المساعد الشخصي الرقمي

مشاهدة النسخة كاملة : من يدلني على سوق الرياض واكون له من الشاكرين


خيال الصبحا
02/11/2006, 09:49 AM
السلام عليكم

ورحمة الله وبركاته



كيف حالكم عساكم بخير.يالربع

جاي ببالي اني اروح لسوق الرياض اليوم(الخميس)

ولا أدله(أنا من الخرج)فالي يدل السوق لايبخل علي بوصفه واكون

له من الشاكرين.وهل يمدي أني أروح اليوم(أقصد هل فيه سوق بعد العصر او

بالليل).الله لا يهينكم(والي يدل الوصف سواءً من الداير الشرقي أو المصفة يدلني.مع العلم

اني افضل الوصف يكون مع الدايري ) وشكراً
مدالنظر
02/11/2006, 10:07 AM
هلابك أخوي
وابشر
بس............أي سوق!!!

الأسواااااق واجد وانا أخوك....حدّد
Abu Saad
02/11/2006, 10:12 AM
كانك تقصد سوق الطيور :
امسك الدايري الجنوبي الين يجيك طريق الملك فهد واطلع معه شمال ثم اطلع مع مخرج طارق بن زياد (شرق) اول اشارة لف يسار تلقاهم على يمينك في ظلال مواقف السيارات .
سلام عليكم
خيال الصبحا
02/11/2006, 10:56 AM
السلام عليكم
هلا بالشباب

أخوي مدالنظر
ههههههههههههه
يمكن أقصد سوق الزل
هههههههههههههههههههه
أعتقد المقصد واضح ولكن زيادة
بالتوضيح اقو لك سوق الطيور الله يجزاك خير.

أخوي ددسن79
(((امسك الدايري الجنوبي )))
هذي لحالها يبي لها شرح لمدة اسبوع هههه
انا ما ادل بالرياض الا كليتي وارجع.فياليت اذا ماعليك
امر توضح شوي(يعني بعد مااتعدى التفتيش اسيد والا ادخل مع
مخرج 12)

شكراً لمدالنظر وددسن79
على ردودهم ولامانع من الزيادة من باقي
الاخوان.وتى الداير الشرقي اشوى شوي وشكرا
مدالنظر
02/11/2006, 11:48 AM
السلام عليكم

هلا بالشباب

أخوي مدالنظر
ههههههههههههه
يمكن أقصد سوق الزل
هههههههههههههههههههه
أعتقد المقصد واضح ولكن زيادة
بالتوضيح اقو لك سوق الطيور الله يجزاك خير.


هههههههههههههههههههههههههههههههههههههههه

يمكن سوق الزلّ :confused:
وش فيه الزلّ

ماملى عينك





































:p

أمزززززززززززززززززززززززززززززززح

وانا دخلت لموضوعك من الشريط اللي فوق

ما أنتبهت بأي خيمه ....طال عمرك...

آآآآآآآآآآآآآآآآآآآآآآآآآآآآآسف ولا يصير خاطرك الا طيب

شف ياطويل العمر

وانت جاي من الخرج
من عند الدائري الشرقي

تبي تعدى القاعده (يمين)
والصناعيه (يسار)

تمشي اليييييييييييييين يجيك مخرج 18
خذ يسار (يصير وجهك غرب)

هذا هو الدائري الجنوبي
تمشي سيييييييييييييييييييييييييييييييييييده
يجي مخرج كبيييييير مكتوب يمين<-- (طريق الملك فهد شمال)

أمسكه لين يجيك مخرج (طارق بن زياد) <-- يمين
يصير وجهك (شرق)
أول أشاره لف معها يسار يجونك يمين


وصووووووووووووووووووووووووووول

*&حقوق الطبع محفوظه لأخونا ((ددسن79))
نسخه منقحه ومزيده.
طارق الحربي
02/11/2006, 12:32 PM
ماقصروا الاخوان بس عساك جيت وشريت ؟
imksa
02/11/2006, 12:44 PM
بالله عليك اذا رحت قل لنا وش صار عليه بعد الحريق ؟
خيال الصبحا
03/11/2006, 02:44 PM
السلام عليكم

الاخ مدالنظر
أشكر لك الوصف
الرائع.جزاك الله خير

الاخ طارق الحربي
الاخ imksa
مارحت والله للسوق
امنعتني الظروف


وشكرا
طارق الحربي
03/11/2006, 04:41 PM
اخوي imksa

السوق اللي احترق سوق الحمام في الحاير ومافيه الا محل واحد للصقور

وبعد الحريق ماجاه شي لان الحريق صار بالساحه
imksa
03/11/2006, 09:37 PM
وينه فيه ذا السوق ؟؟؟ وش اقرب مركز او شي مشهور او دائره حكوميه

هذا موقع الرياض صور الموقع وهاته هنا

http://www.arriyadhmap.com/default.asp


انا قريت الدائري الجنوبي ووقفت :)

فمان الله
طارق الحربي
04/11/2006, 09:06 PM
تعرف المحكمه الكبرى ؟؟

منتزه سلام ؟؟

شارع طارق بن زياد المتفرع من الملك فهد ؟؟

سوق المعيقليه؟؟

شارع البطحاء ؟؟

حول هذيك المنطقه

تطلع من شارع طارق بن زياد كأنك تبي منطقه الديره والمحكمه الكبرى واول اشاره تشوف السوق على يسارك
imksa
05/11/2006, 06:07 AM
شكرا اخوي طارق

هذا مكانه من زمان توقعت انه انتقل مع سوق الحمام بحكم النه قريب منه .


فادك الله

فمان الله
طارق الحربي
05/11/2006, 10:49 AM
العفو

وترا سوق الحمام فيه محل واحد وهو احد فروع المحلات اللي بالديره

بس المحل اللي بسوق الحمام مهو قد كذا :)