## فزعه يأهــل الدرابيل عن الجلوري ##

[ابو مقعد511]

السلام عليكم ورحمة الله وبركاته ،،،

يا حي الله الجميع كلن بأسمه ،،،

،،،،،،،

يأخوان ابحث لي عن دربيل طيب و زين ونفس الوقت رخيص ،،،،

وفيه ناس اشارو على بالسايز والسوارفسكي وصرفت النظر عنها عشان سعرها الخيالي ،،،

وفيه ناس اشارو علي دربيل جلوري 6 * 30 انه رخيص ب1200 ريال وشوفه طيب بالحييل ،،


س/ وش رايكم بالجلوري ،،،؟

س/ وشلونه على العين حار او بارد وهل هو صافي شوفه والا لا ،،،؟




طبعا هذا هو الجلوري

http://www.mekshat.com/pix/upload06/images/2014/01/mk132789_image.jpg

[اتحشى الهم]

جلوريا القديم دربلت فيه صافي مشالله بس مقاسه صغير وفيه دربيل جلوري عربي قيمته 590 علا ماظن بس الناس تقول الانجليزي اصلي
اما عن نفسي شريت دربيل نيكن المكور مقاس 10×42 مشالله حلو شريته من صاب 503 ريال بعد الخصم قيمته حلوه وشوفه زين وقيمته مناسبه
شريته من صاب بسوق الزل برياض لاني ماحصلته بحايل ارجو اني افدتك

[ABO AZZAM 123]

والله الدربيل جيد وانا كنت استخدمه على طووول لكن واحد من الربع خذاه وانكسر عليه فجيت ابي اخذ مثله مالقيت فشريت لي ليبولد الأمريكي ممتاز وبالنسبة للجلوري فهو ممتاز بس يعيبه أنه ثقييل وعدسته مافيها شي يغطي العيون وغير كذا ماشاء الله


الله ييسر لك امرك وانا اخوك ...

[البري 43]

انا كان عندي دربيل جلوري الانجليزي اشوفة نفس الصقر او دربيل عبد الواحد كلها نفس بعضها
انصح بدربيل الصقر30×6

[البري 43]

حياك اخوي كان عندي دربيل جلوري الانجليزي 50×10 ليس فية فرق بينة وبين دربيل الصقر الو عبد الواحد قيمتهن 600ريال
انصحك بصقر 30×6

[فارس المصارير]

نصيحة مجرب وراعي جبل
لاتتعدى الصقر 6*30
قيمتة 600 ريال وهونفس الجلوري مايختلف الا الاسم

[اتحشى الهم]

دربيل الصقر و عبدالواحد والجلوري اظاهر كل شوفهن واحد
بس فيه عبدالواحد 8*30 اظاهر انه زين ويفيدونك اهل الخبره

[درب ساجي]

انا نظري ضعيف هل اخش جلوريا او الصقر

[abofaisal333]

لوبولد افضل منه واخف وابرد قريب منه بالسعر
نصيحه الدربيل كل شخص له شي يناسبه
جرب اولا ثم قرر

[خالد 2889]

ليبولد من وكيله وين احصله بلقصيم وكم سعره

[أبو محمد 201]

نفس سوال الاخ صاحب الموضوع

لكن استخدامي له ابيه للمتابعة الطيور
والمتابعة الوبران

وش افضل نوع يكون بارد على العين اهم حاجه وصفاوته وتقريبه يكون طيب
ونفس الوقت السعر يكون مناسب

اوش نصيحتكم فيه

انا عندي كوري 7*40
لكن حر شوي على العين
وماهو الي بالخاطر
ابي شي اشوفه الطير فيه بالكيلوات

[ذاكرة الغيم]

نصيحة خذ زايس تيرا 8*42 بحدود 1800 ريال
وكيله الرماية
دربيل ممتاز وسعره معقول ويكفي انه من زايس
يعني اكيد مهتمين بالنواحي الطبية وسلامة العين
وان بغيت اشوف لك واحد مستخدم ونظيف ابشر ،،،

[قناصص الششمال]

وعليكم السلام ورحمة الله وبركاته
انا استخدامة انواع كثيره من الدرابيل هي التاج والجلوري والصقر وانواع امريكيه ماعرف بضبط نوعها..
ولكن انا عندي جلوري نفس الي بصوره بالضبط كويس وبارد على العين وانا دايم ادربل فيه بارد كثير على العين لانه مضغوط بالنتروجين وقوي وسعره مناسب مافيه احسن منه الا السايز
والجلوري الانجليزي هذا شريه من محل بالجوف 1350ريال
زين الدربيل ولا فيه كلام ابد وانا استخدامه لقنص الطيور
يعني من خلال تجربتي له زين و فيه السايز احسن منه بس سعره غالي اشوي ولا انا انصحك بالسايز الالماني..
والسعر المناسب جلوري انجليزي احسن من التاج والدرابيل الثانيه وشكرا]

[قناصص الششمال]

بعكس انا جربة الصقر حار على العين الا اذا كان فيه انواع من درابيل الصقر لا اعرفه...
ولكن الجلوري الانجليزي بارد وشوفه صافي

[قناصص الششمال]

نداء نداء .... ههههههه يا ابو محمد اذا تبي تشوف الطير على مسافات كيلوات عليك
بالسسسسايز الالماني وريح راسك بس اهم شي براد ع العيون وضد الاهتزاز
واهل السايز يعلمونك بالنوع الزين الاخوان مايقصرون معك