@@تحذيرمسامير وأسياخ مغروسة حول فياض الحجرة@@

[شرابث]

السلام عليكم
أخواني الكشاته والمتوجهين لفياض الحجرة .. أحذر من وجود مسامير وأسياخ مغروسة حول الفياض

يقال أنها وضعت عنوه من بعض أصحاب الحلال المتواجدين في المنطقة

لذا جرى التنبيه لأخذ الحيطة والحذر

[tmdmgm]

ولله الحمد لي اكثر من شهرين وانا امرها والان 5 ايام راحت امرها بعد ما واجهني الا كل خير ولا شفت شي

[شرابث]

كشاته صادفوا نفس المشكلة


http://www.mekshat.com/vb/showthread.php?t=617136

[نديم المجره]

الله يعطيك العافيه
ويجزاك الجنه

[درجلان الشمال]

نفس المشكله واجهتنا كفرين الله يهدي من وضعها واحد مسمار صلب والثاني قطعه حديده حاده مغروسه ادعوا لهم بالهدايه

[حمد 2003]

الله يهديهم بس .. وشكرا على التنبية .. والحمدلله على السلامة

[الرّحالان]

الله يعطيك العافيه
ويجزاك الجنه

[ابوهيثم2008]

اذا محطوطه عنوه الله لا يوفقهم الله يجعل ايدينه للشلل
ومشكورررررررررر

[شقران نجد]

تصرفات غريبه ومستهجنه من الكافر فما بالك بمسلم ....والله المستعان ...

[جني صغير]

يا شيخ حتى الكافر ما فكر يسوي زي حركات الهمج مره وحده تفقيع كفرات
وين معه نتطور والهمج ذولي موجودين


ودك تأخذ السيخ وتغرسه في ظهره عشان يعرف يغرس السيخ مره ثانيه

[seaking]

لا حول ولا قوة الا بالله
شكرا يالطيب على التنبيه
طيب وش سويت على السياخه دقيتهم بمطرقه
ولا غطيتهم بحجر او وضعت علامه ولا تركتهم زي ما هم .
وشكرا

[الذئب الاليف]

لاحول ولا قوة الا بالله

الله يهديهم
علما اني ما اعتقد فيه مسلم يسوي كذا
لنحسن الظن يمكن احدى الشركات رسم طريق او وضع مراسيم.

جزاك الله خير على التنبيه

[صياد الخبر]

السلام عليكم


الشركات ملزمة بشروط وقوانين


الاصياخ 8 ملم مثل حقة البناء ولونها يا احمر او ازرق


ارتفاعها لا يقل عن 60 سم وضاهرة للعيان ( ستيك مساحة )


وكل الشركات ملزمة حتا الغير تابعة الى ارامكو حتا شركات المقاولة مع الهيئة السعودية للمساحة الجيلوجية


تتبع نفس نظم ارامكو ...


ما تم وضعه وضع عنوه وبقصد


اخواني .. ليسة فلسفة عليكم لا والله


ولكن


الدولة والهيئات وارامكو


لا يقربون الفياض ولا المتنزهات ..


حتا في اصعب الظروف احياننا لوجود النقطة في مزرعة خاصة او شبك معين


يتم الاتصال بالجهات المختصة او المعنية لمخاطبة المالك او الاستأذان من اهل الاراضي الزراعية


وبكل امانة نجد التعاون بل مد يد العون



اتمنى من الله ان يهدي من فعل هذة الافعال وان يضع الله نصب عينه


فالانانية لن تزيد شاته او بعيره سمن او شبع ناهيك عن دعاوي المتنزهين والذين اغلبهم مسافرون


ودعوة المسافر مستجابة


نصيحة



لكل من وجد من هذة الشيء او لكل من يتمشى ويجد ان يحملها او يزيلها عن اذى الطريق والماره



من دعا عليهم بشيء ما تذكر ( النبي محمد صل الله عليه وسلم وحادثة الطائف وملك الجبال ودماء قدميه الشريفتين ) فقد دعاء ان يخرج الله من اصلابهم من يذكر الله .. الحديث


