المكينه ما يشتغل والسبب غير معروف ولا مقنع؟؟

[عبدالقادر رضا]

السياره البرادو موديل 1999 سته سلندر
عندي كانت شغاله بس كانت المشكله في الجير ورحت عند المختص في الجير قالي يكلفك4500
وقفت السياره عندي وماشغلته مدة شهرين ودالحين يوم اشغله ما ااشتغل حيبت السطحه الى الورشه عشان يشغله وقال ممكن في الترومبه البنزين وغيرت وما اشتغال كمان ورجع قال لي يبغى لك توظيب في المكينه لان المكينه ما يشتغل الضغط المكينه 20والمفروض تكون 120 ولكن يدق سلف والكهرباء واصل وكل شيء بس ما اعرف ايش اسوي اول مره يحصل هذا المشكله وافودني اللي ماره عليه مثل هذاي المشكله .وشكر

[يالبى الهلا]

كيف شخص العطل من دون تشغيل المكينة وقياس ضغط السلندر له اكثر من طريقه حتى لوالضغط ضعيف تشتغل المكينه شغل بعد اعرف السبب تاكد من العطل باكثر من 5 ميكانيكي حتة لاينصب عليك وييغشونك والسياره سليمه همه شفط الفلوس

[abo yusef]

السياره البرادو موديل 1999 سته سلندر
عندي كانت شغاله بس كانت المشكله في الجير ورحت عند المختص في الجير قالي يكلفك4500
وقفت السياره عندي وماشغلته مدة شهرين ودالحين يوم اشغله ما ااشتغل حيبت السطحه الى الورشه عشان يشغله وقال ممكن في الترومبه البنزين وغيرت وما اشتغال كمان ورجع قال لي يبغى لك توظيب في المكينه لان المكينه ما يشتغل الضغط المكينه 20والمفروض تكون 120 ولكن يدق سلف والكهرباء واصل وكل شيء بس ما اعرف ايش اسوي اول مره يحصل هذا المشكله وافودني اللي ماره عليه مثل هذاي المشكله .وشكر

مشكلتك من البلوف فك غطا الراس وتاكد من الزيت انه واصل للبلوف من فوق وتاكد من البنزين والشراره في البواجي اذا قير عايدي سو له نتش اونتع معك واذا تماتيك فصب زيت فرامل مايعادل 30 مل لكل سلندر مع فتحة البوجي وقس الضغط

[-حرب الشمالي-]

السلام عليكم

اللي قالك توظيب المكينة عشان الضغط هذا نصاب درجة اولى مع مرتبت الشرف
ممكن نقص الضغط ياثر على قوة المكينة وعدد الاحصنة بس تشتغل المكينة

مدام المكينة تحرك ماهي مصلبه بساتمها امرك سهل ان شاء الله

تأكد من اربع اشياء

1-وصول البنزيم وشيك على الفلتر
2-وصول الكهرباء
3-تأكد من البوابة حقة الهواء (هل هي شغاله او لا)اذاكانت السيارة بخاخ
4- سير التايمن
اذا كانت كربريتر تأكد من ميزان مسمار الهواء


بالتوفيق

[ashg90]

السلام عليكم
اخوي اذا نزل ضغط المكينة عن 70 ماراح تشتغل
لكن الغريب ان ضغط المكينة نزل والسيارة قبل شهر كانت تشتغل .
قبل لاتفك غطا البلوف جرب قيس الضغط مرة ثانيه خل المكانيكي يفك البواجي ويقيس
بعدين مثل ماقال اخونا أبو يوسف حط زيت بريك او زيت قير تماتيك (زيت باور )في فتحات البواجي وخل المكانيكي يقيس مره ثانيه اذا زاد ضغط المكينة فمشكلتك من الشنابر ضعيفة واذا مازاد او زاد شي بسيط فمشكلتك من البلوف
طريقة الإصلاح .
بعد التجربة اذا المشكلة من الشنابر حط قاز (كيروسين )في فتحات البواجي وخل السياره من يوم الى يومين يمكن يفك الشنبر ويضبط
واذا مشكلتك من البلوف خل المكانيكي يفك غطا البلوف ويشوف وين المشكله يمكن فية بلوف قافلة ويمكن الجنزير فرط سنه

[ريثان القصيم]

السياره البرادو موديل 1999 سته سلندر

وقفت السياره عندي وماشغلته مدة شهرين ودالحين يوم اشغله ما ااشتغل حيبت السطحه الى الورشه عشان يشغله وقال ممكن في الترومبه البنزين
حسبي الله عليه ان كان من الكاذبين
وغيرت وما اشتغال كمان ورجع قال لي يبغى لك توظيب في المكينه لان المكينه ما يشتغل الضغط المكينه 20والمفروض تكون 120
اللهم ان كان كاذب فانزع منه ما اخذ من المسلمين الغافلين




ولكن يدق سلف والكهرباء واصل وكل شيء بس ما اعرف ايش اسوي
شخص موترك عند ذولا
______________________________________
1-خلك في شارع المكرونه (الثمانين) متجه شمال يقابلك شارع الصناعيه روح من الاشاره يمين تقريبا 300 او 400 متر يجيك محل اسمه الهنيدي
______________________________________
2-سوق المرجان السوريين سابقا اتركه على يمينك واتجه باتجاه الطريق السريع يعني تروح شرق اخر الشارع تجد محطة التسهيلات وفيها صراف الاهلي
فيه باكستاني اسمه شاهد
_______________________________________
3-وأنت بإتجاه الشرق يوجد محل قبل محطة الوقود
الموجودة قبل منعطف الفحص الدوري بحوالي 300 متر
______________________________________
4-في واحد اسمه علي تركي الجنسيه في حي الروابي مقابل دوار القرب اسم المحل الخبرة التركية الكهرابائي ممتاز جداً
______________________________________
5-فىه محل فى حي الجامعه وانت جاي من دوار الجامعه متجه الى الخط السريع (من الغرب الى الشرق) قبل مسجد بن لادن فى محطة الوقود يوجد باكستاني متخصص في كهرباء السيارات
_____________________________________
6-سوق الامير متعب كيلو 7 شف اذا خشيت من عند مسجد بن لادن اللي مقابل الجامعة كانك رايح السوق وخذ الدوار الي ان يجي على يمينك محل قطع غيار تايوتا النهدي هو بجنبه على طول اسم المحل مركز طيبة على الشارع اسم الكهربائي ارقو تركي الجنسيه



وبحول الله ماتفك المكينه وامرك سهل


اخوك

ريثان القصيم

[عبدالقادر رضا]

ان شاءالله اتبع تعليماتكم وابلغكم بالحاصل وشكراً لكم على تفاعلكم جميعا

[عبدالقادر رضا]

السلام عليكم

اللي قالك توظيب المكينة عشان الضغط هذا نصاب درجة اولى مع مرتبت الشرف
ممكن نقص الضغط ياثر على قوة المكينة وعدد الاحصنة بس تشتغل المكينة

مدام المكينة تحرك ماهي مصلبه بساتمها امرك سهل ان شاء الله

تأكد من اربع اشياء

1-وصول البنزيم وشيك على الفلتر
2-وصول الكهرباء
3-تأكد من البوابة حقة الهواء (هل هي شغاله او لا)اذاكانت السيارة بخاخ
4- سير التايمن
اذا كانت كربريتر تأكد من ميزان مسمار الهواء


بالتوفيق

وان كانت مصلبه لا سمح الله

[عبدالقادر رضا]

كانت المشكله من البلوفات وتم تغيره والان السياره في احسن الحال ويعيكم العافيه