يا اهل مكشات ..طلبتكم ..لاتبخلوا

[musa.j]

السلام عليكم ورحمة الله
اولا مرحبا بكل الاخوان...لي اكثر من سنه وانا ااشاهد مكشات ومواضيع الاخوان
ورغم كرهي السابق للطلعات البريه...
اصبحت مدمنها...
وتم شراء بعض التجهيزات ...وينقصني الكثير منها
طلبي منكم:
شيروا علي..ووجهوني..وعلموني
احتياجات الرحلات من صغيرها الى كبيرها..من محولات..انارة..واي اشياء حتى لو كانت
مكملة..او ماتسمى باكسسوارات
علما ان لدي خيمه..ومظلة الشقرديه..وعزبه لكن ينقصها الكثير..
شاكر لكل من قرأ احرفي وافادني...ولكل من مر من هنا وشرفني بوجوده في موضوعي الاول
مع خالص الود..والتقدير

[أبو سهيل]

وعليكم السلام ورحمة الله وبركاته
الحاجة أم الإختراع وانا اخوك
وما دام عندك خيمة وعزبة هذي من الأساسيات
والإحتياجات تختلف من شخص لآخر
اقترح عليك وانا اخوك
اذا كشت خذ ورقة وقلم وسجل ما تقرر انت اهميته لك وتقرر شرائه
ثم يأتي دور الاستشارة في افضل الانواع من احتياجاتك
يعني افضل لمبه او كشاف او بطارية او فاس الخ .....
دمت بود حفظك الله
واحرص على المحافظة على البيئة

[musa.j]

الاخ :ابو سهيل ...اسعدني حضورك ..وعاطر مرورك
اتمنى منك الافاده وباقي الاخوان في :
1-افضل موقد
2-افضل المحولات الاصليه
3-افضل اباريق الشاي والقهوة
4-اجود دبات غاز المواقد
5-افضل انواع الاناره
وفق الله الجميع

[هارون97]

صدقني طحت في الغرابيل والتعب والمشاكل خلك على ماكنت عليه واحد تكسف في البر خلك في ملحق وشب وستانس تحيتي للجميع

[ابوفهد الشريف]

السلام عليكم
ابفيدك بخبرتي البسيطه واللي اقدر عليه
طبعا انت تتكلم عن اغراض لراعي المكشات

1-افضل موقد ........................... المواقد كثيره افضلها وارغبها البريموس لكن نادر وغالي انصحك بالتكسبورت.
2-افضل المحولات الاصليه................. لا اعلم
3-افضل اباريق الشاي والقهوة ............. بشكل العام الستنل ستيل افصل شي ياباني بعده الكوري.
4-اجود دبات غاز المواقد ................. الاجود البريموس او السيفرت السويدي يجي بعده الايطالي غيره لايقربك.
5-افضل انواع الاناره .................... الليد بشكل عام كويس ويأدي الغرض
وفق الله الجميع .......................... الله يوفقنا واياك

[أبي عبدالله]

1-افضل موقد : بريموس للحجام الكبيرة والصغيرة الالف الصناعه الهنديه للعزب الصغيرة
2-افضل المحولات الاصليه : black deckerمتعدد الستخدام وفيه المحولات اليابانيه ممتازة
3-افضل اباريق الشاي والقهوة : ابريق الشاي الهنديه والدلال العساف ورسلان
4-اجود دبات غاز المواقد : الايطاليه
5-افضل انواع الاناره عليك بالانجليزي ولو انه غالي واحرص على التمديد الاسلاك الجيدة

وفق الله الجميع


ارجوا ان اكون افدتك

واطلع على منتدى العدد وتجهيزات السيارات

[ابو ساره العنقري]

ماراح تعرف احتياجك الا اذا كشت اكثر من مره
وقتها راح تعرف حاجتك
والتجهيز يختلف على حسب الشخص
الي يجلس ايام بالبر غير الي يطلع يوم ويرجع
حتى الطبخ بعضهم يكتفي بالكاتم وبعضهم يقول لا ابي اتفنن وابي عده قدور
الاهم ضبط عزبه الشاهي والقهوه رالباقي تساهيل

