لوسمحتو يهل الخبره

[عساف @]

يجماعه
جاني جراوه سلق انثى وذكر اعمارهن ثلاث شهور
اللانثى ام ريشه والذكر املس مع العلم ان الم والاب ملس
الحين عجزت عن الذكر مايطيع ولا يجي اذا انطلق والانثى
من تصفر اوتندها تجي وشالحل يجماعه لهنتو

[طلو]

الحل ياطويل العمر والسلامه وكله من يدك وكل ما جيته حكك اذانه وحط يدك علا راسه

[ابو السلق]

الحل ياعساق عطنياها وريح بالك

[بعيد المساري]

السلام عليكم ورحمة الله وبركاته
أخي العزيز
عـــســاف

الحل مثل ماقال لك
الأخ طــــلـــــو

وأحب أزيدعلى كلام أخي أبونايف
يجب أن تدعوها بأسم واحد مهوب كل يوم مسميها أسم كذا تخرب طبوعها ولاعاد تسمع كلامك

[راعي منوه]

اخوي عساف
هل الذيخ شرود(يخاف) ولا مزاجي يمشي على كيفه؟
اذا كان شرود الله يعينك تسنتر عنده يومياً لين يتعود عليك
وعوده على الرباط وخله يمشي جنبك وشوي شوي ويسلك
اما اذا كان مزاجي يبيلك تشد عليه ولا تدلعه
والله اعلم

[عساف @]

الله ليهينكم جميع
وشكرن علا الافادة

[القـــناص]

الله يعينك عليه

سو مثل ماقال اخوي طلو...

[تميم نجد 506]

السلام عليكم رحمة الله وبركاته

انت قلت انهم جراوه امهات ثلاث شهور والكلاب ماتستوعب التدريب والتهذيب الا بعد ما يجذعون اشوي يعني فوق الست شهور تبدي تستوعب وتاخذ أطباعه .

نصيحتي لك ان تنطر عليهم شوي لامن يكبرون وتكتفي انك تعودهم عليك شوي شوي .
وفي شي ثاني أطلقهم وخلهم يكتشفون المكان الي حولهم وكتفي بوضع الطوق على اعناقهم دون مربط طبعا مع الرقابه لجل لا يعسون بعيد.

ودايم انت الي تطلعهم و توكلهم دون غيرك لجل يتعودون عليك و نادهم بأسم ثابت مثل ما قالوا الاخوان قبل تحطلهم الاكل وقبل تلطلعه.

والله يبشرك بصيدهم الوافر.

[عبدالله يوسف]

السلام عليكم
شوووف ياخوي جوع كلبك يتبعك
مو تجرم فيهم
خله يحس انك راعيه عرفت
وذا هو مزاجي اجلده شوووي
وبذن الله اسبوعون وهو ضابط