ماطور ابو جمل وش الحل

[الشاص 2]

السلام عليكم ورحمه الله وبركاتة: اخواني عندي ماطور ابو جمل يسحب هواء الكفر بدل مايعبيه هواء .. الى عنده حل او مرت عليه نفس المشكلة يفيدني.. ولكم تحياتي

[m1m2m3m4m5m6]

الرداد اللي فوق البستم انكسر ,, يا انك تلقا ماطور ثاني خربان وتاخذ منه القطعه ولا انك تروح الشراع في البطحا

[اصيل نجد]

مالك يالحبيب الا تروح للشراع وتشوف الحل واذا الفاتوره معك احسن واحسن الشراع بالغرابي صراحه اول مره اسمع انه يسحب الهواء بدل مايدخله .اتمني انك تحصل عندهم الحل

[عاشق القصيد]

المشكله وانا اخوك في نفس البستم فيه قطعه معدنيه مثل حقت فتاحت الببسي تسمح بدخول الهواء ولا تسمح بخروجه
المشكله اتوقع انها إن قطمت مع الحراه وعشان كيذا صار مايكبس الهواء بل صار يفرغه

[Abu Msh3aL]

مثل ما قالوا لك الشباب المشكلة يا في البستم او الرداد .. وهالمشكلة دايم ما تصير الا في الشتاء بسبب اننا نشبك لي الهواء في الكفر ونشغل الماطور على طول ويكون بارد ويتفاجى بالظغط ويخرب .. والصحيح انك تشغل الماطور وتخليه دقيقه او نص دقيقه شغال عشان يحتمي بعد كذا تشبكه في الكفر وما عليه ان شاء الله .. وبالنسبة للتصليح مدري والله عندي صارت نفس المشكلة ونطلته في المستودع اذا لقيت حل يا ليت تفيدنا او احد الاخوان اللي سبق صارت له نفس المشكلة

[yes999]

صارت معي المشكله .. وكنت اتوقع انه تهريب في الليات .. لاني اسمع صوت الماطور شغال قلت مافيه شي

[الشاص 2]

مشكورين على مروركم الجميل