بعد اصلاح كربيتر وتغيرر وايرات وبواجي وفلتر اسبوع وعادت تقطيع

[كوكويه]

بسم الله الرحمن الرحيم

سبحان الله وبحمده
سبحان ربي العظيم
_____________

يعطيكم العافية
الموضوع متكرر
لكن ان شاء الله نشوف منكم العون ومساعده

معي باترول 94 خليجي كربيرتر
مسوية له تصفية من اصلاح + وايرات وفلتر بانزين وبواجي
لكن اسبوع دخلت البر
ورجع حالته

تقطيع + تفتفه خفيفه

ومع وقوف السيارة ترج السيارة خفيف

ارجو منكم الأفادة
وجزيتم خيرا




شاكرين لكم

[بن الزايد]

يبغالك مخرطة تخرط عمود تيمن مع سنفرت البلوف

[Jeep 2005]

ليتك كملت التصفيه وغيرت معها طرمبه البنزين

وتاكد من البواجي هل هي اصليه ؟
والاسلاك اصليه ؟

تأكد مايكون عندك تهريب بنزين من الكربريتر


وعلمنا وش يصير معك

[كوكويه]

البواجي اصلية الأسلاك درجة اولى

بالنسبة للتهريب ماظن فيه
فقط رائحة كربون وبانزين على خفيف

بس شكمان عند تشغيل وكانه يطلع زيت اسود


يعطيكم العافية
وان شاء الله نفيدكم

[Jeep 2005]

البواجي اصلية الأسلاك درجة اولى

بالنسبة للتهريب ماظن فيه
فقط رائحة كربون وبانزين على خفيف

بس شكمان عند تشغيل وكانه يطلع زيت اسود


يعطيكم العافية
وان شاء الله نفيدكم


زيت اسود ولا دخان اسود ؟!

شلون زيت ماتجي يابعدي

مقصدك والله العالم دخان اسود .. فيه مشكله بعمليه الاحتراق ماتتم بالشكل المطلوب
فيه بنزين زايد .. وماهو موزن بقدر الهواء



تاكد من وزن الكربريتر (الابر الي فيه)


وعطنا جديدك

[الحربي 591]

ماهو زيت اسود
مويه عاديه تصير سودا من الكربون اللي في الشكمان

[الشاص 2]

اغلب التفتفه تصير من طرمبة البنزين غيرها

[كوكويه]

مرحبا ياخوان شيكت على وزنية كبريتر

وديلكو

طلع عندي بواجي رقم 1 صاير اسود وبلف مايتحرك
نظفناه ورجع اشتغل لكن بعد 5 دقايق رجعت مشكلة
قالي مكيانيكي عندك بلوف

أرجو الأفادة ياخوان

يعطيكم العافية

[الحربي 591]

نفس اللي صارلي
بس بعرف وش هو الحل

[الحربي 591]

طلع بوجي واحد مكربن رايح اسود
وبلف لو سلندر ما يتحرك يعني سيارتي شغال فيها 7 سلندر وهي 8!!!
ابي حلها تكفا اذا سويت سيارتك علمنا

[nayf01]

باقي تغيير طرمبة البنزين وفلتر البنزين
وزن الكربريتر او غيره مع وزن البلوف عند مختص

[الحربي 591]

الطرمبه ما فيها شي شغاله عندي يالذيب
الطرمبه اذا خربت السياره ما يوصلها بنزين تطفي عليك

[SGL]

ماهو من الطرمبه ولا من البلوف لو كان من البلف تشوف المكينة تنتفض ولاتروح منها النفضه حتى لو تركب بواجي جديدة المشكلة عندك من الكربريتر وقد صارت معنا سابقآ الكربريتر يضخ بنزين زيادة ويكربن بوجي رقم واحد أو أثنين وبعدها الموتر ينتفض ويقطع والحل تفك الكربريتر وتضبط الأبر من جديد وهذي علت كربريتر الباترول علشان كذا أغلب المهندسين مايشتغلون فيه ﻻكن في حركة أبيك تسويها وتجرب ممكن تضبط معك أبيك تفصل جميع ليات الهوا الي تركب في الكربريتر وأنتبه تلخبط في أماكنها يوم تركبها المهم بعد ماتفكها كلها والموتر طافي وتكون عند بنشري وتاخذ منه مسدس الهوا وتنفخ في كل مدخل الليات في الكربريتر في كل مدخل نفختين محترمة وسريعه وبعدها رد الليات مكانها وسمي بالله وشغل وإن شاء يضبط

[كوكويه]

من مستجدات رجعنا للبواجي رقم 1 طلع من جديد مكربن طبعا نظفناه وغيرنا واير رقم واحد ورجع اشتغل وان شاء الله يدوم لكن مثل كلام اخونا sgl راح اطبقه ان شاء الله لان لاحضنا كبريتر يصرف زيادة ومكربن يعطيكم العافية على التفاعل

[حمزةعبدالمطلب]

يالغالي تاكد من سلك الكهرباء حق الكلبريتر ومن قاعدة الكلربريتر يعني الجلدة اللي تحت قاعدة الكربريتر
لانه يسحب هواء ويكربن بالبلوف
اذا زاد سواها معك افصل السلك حق رقم واحد وخله قريب من البوجي شوي ثم ركبه وجرب السيارة اذا زبط معناته
شغلته افتح البلف
او ريح راسك وغير ابر الكلبريتر
ابر العوامة الثلاث حط ١٨٠ و١٢٠
وابره الكربون حقت ددسن موديل ٨٣
ملاحظة تاكد لا يكون عكسوا الابر حطوا مكان الابرة الكبيرة الابرة الصغيرة
تاكد بالحالة هذا اذا طلعت مكان مرتفع مره وانسند الموتر يطفي
تقبلني واذا مافهمتني عطني خبر
شكرا

[الحربي 591]

من مستجدات رجعنا للبواجي رقم 1 طلع من جديد مكربن طبعا نظفناه وغيرنا واير رقم واحد ورجع اشتغل وان شاء الله يدوم لكن مثل كلام اخونا sgl راح اطبقه ان شاء الله لان لاحضنا كبريتر يصرف زيادة ومكربن يعطيكم العافية على التفاعل



انت الحين راحت التفتفه عندك؟

[صياد الاحساء]

انا عندي نفس المشكله تصفيه كربريتر120+ اصلاح كربريتر40=160 يشتقل الموتر زي الساعه بس اطلع بر واشحط عليه ترجع التفه انا احترت ايش الحل اخواني

[حمزةعبدالمطلب]

مشكلة الباترول وييييييييييبن اللي يشتغله صح
شف السلك الموبينه اللي في غطاء المحرك نظفه من الزيوت وشد مسماره زين
اذا عرفت ولا قل للميكانيكي الكلام هذا وبيعرف على طول

[حمد1ن]

قبل كل حاجه شف الكويل تراه عله باطنيه ..(العظم الابيض )ع قولتهم موتري كان يطقع تشوف راسي يلعب معه واذا مانظفت الكبريتر نظفه هو كل شي في الموتر وسلامتك

سرنا زباين للورش والسبه النيسان القديم ^_*