ادعوا لهم بالهداية والصلاح


لتكسبوا ثوابين ( اجر الدعاء لهم ) ( واجر استجابه الدعاء )


بارك الله فيكم

[شرابث]

السلام عليكم


الشركات ملزمة بشروط وقوانين


الاصياخ 8 ملم مثل حقة البناء ولونها يا احمر او ازرق


ارتفاعها لا يقل عن 60 سم وضاهرة للعيان ( ستيك مساحة )


وكل الشركات ملزمة حتا الغير تابعة الى ارامكو حتا شركات المقاولة مع الهيئة السعودية للمساحة الجيلوجية


تتبع نفس نظم ارامكو ...


ما تم وضعه وضع عنوه وبقصد


اخواني .. ليسة فلسفة عليكم لا والله


ولكن


الدولة والهيئات وارامكو


لا يقربون الفياض ولا المتنزهات ..


حتا في اصعب الظروف احياننا لوجود النقطة في مزرعة خاصة او شبك معين


يتم الاتصال بالجهات المختصة او المعنية لمخاطبة المالك او الاستأذان من اهل الاراضي الزراعية


وبكل امانة نجد التعاون بل مد يد العون



اتمنى من الله ان يهدي من فعل هذة الافعال وان يضع الله نصب عينه


فالانانية لن تزيد شاته او بعيره سمن او شبع ناهيك عن دعاوي المتنزهين والذين اغلبهم مسافرون


ودعوة المسافر مستجابة


نصيحة



لكل من وجد من هذة الشيء او لكل من يتمشى ويجد ان يحملها او يزيلها عن اذى الطريق والماره



من دعا عليهم بشيء ما تذكر ( النبي محمد صل الله عليه وسلم وحادثة الطائف وملك الجبال ودماء قدميه الشريفتين ) فقد دعاء ان يخرج الله من اصلابهم من يذكر الله .. الحديث


ادعوا لهم بالهداية والصلاح


لتكسبوا ثوابين ( اجر الدعاء لهم ) ( واجر استجابه الدعاء )


بارك الله فيكم

الله يثيبك .. كلام موزون ولا غبار عليه

[المنطلدز]

الله لايوفقهم البدو الهمج حقين الحلال اللي بالحجره

تهاوشنا قبل اسبوع مع بدوي هناك دخلنا الفيضه ويوم جينا نقعد جا لمنا قال تبون اقولكم صباح الخير ولا صباح الشر ومير تقبس بيننا الله لايوفقه لا بدنيا ولا باخر والله يجعل حلاله للمرض اللي يبيدهن يارب .
ودعوه المضلوم مستجابه

[GMC 111]

الله لايوفقهم البدو الهمج حقين الحلال اللي بالحجره

تهاوشنا قبل اسبوع مع بدوي هناك دخلنا الفيضه ويوم جينا نقعد جا لمنا قال تبون اقولكم صباح الخير ولا صباح الشر ومير تقبس بيننا الله لايوفقه لا بدنيا ولا باخر والله يجعل حلاله للمرض اللي يبيدهن يارب .
ودعوه المضلوم مستجابه


ماله داعي التحديد سواء بدوي ولاحضري كل وحد فيه خير وفيه شر

والله يهدي الجميع

[أبو شوق]

الله لايوفقهم البدو الهمج حقين الحلال اللي بالحجره

تهاوشنا قبل اسبوع مع بدوي هناك دخلنا الفيضه ويوم جينا نقعد جا لمنا قال تبون اقولكم صباح الخير ولا صباح الشر ومير تقبس بيننا الله لايوفقه لا بدنيا ولا باخر والله يجعل حلاله للمرض اللي يبيدهن يارب .
ودعوه المضلوم مستجابه

الله يشفيك .. انت مريض

[باسم40]

