استفسار صغير جدا جدا جدا.. عن هواء الاطارات..

[تركي0500]

السلام عليكم..

اخواني انا معي هايلكس طارة ثقيلة.. وتافخ الكفرات الى 40 عشان تخف الطارة .. لكن المطبات كسرتني.. واذا نقصت
من الهواء اتطاق مع الدكسون عشان ألف "حالة" ..

فودي احط الكفرات الامامية هواها 40 عشان الطارة تكون خفيفة..
والكفرات الخلفية هواها 30 عشان تكون المطبات الخفيفة..

انا سمعت انه خطر يكون هواء الاطارات ختلف عن بعض.. هل حركتي فيها خطر؟؟؟؟؟؟؟؟؟

انتظركم......

[الذيب الابيض]

ماتوقع ياخوي
لان بعض الاسافرو وركبوا عفش
خلو اللي قدام 35 واللي ورا 40
او العكس
هذا والله اعلم

[إبن فيصل]

الاخ/تركي0500 أعتقد أن حركتك ما تضر لكن أعتقد أنك لو تركب كفرات سخيفة (يعني ماهي عريضة)لأنه بإعتقادي أن الكفرات العريضة متعبة في اللفات سواء الهواء خفيف أو قوي...بعدين الكفرات يمكن نتدمر من طريقتك الي هي هواء40 وهواء30 وراء يعني بتخرب بسرعة لأن الحمل عليها بيختلف حتى أخاف أنها ما تكون راسية في الخط لا سمح الله أثناء إستخدام الفرامل لاي طارئ أو في أوقات المطر.

وتقبلوا تحياتي....إبن فيصل،،،،

[hamad_alsaad]

اخي احذر احذر احذر لاتلعب في هواء الاطارات ارجع الى وكيل الاطارات واسأل عن الضغظ المناسب. هذا تحذير لكل اعضاء مكشات

[شبح الصحراء]

جرب كفرات لينة وانفخ على كيفك ، انا سمعت ان الهانكوك لين بعكس التويو بس لازم تتأكد من المعلومة .

[تركي0500]

الذيب الابيض >>إبن فيصل>>hamad_alsaad>>شبح الصحراء

اشكركم على الرد والافادة...

[الكوسه]

والله يابعدي اهم شي راحه ظهرك

انا بالديره احط بالكفرات 25 وبعض الاحيان 20 وبالشتاء طبييييييييييعي جدا تكون 20 كل الكفرات لان الجو بارد
الا بالسفر حط 30
وطبعا الطاره لازم تصير ثقيله لاصارت غماره

[vox9999]

يا اخوان ترى انتبهوا كل شيئ عدلوا فيه الا هواء الاطارات لان الانسان حياته متعلقه بها الاطارات لا سمح الله لو انفجرت ترى احسن طريقه انك تقرا المعلومات التى على الاطار لان فيها قيمة ضغط الهواء للاطار لوزاد الهواء او نقص فهو فى الحالتين خطر انتبهو اخوانى

[قير عادي]

حررررررررررام عليك

تكسر ظهر وتكسر السيارة ،،، لانك حاط 40 قدام

وبعدين ما يصير 40 قدام و 30 ورا ،،، لو العكس يمكن تكون صحيح .

شف يالحبيب شف لك كفرات لينات مثل يوكوهاما والا ميشلان

[salehhd]

السلام عليكم

زي ماقالو الشاب الافضل تخلي الكفرات حسب وصاة الوكاله

وماقلت وش توع الموتر ممكر يترهم له طارة باور من التشليح وتريح نفسك وريتح ظهرك وسيارتك

[شبح الصحراء]

طيب حاول تتأقلم مع الطارة الثقيلة ترى مع الوقت يصير الوضع عادي جداً لأن عضلاتك راح تقوى وتتعود على ثقل الدريكسون .

[فلان بن عفتان]

أخوي الكريم تركي ......

بطريقتك يبي يكون حمل الموتر على الكفرات الخلفيه وتزيد درجه حراره الكفرات بشكل كبير وبالتالي انسلاخ الكفر .لاقدر الله

الحل :

1- غير الطاره إلى طاره هواء وهذا يكلف 1000 ريال أو أكثر على حسب الورشه .
2- إسحب سسته وحده من السست الخلفيه وطول العابات عشان ماتنزل السياره من الخلف
3- ركب مساعدات شاص خلفيه موديل 2000 ..
4- ركب كفرات يوكوهاما .
5- ركب مساعدات جبريل أماميه .