اصبر على حظك ولو ماصفالك..

[عقاااب]

السلام عليكم ورحمة الله وبركاتة
قصيده . .
(( اصبر على حظك ولو ماصفالك.. ))

اصبر على حظك ولو ماصفالك..
يمكن مع الايام حظك يصافيك..
بعض العرب لولا حلالك ومالك..
تلقاه بايع خوتك مايدانيك..
وبعض العرب كانك نخيته عنالك..
يفزع معك بالروح والمال يفديك..
واحدن ليا من طحت بيديه شالك..
واحدن ليا من طحت صد متعديك..
وبعض العرب في وسط قلبه بنالك..
بيتن يضمك لا قسى البرد يدفيك..
وبعض العرب تلقاه دايم اقبالك..
ايجاملك بالهرج ماهوب باغيك..
احدن ليا من ضقت يفرح لحالك..
واحدن ليا من ضقت يحزن ويبكيك..
وبعض العرب مافيه يومن طرالك..
وعند العرب بالطيب دايم يطريك..
وبعض العرب تفديه لو بالمهالك..
وليا بغيته يختلف عن مماشيك..
وبعض العرب وقت المصالح لجالك..
وليا قضب حاجته مايتصل فيك..
لا تحسبن الكل يبغى وصالك..
بعض العرب يكرهك والبعض يغليك..
هاذي حقايق من لسانن حكالك..
حقيقة الواقع تخيب هقاويك..
وانا خوي العمر حسبت ظلالك..
إليا ندهت اجاوب الصوت لبيك..
لا تحسبنك يا خويي لحالك..
لا خانتك دنياك ماني مخليك..
اتشوفني شرقك جنوبك شمالك..
والغرب حتى تشوفني فيه ناصيك..
بربط حبال الوصل مع حبالك..
حبل الوصل ياخوك ثبته بيديك..
جعل الولي يكرمك ويطيب فالك..
ويذل منهو ناوي إنه يعاديك..
وختامها يا الله يا خير مالك..
تغفر لعبدن تالي الليل يدعيك..

[ابو البر]

قصيده يا عقاب تحكي واقعنا الحالي للأسف في اغلب الأحوال
اتشوفني شرقك جنوبك شمالك..
والغرب حتى تشوفني فيه ناصيك..


رائعه منه روائعك يا عزيزي عقاب
تقبل ودي وتقديري وأحترامي .

[عقاااب]

قصيده يا عقاب تحكي واقعنا الحالي للأسف في اغلب الأحوال
اتشوفني شرقك جنوبك شمالك..
والغرب حتى تشوفني فيه ناصيك..


رائعه منه روائعك يا عزيزي عقاب
تقبل ودي وتقديري وأحترامي .

هذي الحقيقه اخوي / ابو البر على ربك ويجزاك خير

[علي الثاني]

وعليكم السلام ورحمة الله وبركاته.
صحلسانك وصدقت هذا هو الواقع
ياخوي عقاب..تحياتي.

[هاوي عبث]

اصبر على حظك ولو ماصفالك..
يمكن مع الايام حظك يصافيك..


صدقت عز الله انك قلت مافي نفوسنا
وصح لسانك والله يزين الحظ وانا اخوك ويجملنا بستره

[عقاااب]

وعليكم السلام ورحمة الله وبركاته.
صحلسانك وصدقت هذا هو الواقع
ياخوي عقاب..تحياتي.

صح بدنك اخوي / علي الثاني
وجزاك الله خير

[عقاااب]

صدقت عز الله انك قلت مافي نفوسنا
وصح لسانك والله يزين الحظ وانا اخوك ويجملنا بستره




صح بدنك اخوي / هاوي عبث
وجزاك الله خير