السلام عليكم ورحمة الله وبركاته
لو قلنا ان اصحاب الحلال الي حاطينهم
ما الومهم اذا شفت تصرفات بعض الكشاته الله يهديهم مخلفات وتفحيط وسط الفياض وتجفيل لحلالهم كنت في الخشيبي قبل اسبوع والله ما قدرت انام من صوت الطرب والتفتفه بالسيارات يالله نمت الساعه 12 وكلش شغال وتلومون اهل الحلال حتى لو كان تصرفهم خطأ والبر للجميع راعي حلال وكشات
ويفترض انهم يتعاونون على عموم المصلحه والفايده

[تساهيل1]

هذا شي مؤسف ولا احد يبيه لمسلم

لاكن بكل صراحه

ماينلامون والله جايينهم في عقر دارهم ومراعيهم
وتتشكون لو احد يقدم على وضيفه في ديرتكم قطعتو ملفه

او.رميتوه.تحت المكتب وقلتو وش جاي يدور


الحلال مشكلته مشكله يمرونه هالجهله مسرعين
ثم يثور من الراعه وين يروح يدوره.راعيه هذا غير اللي يعلق البواري
تمسي البهيمه مارعت ولا فلت فالربيع

تنويه للكشاته الزم الادب واحترم اماكن المراعي واهل الحلال

وراح.تلقى من يكرمك ويفزع لك اذا غرزت او صار لك حاجه
ع

[ابو صالح 871]

الشكوى ال الله ورداة العقل مصيبه

[سقم المعادي 1]

الخطأ من الطرفين للامانه من الكشاته اللي دقو الربيع بالسيارات و خربو الفياض بالخمام و الوصخ و التفحيط على الفياض
الاسبوع اللي راح امام عيني بروضه الخفس الشماليه راعي هايلكس غماره يفحط و يغبر على العالم و يحرث الارض و يتودس الربيع توودس بموتره

وانا جلستي كلها كم ساعه تضايقت منه فما بالك باللي عايش بالبر عند حلاله !؟

انا ضد هالحركه يمكن يطيح بالطنب واحد ماله ذنب و تنفقع كفراته و يبتلش

و فيه امور افضل يا ينصحهم وهي افضل ولا تهاوش معهم و اكرشهم اللي مايستحي ماله احترام

و فيه بعض اهل الحلال الله يهديهم مثل واحد في فيضه الروثيه بالصمان اخذ لنا غطه عقب صلاه الفجر و قمنا على الساعه سبع لقينا البل ماكله الخبز و المقاضي حقت الفطور كانت بصندوق الشاص و الراعي منسدح و طاق حوله ماكنه يشوف شيء !!

الخطأ وارد من الجميع و المخطي من الطرفين يُنصح ولا يُعامل بالقوه حتى يعرف ان الله حق سواءاً كشاته ولا راعين حلال و من يَحترم يُحترم

[منيف المشاعر]

وكيف نريد من ربنا أن يرحمنا مع هؤلاء الحسدة عليهم من الله مايستحقون
ان صح ذلك فيجب محاكمتهم اما بالسجن او مصادرة مايملكون من الحلال

[منيف المشاعر]

هذا شي مؤسف ولا احد يبيه لمسلم

لاكن بكل صراحه

ماينلامون والله جايينهم في عقر دارهم ومراعيهم
وتتشكون لو احد يقدم على وضيفه في ديرتكم قطعتو ملفه

او.رميتوه.تحت المكتب وقلتو وش جاي يدور


الحلال مشكلته مشكله يمرونه هالجهله مسرعين
ثم يثور من الراعه وين يروح يدوره.راعيه هذا غير اللي يعلق البواري
تمسي البهيمه مارعت ولا فلت فالربيع

تنويه للكشاته الزم الادب واحترم اماكن المراعي واهل الحلال

وراح.تلقى من يكرمك ويفزع لك اذا غرزت او صار لك حاجه
ع

مع فاىق الاحترام لك اخي العزيز
كلامك غير منطقي
الأرض أرض الله ثم لأبن سعود حفظهم الله ولايوجد هذي ديرتي وهذيك ديرتك
الاوانا خوك الحسد الله يكفينا منه
هو من جعل حتى القطر ماينزل علينا والاسعار وارتفاعها المخيف
دار الفساد ولادار الحساد

[ابوغلاالقصيمي]

بعض الرعاة يحسب الأرض ارضه ويتحكم فيها

الجهل له دور في ذالك

وهذا لايعفي خطأ بعض الكشاته

[شقران نجد]

الغايه لا تبرر الوسيله ........

