا علي الله لايراويكم مكروه
بحرالقلزم
12/01/2014, 02:59 PM
شيك على السيور والبكرات
التمسساح
12/01/2014, 03:40 PM
عنوان الموضوع يخرع الحقوني بسرعه حسبتك طايح في بير او منقطع في البر واخرتها تك تك تك هههههه على العموم الصوت صوت تكايات البلوف
خبيعه
12/01/2014, 05:37 PM
هههههههههههه اما طايح في بير
شاكر مروركم وجزاكم الله خير
بس اخوي التمساح معقوله تكون من تكايات البلوف حسب مااعرف ان البلوف يوزن لحاله لانه 24بلف عندي الصوت مره مزعج وقوي يعني اسمعه وانا ماشي بالموتر من داخل السياره
التمسساح
12/01/2014, 09:03 PM
ولو كانت تنوزن لحالها يطلع لها صوت بسبب اما الزيت خفيف او تأكل تكايات البلوف بسبب الاستخدام عندها يحتاج لها وزن طبعا وزنها شغل المخرطه بس تأكد لايكون الصوت من جلب اذرعة البساتم
San Francisco
13/01/2014, 01:24 AM
تبي العلم

اذا انت مسقط شنبر يعني فاك المكينه هذي صوت تروس الكرنك وطرمبه الزيت والدركسون

الصوت موب ثابت مره يزيد ومره يخف

او احتمال ضعيف يكون من عامود التيمن

او احتمال من طرمبه الزيت

او يكون من وزنه جنزير التيمن مع الكرنك له وزنه مع عامودين التيمن لو اختلف سنه يبدأ يشكل أصوات

ترا عندي صوت قريب من هذا الصوت له اربع شهور وآخر شي طنشت لأني خسرت عليه حدود ٢٥٠٠ ولا فيه فايده

يخف يومين او ثلاثه ويرجع

غيرت الصدر مع طرمبه الزيت
غيرت بكره الكرنك
غيرت بكره التيمن
غيرت الشحاطات
غيرت الدفاش
غيرت بكره الدركسون
غيرت الجنزير وغيرت شغالات كثيره
لازال الصوت موجود
وزنت البلوف خف يومين وبعدها رجع

طبعا السبب أني ما لقيت مكنيكي صاحي كلهم خبازين

المهم دورلك واحد فاهم بالاندكروزر لا تسوي زيي خسرت على غير فايده
black_list
13/01/2014, 01:32 PM
شف طرمبة الزيت اكيد ضعيفه
عميد آسيا
13/01/2014, 02:00 PM
كان عندي صوت تقريبا زيه و طلع من وجه الاقزوز بس سيارتي غير سيارتك
عاد شوفه و رد خبر
خبيعه
14/01/2014, 01:52 AM
بيض الله وجيهكم جميعا
شاكر ومقدر ردودكم وجعلها الله في موازين حسناتكم
راح اشوفلها اليومين. هذي واردلكم خبر وانشاء الله خير