وش الفرق بين صبة الضاعن القديمه 99 والجديده؟

[ابوعبدالله×]

السلام علكيم عندي مجموعة اساله اتمنى اهل الخبره يفيدوني

وش الفرق بين الصبه القديمه والجديده بالنسبه لقوارب الضاعن ( صبة موديل99)

وش معنى القرف؟

وش الاشياء الي لازم اشوفها ببودي الطراد قبل شرائه؟

هل لازم اطلع رخصة قيادة للطراد؟ وشلون اجراءاتها؟

بالنهايه كثير من الطرادات تشوف هالشكل عند المكينه لكنه صلب فهل هذا يشكل مشكله؟



http://im37.gulfup.com/upLMI.jpg

شكرا لكم

[sanad81]

وعليكم السلام أخوي , ونبدأ الأجوبه على أسألتك واحد واحد

وش الفرق بين الصبه القديمه والجديده بالنسبه لقوارب الضاعن ( صبة موديل99)

الصبه القديمه أحسن من الصبه الجديده بعد التجربه , الجديده تدق واجد بس لو تجيب صوره أقولك هذي الصبه تصلح ولا لأ , لأنه حتى الصبه الجديده عندهم صبتين وحده ممتازه وثانيه ما تسوى ريال

وش معنى القرف؟
هو بدي الطراد الفيبر

وش الاشياء الي لازم اشوفها ببودي الطراد قبل شرائه؟
أهم شي أركب على الطراد وأمشي فيه وتأكد ان سباحته سليمه وأنت أذا ما تعرف افصخ نعولك أجلك الله وتتمشى بالطراد حافي أن حسيت ان الطراد فيه ليونه ولو خفيفه معناه أن الطراد شارب ماي وما يصلح
تأكد الطراد مافه آثار لحام فيبر ةتلاقيه كأنه قطع مربعه أو مستطيله بالعاده في بدن الطراد من برا تشوفها تختلف عن باقي الطراد أما بالون أو الملمس
تأكد انه مافي كسور أو تشطبات وخاصه في الصبه الخارجيه

هل لازم اطلع رخصة قيادة للطراد؟ وشلون اجراءاتها؟
ملكيه الطراد ما تستوجب رخصه قياده , تحتاج صوره شخصيه وصوره من بطاقه الاحوال وعقد مبايعه مصدق من شيخ الصيادين
قياده القارب والنزول فيه لازم رخصه قياده , تروح لسلاح الحدود وتاخذ الفورم وتروح للمستشفى تسوي الفحص الطبي وفي أختبار سباحه وأختبار قياده للقارب والعلامات البحريه
أن ما عندك خبره بدلونك على شركات ومعاهد تدريب

بالنهايه كثير من الطرادات تشوف هالشكل عند المكينه لكنه صلب فهل هذا يشكل مشكله؟
القاعد هذي تتسمى الرقعه , والكسور فيها وارده وخصوصاً ان كان الطراد قديم شوي أن كانت مشتغله صح ما عندك مشكله بس الصوره ألي حاطها شغل مشي حالك وبتنكسر معك مره ثانيه


وأي سؤال ثاني أحنى حاضرين

[ابوعبدالله×]

اخوي سند الله يعطيك العافيه وبيض الله وجهك مشاركة مفيده جدا. هل فيه مجال اتواصل معك على الوتس اب ودي اوريك بعض الصور ولا نستغني عن استشارتكم.
دمت بحفظه.

[sanad81]

أخوي ماعندك مشكله ومن مواضيعك الثانيه أنت الظاهر بالجبيل , تراني من أهل الجبيل الصناعيه وموظف بشركه شفرون

برسلك رقمي على الخاص

[saad awad]

ودنا نعرف الفرق بين الصبه القديمه والجديده وايضا الصبتين الجديده ( الجيده والغير جيده ) مع الشكر .لاني افكر اطلع لي بوت الضاعن جديد

[sanad81]

أخوي الصبه الجديده حقت الظاعن تجي أعرض من الصبه القديمه وتميزها من عند المكاين , آخر الطراد من عند المكاين في ميلان مثل الي بالصوره وعندك المنطقه من زاويه الستب الجانبي او الميلان الجانبي الى طرف الطراد من فوق كبيره
http://im37.gulfup.com/He9GX.jpg


الصبه القديمه تجي المنطقه هذي مستقيمه وهو أنحف شوي من الصبه الجديده مثل الصوره

http://im37.gulfup.com/2tx9t.jpg

الصبه القديمه تتميز بالخفه بالمشي وما تحتاج مكاين كبار مثل الصبه الجديده وممشاها بالموج ممتاز
الصبه الجديده اوسع والتشطيب النهائي ممتاز بس عيبها تدق كثير بالموج الخفيف والمتوسط وتكسر ظهرك وثاني شي تحتاج مكاين
يعني 31 القديم 140x2 سزوكي 4 ستروك تمشيه 55 الى 60 عن تجربه كان موديل 2010 صبه قديمه
وواحد ثاني من الشباب طلعه بعده ب 3 شهور أخذ الصبه الجديده31 عليه 200x2 سزوكي 4 ستروك يمشي 65 وعن تجارب


ملاحظه : الصور مأخوذه من موقع الظاعن