مشكلة غريبة في الهايلوكس الفزعة

[رياض الحربي]

اخواني السلام عليكم ورحمة الله وبركاته
عندي هايلوكس٢٠٠٥ فيه مشكلة غريبة في زيت الدركسون اول ما اعبي العلبة يبدا دخان قوي ابيض من الشكمان بشكل كثيف جدا حتى ينتهى الزيت من العلبة ولايوجد اي اثر للتهريب على المكينة
فزعتكم اخواني

[ريثان القصيم]

اخواني السلام عليكم ورحمة الله وبركاته
عندي هايلوكس2005 فيه مشكلة غريبة في زيت الدركسون اول ما اعبي العلبة يبدا دخان قوي ابيض من الشكمان بشكل كثيف جدا حتى ينتهى الزيت من العلبة ولايوجد اي اثر للتهريب على المكينة
فزعتكم اخواني

اذا مسوي صيانه قريب

فيه احد موصل لي علبة الدركسون بثلاجة المكينه ويطلع دخان ابيض اذا شغلت السياره
والله اعلم
انتظر ردك

اخوك

ريثان القصيم

[رياض الحربي]

السيارة لها سنة معاي اخوي الكريم ولم اعمل لها صيانة الا اني ركبت صحن كلتش جديد فقط قبل 3 اشهر والمشكلة لها شهر الان
جزاك الله خير على ردك

[كلاش2500]

ابوحرب ياولد عمى...زيت الدركسون الله يسلمك يدخل للمكينة عشان كذا يطلع الدخان عندك.....شوف تحت علبة الدركسون في ماصورتين او ليين اواثنين بايب حسب التسمية هذى الله يسلمك في ربلة او صوفة ايضا حسب التسمية المهم ذى الربلة اذا خربت يدخل زيت الدركسون الى المكينة بدل مايروح لعلبةالدركسون....يعنى اقرب ميكانيكى وقله زيت الدركسون يدخل داخل المكينة(داخل المكينة وليس على المكينة) وان الربلة خربانة وانك تبغى تغيرها عشان يعرف انك فاهم....واحتمال يقولك غير علبة الدركسون وهذا ديدنهم نصابين قوله الربلات فقط يغيرها...
اتمنى انى افدتك...
بالتوفيق.....

[رياض الحربي]

الله يبيض وجهك ياولد عمي ماقصرت بكرة باذن الله افكها واتأكد من الربلات

[ريثان القصيم]

عندي هايلوكس2005 فيه مشكلة غريبة في زيت الدركسون اول ما اعبي العلبة يبدا دخان قوي ابيض من الشكمان بشكل كثيف جدا حتى ينتهى الزيت من العلبة ولايوجد اي اثر للتهريب على المكينة
اخوي رياض عند خطائين
الاول وصفك للمشكله خطاء
حيث انك قلت في زيت الدركسون اول ما اعبي العلبه ولم تذكر اي العلب لانه فيه علبه الدركسون وهي ليست موصوله بالمحرك وعلبة الفرامل موصوله بالمحرك عن طريق الباكم وهو اللي منه التهريب للمكينه واذا شغلت المحرك يطلع الدخان الابيض
الثاني استعمالك للزيت الخطاء
حيث انك تستعمل زيت دركسون للفرامل الا اذا هو من الوكاله

اخوك

ريثان القصيم

[رياض الحربي]

اقصد علبة الدركسون اخي ولهذا قلت المشكلة غريبة

[ريثان القصيم]

اقصد علبة الدركسون اخي ولهذا قلت المشكلة غريبة

هل انت من اللي يحط سيارته عند المشحمه او المغسله او غيرها ثم يروح ويرجع لها بعد شوي؟

اخوك
ريثان القصيم

[رياض الحربي]

لا والله اخوي حتى تغيير الزيت اغيره بنفسي

[رياض الحربي]

لم أجد حلاً الى الان أخواني بارك الله فيكم

[رياض الحربي]

الفزعة يا اخوان
وين الخبراء ؟

[التمسساح]

مشكلتك غريبه

[hilux2]

اخواني السلام عليكم ورحمة الله وبركاته
عندي هايلوكس2005 فيه مشكلة غريبة في زيت الدركسون اول ما اعبي العلبة يبدا دخان قوي ابيض من الشكمان بشكل كثيف جدا حتى ينتهى الزيت من العلبة ولايوجد اي اثر للتهريب على المكينة
فزعتكم اخواني

وعليكم السلام ورحمه الله وبركاته
تاكد من توصيلات العلبة اكيد فيها مشكلة
انا اللي اعرفة ان علبة الدركسون والفرملة والكلتش ماتفضي الا اذا كان فيها مشكلة

[بلحارث]

تاكد من الهوز اللي من العلبة العلوية الى السفلية هل فيه تهريب لان ضغطه عالي جدا وخاصة اذا لفيت الدركسون وممكن ان الزيت ينزل على القزوز وبسبب الحرارة العالية يتبخر الزيت من الشكمان وترى فيه غلاف قصديري حول الهوز تاكد انه موجود لانه هو اللي يمنع حرارة القزوز عن هوز الضغط العالي والله اعلم

[ريثان القصيم]

لم أجد حلاً الى الان أخواني بارك الله فيكم

الفزعة يا اخوان
وين الخبراء ؟

السؤال الاول/ ممكن تنزل مقطع فديو كامل للمشكله من البدايه الي النهايه؟
السؤال الثاني/ وين انت ساكن وياليت تحط رقم جوال للتواصل وحل المشكله بحول الله؟

اخوك

ريثان القصيم

[رياض الحربي]

جزاكم الله خير اخوان
تم اكتشاف المشكلة من بلف التبخير الي في علبة الدركسون ( يخرج منه ليين واحد للثلاجة وواحد للهواية )
المشكلة ماينباع لوحدة لازم مع لي الدركسون كامل وسعره ٧٥٠ بعد الخصم