استفسار للي جرب ماصورة استيفنز 32 (ام سيلان) علي البيكال

[ابوسرى]

بسم الله الرحمن الرحيم

عندي بيكال 28 وجربت تشوك 690 والرمي الواقع الحمد لله زين

لكن الطيار ما تبرد كبدك

سمعت بماصورة ام سيلان و ماصورة بلجيك وهي ناجحه مع اهل السوابر

قلت ابجرب ماصورة ام سيلان 32 علي البيكال

وش رايكم

وكيف اعرف ان ماصورة ام سيلان ماهي وسيعه ولا فيها عذروب

[ابوسرى]

يعني ارهم علي البيكال ماصورة ام سيلان

[هاوي قناصه]

والله نفس السالفه انا عندي ماصوره ام سيلان
ومتردد ارهمها ولا لا لاني خابر ام سيلان تهفي فالرمي يعني لازم تحطها فوق الطير
وانا اكره هالنوع من المواصير لانها في الطيار ماش تغطي الطير
لاكن اذا تتعدل عن النزةل في الرمي عند مهندسين الترهيم ابي اتوكل علي الله وارهمها

[أبوصالح9]

مساك الله بالخير يابو سرى

اذا تبي شوري لا ترهم ولا شي ترا الترهيم موضة ماله سنع ابد

وش نوع الوصلة 690 اللي عندك اصلية ولا ترهيم ؟؟؟

الشي الثاني وش نوع الفشق اللي ترمي به ترا مهب كل نوع ترمي به بالواقع يصير مثل الطيار لان الهدف الثابت يختلف رميه وثباته عن الهدف المتحرك

اذكر نوع الفشق اللي تستخدمه عشان نقدر نفيدك

اكرر الترهيم ماله سنع
ولمعلوميتك بارودي مثل بارودك لكن اللي عندي 30 ومركب وصلة 680 والحمدلله ارمي طيار اكثر من الواقع

[محمد ابن عيد]

..
حيـاك الله ي الغالي
نصيحه لآترهم البيكال
خذلك تشوك مثل مقال اخوي / صالح
عندك تشوك 690 طيب ب الحيل و ان شاءالله يطيب خاطرك
لكن خذلك الاصلي الامريكي شركه ( ترولوك )
و ابشر ب السـعد

[شاهين الشراري]

الترهيم يصلح على بدون غاز لكن الروسي والبريتا ماترهم عليهن لانهن غاز ماراح تستفيد شي لان الماسوره راح تخرق ويبرد رميها لكن اللي جرب ع ستوقر او ارثميس ياليت يفيدنا

[ابوسرى]

ياجماعه انتم رايكم اصبر علي الشوزن والعب بالفشق

انا مركب 690 ترو لك

انا فكرت في هالموضوع كثير

ومتررد وافكر اترك البيكال و واتوجه للبراوننج الماكسوس او الa5

بسبب الطيار جنني ا

انا استعمل اولمبي 32 7ونص

وكاكا 36 6

وكثير من الانواع لكن مهنا ذاك الزود

والواقع ماشاء الله سوق وفرش وتنظيم تمام

الكلام هذا طبعا على البيكال

[ابوسرى]

وش رايكم

انا جربت طرق للطيار اسبق بكذا وزن مثلا طير طاير يبعد 30 متر احط قدامه ب2 اصبع الي 3 اصابع

انصحوني يا شباب

هل فيه حل ولا اشتري ماكسوس او اوتو فايف براوننق

[المتلولس]

شق وانا خوك البندق اللي رميها بالثابت او الواقع زين تعبر مظبوطة بس انت مامسكت هواها حاول ماتقدم كثير ورفعها شوي عن الطير بالطيار ون شاء الله تضبط بدون ماترهم