مشكله فتك 2002

[سفاري 95]

السلام عليكم ورحمه الله وبركاته

عندي تفتفه بالفتك ياكود يمشي وديتها مكانيكي وقال بواجي يوم فكها لقيها باقي شبه جديده ولاتحتاج تغيير ووديته ورشه ثانيه وسويت له فحص كمبيوتر ولاطلع معاه شي كويلات بواجي كلها سليمه .بنفس الوقت غيرت فلتر بنزين وكمان مو راضي يصلح وامس الليل صار تحطه على وضعيه N وتدوس بنزين يطلع الانبير الى 2 فقط ويتف وطلع كربون غير طبيعي

ي ليت تفيدوني الله يجزاكم الجنه

[شاق النفد]

وعليكم السلام ورحمه الله وبركاته

عندك المشكلة من احدى هالاشياء
حساس الهواء والشكمان يحتاج فك وتنظيف
قربة الفلتر ومواصيرها يمكن فيها شق ولا خفس

والله يعينك ولا تستعجل ان كان مهوب من اللي ذكرت فيبجيك اللي يعطيك العلم ان شاء الله

[ريثان القصيم]

السلام عليكم ورحمه الله وبركاته

عندي تفتفه بالفتك ياكود يمشي وديتها مكانيكي وقال بواجي يوم فكها لقيها باقي شبه جديده ولاتحتاج تغيير ووديته ورشه ثانيه وسويت له فحص كمبيوتر ولاطلع معاه شي كويلات بواجي كلها سليمه .بنفس الوقت غيرت فلتر بنزين وكمان مو راضي يصلح وامس الليل صار تحطه على وضعيه N وتدوس بنزين يطلع الانبير الى 2 فقط ويتف وطلع كربون غير طبيعي

ي ليت تفيدوني الله يجزاكم الجنه

استعمل بنزين 95
نظف الثروتل فم ثلاجة المكينه
نظف حساس الهواء جنب فلتر الهواء
وماتغير شي
افحص كمبيوتر ورد بمشاركه

اخوك

ريثان القصيم

[سفاري 95]

وعليكم السلام ورحمه الله وبركاته

عندك المشكلة من احدى هالاشياء
حساس الهواء والشكمان يحتاج فك وتنظيف
قربة الفلتر ومواصيرها يمكن فيها شق ولا خفس

والله يعينك ولا تستعجل ان كان مهوب من اللي ذكرت فيبجيك اللي يعطيك العلم ان شاء الله

حساس الهواء كاشف عليه المهندس وعلا كلامه يقول مافيه شي
اما حساس الشكمان ماعندي حساس شكمان او بالاصح لااعلم ان كان فيه حساس شكمان او لا لاني لحمت الكنداسه قبل فتره وسالت العامل ويقول الموديل هذا لايوجد به حساس شكمان

قربه الفلتر ومواصيرها مشيك عليها انا بنفسي مالاحظت اي شق او خفس

ولاهنت ي اخوي

[سفاري 95]

اخوي ريثان القصيم

انا استعمل بنزين 95 ولااعرف غيره

وجاري تنظيف الثروتل

اما حساس الهواء مقفل تماما مافيه شريحه او شي تقدر تنظفه

لاهنت يا ذيبان

[بن جلاجل]

اخوي لا تستعجل وابداء بالخفيف فالاصعب لان دايم المشكلة ذي تتكرر في الفتك اول شي شيك على الكتاوتات الي في الطبلون والي في الكبوت وبعدها شيك على حساس الدعسة ولا توديه لاي احد لانه غالي جدا جدا واذا ما نفع معك كل هذا فرغ الدبه الي تحت السواق عاده تكون هي السبب ولو يأست راسلني ع الخاص اعرف لك واحد بيحل مشكلتك بأذن الله

[سفاري 95]

اخوي بن جلاجل لاهنت ي غالي

تم تغيير صفايه بنزين وقبل شويات غيرت بواجي نفس اللي كانت عليه اول وتم تنظيف الثروتل (بوابه الهواء) خفت التفتفه بنسبه قليله لاكن المشكله لازلت موجوده .
الكتاوت الصراحه ما كشفت عليها ابد وان شاء الله اشيك عليها ويصير خير بأذن الله

والله تكدر خاطري من هالعله ابي اعرف ويييييين المشكله فقط .

لاعدمناكم ان شاء الله

[MSAN]

حساس قربة الهواء

[صباح القايله]

هل لمبة التشييك شغاله
جرب افصل أصبع البطارية فتره طويله

[sgl2002]

مشكلتك واضحه ياخوي ماتحتاج خبير


دامه يتفتف على ٢ او فوقها بشوي هذا حساس الهواء او الخرطوش اللي بعده في شق

[أبو الوليد 14]

الوكاد انه حساس الهواء ...مثل ماقالو لك الشباب
جرب حساس موتر ثاني إذا عندك زميل او قريب معه نفس موترك ..

الله يوفقك ان شاء الله

[sgl2002]

ويمكن برمجة للحساس نفسه

[ابوسند9]

وعليكم السلام
شوف الكتاوت اللي باالرفرف امام السائق فيه عدد 3 لونها ازرق اطرقها طرق خفيف بمفك وشغل وجرب
اذا ما تغير شي شيك على فيش حساس القربه ممكن فيه كربون او متوسع الفيش وما يوصل كهرباء
وبرضو فك الحساس ونظفه بهواء خفيف
واذا اعلاه سليم فا عندك المشكله من الدعسه
لكن اذا تحس ان الدعسه ما تقبل ويالله يشيل عمره فما كتاوتات اللي ذكرتها اعلاه او الدعسه تحتاج اصلاح

[سفاري 95]

بيض الله وجيهكم جميع ومن يقرا

المشكله طلعت من (لي ) نحيف يخرج من خرطوش الهواء ويتوصل بحساس صغير فوق المكينه . مخرج الحساس كان مكسور ولحمته وزبط الموتر بنسبه 90% .

باقي مشكله بسيطه بالتفتفه بدايه القومه ومقدور عليها ان شاء الله


الف شكر لكم