هناك من ذنب له ولكن هو بالتالي فعل عدائي حاقد وغير عقلاني

[خالد سلمان]

التعميم على جميع الناس غير واقعي وغير منصف .
لاكن الاخطاء تحصل من الطرفين سواء اهل الحلال او بعض الكشاته . لانخصص احد دون الآخر وهذا هو الواقع والمشاهد ،،،، اللهم اهدي ضال المسلمين

[الصمعا]

لاحول ولاقوة الا بالله
الله يهداهم

[عبدالسلام1900]

صادفنا بعضهم ونعم والله رجال ولد رجال يعزم ويبي يضيفنا. وصادفنا غيرهم دبش مثل حلالهم لافهم ولا طيب ولا كرم.
الا العفن الي متكوم بروسهم اذا صار خطاء من الكشاته له حق يجي.
غيره ادد ودعسه هو وحلاله بخشم الموتر

[فتى شنه]

الله لايوفقهم البدو الهمج حقين الحلال اللي بالحجره

تهاوشنا قبل اسبوع مع بدوي هناك دخلنا الفيضه ويوم جينا نقعد جا لمنا قال تبون اقولكم صباح الخير ولا صباح الشر ومير تقبس بيننا الله لايوفقه لا بدنيا ولا باخر والله يجعل حلاله للمرض اللي يبيدهن يارب .
ودعوه المضلوم مستجابه

ومير تقبس اجل :(

[راعى لبوه]

لماذا تصور المسامير ؟

[جرح روح]

ماشاء الله

[fshgah]

السلام عليكم ورحمة الله وبركاته

اولا اشكر كل من ارشد او اخبر المسلمين بوجود اذا في طرقاتهم

ثانيا اين هذا الفاعل عن امر النبي صلى الله عليه وسلم اماطة الاذى عن الطريق صدقة

ثالثا يقول الله تعالى في الحديث القدسي من اذا لي ولي فقد اذنته بالحرب

فلنتعاون على البر والتقوى وشكرا للجميع

[عاشق المطراش]

الكل يشارك في الخطأ اصحاب الحلال بعضهم نفسوهم بروس خشومهم وبعض المكشاتيه جايين يخربون القاع ويهاوشون ماكأنهم يشوفون أحد،،

والا اللي يحط مسامير وأسياخ هذا انسان مايستحي ولايوجد سبب يبرر هالفعل هذا ،،،

لكن الله يهدي الجميع

[foxpic.com]

يعطيك العافية

[رعاد الشمال]

عامل الناس كما تحب ان يعاملوك
والي يقول بدوي وحضري الله يهديه
ويترك العصبيه المقيته
والخطاء وارد من الجميع
من الكشات سواء حضري او بدوي
ومن صاحب الحلال سواء حضري والا بدوي

[adeeeb]

الله لايوفقهم يحسبون الديار والبر لهم هذا حلال الدوله والشعب حسبي الله عليهم

[عبدالسلام1900]

هههههه ياحليلك يا مخ الدنيا شكلك ماعمرك طلعت الا عند الرعيان يا مخ الحلال يروح يفلي ويرعى بالفياض والي يبي المكشات ماينرل على العرب وبيوتها هو الي يجيك وتسمع دبكه غنمه الصبح وبعدين ون كنت متربي طال عمرك ان كل من جاك ورحلك من محلك هذا انت مهو بأنا الارض ارض ابن سعود وحنا رجال نقدر الرجال نشكر الطيب وننصح المخطي