[اصيل نجد]

فعلا الاخوان افادوك انك لازم تحدد احتياجاتك بنفسك الحاجات الاساسيه معروفه لكن يختلف السعر وكلا حسب الميزانيه لكن نصيحه وشور اخو لاتكثر التجميع وانا اخوك انا وكثير من الاخوه الكشاته لايمكن ندخل محل حق كشتات الا نضف منه والمستودع مليان حاجات لها داعي واكثرها مالها داعي والله اذا احتجت شي من المستودع ماحصله وانا متاكد انه موجود من كثر الحوسه لذلك اخوي خذ الشور وانتبه من التجميع بكل شي من فرشات من غازات من جوالين ماء من ليات الخ الخ الخ خلي عزبك وذفه ومرتبه ونصيحه دبه الغاز لاتخزها بالسياره اذا كانت العزبه دائما بالسياره لانها لاتخفى عليك مخاطرها ربي يستر عليك ويوفقك تحياتي لك

[سحابة غائمة]

اذا انت في الرياض ممكن افيدك راسلني ع الخاص

[musa.j]

الاخوة الاعزاء
هارون 97
ابو فهد الشريف
ابو سارة العنقري
ابي عبدالله النجدي
سحابة غائمه
اشكر لكم التواصل ..والافادة
شرفني حضوركم ..واستفدت من نصحكم والاخذ بشوركم
لكم مني خالص التحيه وصادق الدعوات

[Mohammed5d]

والله يا اخوي بقول لك سالفتي كنت كل مارحت محل رحلات يعجبني شي شريته لين ضيقه علي وصارت لاجيت اكف اغراضي تتعبني صرت كل موسم انقص واحاول اخذ المهم
خل مبدا قليل هناك ولاكثير عناك في بالك
عزبه الطبخ اختصرتها
في قدرين واحد تيفال عادي والثاني كاتم سب ثمانيه لتر وتاوه وقطاعه وثلاث سكين وملاس ومغرفه والبهارات خلها في شنطه لحالها والدافور خذ لك عشره رطل احسن لك واشتر لك قز تيكس سبورت هو افضل الموجود
وخل عزبه القهوه الحالها طبعا في شنطه اصغر والله يوفقك

[ابوعقيل81]

تسجيل متابعة .

نستفيد من دروس الأساتذة :good:

[musa.j]

والله يا اخوي بقول لك سالفتي كنت كل مارحت محل رحلات يعجبني شي شريته لين ضيقه علي وصارت لاجيت اكف اغراضي تتعبني صرت كل موسم انقص واحاول اخذ المهم
خل مبدا قليل هناك ولاكثير عناك في بالك
عزبه الطبخ اختصرتها
في قدرين واحد تيفال عادي والثاني كاتم سب ثمانيه لتر وتاوه وقطاعه وثلاث سكين وملاس ومغرفه والبهارات خلها في شنطه لحالها والدافور خذ لك عشره رطل احسن لك واشتر لك قز تيكس سبورت هو افضل الموجود
وخل عزبه القهوه الحالها طبعا في شنطه اصغر والله يوفقك

اسعدتني افادتك..ياطيب والطيب والمعروف عادتك
شاكر لك ..ولك مني تحية

[musa.j]

الشكر لمن تواجد..وشارك..وافادني ونورني بخبرته ..الشكر لكم احبتي كل(ن)باسمه
اتمنى ان افيدكم بخبرتي في مجالي وما ابرع به.مستقبلا
البدايات دائما ماتكون خجولة..
..الندم كل الندم على مافات..من الانطوائيه والعزله او مايسمى البيتوتيه
الان محترف...بفضل توجيهاتكم ..ومتابع للجميع وفقني الله واياكم