استفسار لاهل الخبره

[فواز 2013]

بسم الله الرحمن الرحيم
السلام عليكم ورحمة الله وبركاته
اخواني واعزائي في منتدى مكشات ويااهل الخبره
عندي مشكله صارت لي مع طير حر مزيون و فارط بسبق ثمين وغالي طير وافي ثنو ... احب اسمع اراكم وكلام اهل الخبره
==================
الطير شندرته في شنادر مع شوي سكره في قطعه من القماش وهو عمليه متعود عليها
من صغري علمأ اني مشندره اول الوقت بس حسيت ان الطير محتاج شندره مره اخرى
استعدادا لموسم الكراويل
وتمت الشندره بنجاح وحدف الطير ولله الحمد وبعد ساعتين عطيته صوافق حمامه لحم صافي بدون عظم وريش ..
بعدها بيوم عطيت الطير قطعه صغيره من لحم حاشي لخبي بها مضاد حيوي وبعد نصف ساعه عشيت الطير لحم حاشي صافي قطعه صغيره اصغر من الكف معها نصف حبه اقلاع الى هو افلاجيل .. و المضاد هو كبسولات صغيره
لونها ابيض بزرق تباع في البيطريات وهي مخصصه للحمام
علما بأني متعود على هادي المضادات وطيبه جدا وجلست عند الطير تقريبا ربع ساعه بعد العشاء وطير نشيط ولا فيه الا العافيه وخليت الطير خمس دقائق ورجعت الاهو قد فارق الحياة ,, ولا ادري ماهو السبب
هل السبب من مضاد الحيوي مع لحم الابل ولا وش السالفه الطير من قبل
ماعندك احسن من صحته وقبلها بيومين معطيه على الملواح 120 مرة
ولا ادري ماهو السبب هل اخطيت عليه بالعلف او عين واحد مادكر الله
=======================
الي عندة خبره يفيد الجميع وشكرا لكم

[THE SNIPER H]

ﻻحول ولا قوه اﻻ بالله
الله يعوض عليك
من خلال متابعتي لاطباء الصقور بالخارج
الكل لايفضلون شنذره الطيور لما لها خطوره علي حياه الطير كما انها تؤدي لالتهاب فرسه الطير
والحل البديل هو إن تقلل العلف الي ان ينزل وزن الطير بطريقه طبيعيه
حبيبي انا اربي الطيور من حوالي 5 سنوات وعمري مشنذرت طير

[فواز 2013]

شكرا لك اخوي على مروووورك
وتقبل ودي وحترامي

[راكااااان]

الله يعوضك ياربء،،،الاسباب اذا مافحصت سبب موته مارح تعرف سبب لازم ماخذه العياده صقور اذا حولك ولا مرسله الرياض حتى يعطونك الوكاد ،واذا هي رمعات والله اعلم الحم الحاشي ولا الكبده الي عطيتها طير متسممه شناذر ماتذبح الطير بطريقه هاذي ابد لاكن ربي يعوضك وعسها خيره لاتكرهو شيئ فهو خير الكم،،