وجه نظر لاغير

[قرناس الجنوب 2011]

السلام عليكم ورحمة الله وبركاتة

اخواني الكرام يسعد يومكم وليلكم بكل خير

هناك عندي ملاحظه في قسم البيع والشراء

وهو ان الشخص يوم يعرض طيرة يقول الطير مسيوم

بكذا مبلع مثل هذا الموضوع الذي طرح وحكم صاحب الموضوع بان السوم يبداء من 5000
http://mekshat.com/vb/forumdisplay.php?f=97
الي هو حر مثلوث 14 في 15 عرض

وقد سام احد الاخوان بمبلغ 4000

نحن نعلم بان السوم خارج الموقع لا يتدخل ابدا في السوم هنا با المنتدي

فهو بمثابة مزاد يبداء من الصفر وصاحب السلعة هو اعلم بسلعتة

ياليت ان يوم يكون هناك عرض للبيع تبعد السومات الي خارج المنتدي

هذي وجهت نظر لاغير واتمنى ان لا يتشعب الموضوع او يفسر

بطريقة ثانية


كل الاحترام للجميع

[اابوخالد666]

اول شي الطير ماهو 14 ب15 الطير 14 ونص طول ب15عرض

وانا صاحب الموضوع ورايك نحترمه طال عمرك لاكن انا ذكرت السومه الي برى حتى اختصر الموضوع ومحد يسوم اقل من5000
وانا اعتقد كل واحد حر بحلاله ويحط الشروط الي يشوفها مناسبه للموضوع الا اذا كنت تكذب الرجال هذا شي ثاني

[قرناس الجنوب 2011]

الله يحيك يا ابو خالد 666

احترم ردك وسبق ان ذكرت في الموضوع ان لايفهم غلط

وانا وضعت موضوعك كا مثال وليس تكذيب وكل شخص

حر بحلالة ولكن يا اخي الكريم هنا مزاد وعرض والغرض

هو السوم وقد يتجاوز ماذكر واذا لم يتجاوز فكل الطرفين

حلالهم عندهم ع العموم يعطيك العافية ع توضيح مقاسات الطير

والله يرزقة عدد ريشة ويكون ثمن كل ريشة 1000

ولاكن الهدف هو نحن وسط مزاد

[شقران0404]

مافيها شي وانا اخوك ياقرناس الجنوب لاذكر راعي الطير سومه للطير كانت خارج المنتدى.
والكل يبي يترزق الله . وهذي سلعته وانا اخوك وهو حر فيها وفي شروطه.....!!!!
وأنت لو كان عندك طير مسيوم خارج االمنتدى ب10000 الاف وعرضته داخل المنتدى ماراح ترضى انه ينسام بأقل من هالقيمه....
عسى الله يرزق المسلمين سواء داخل المنتدى والا خارج ......

[النداوي HZ2AF]

السلام عليكم ورحمة الله وبركاته
وجهات نظر الطرفين محل تقدير وإن شاء الله تعالى
ننظر في الموضوع مع باقي الاخوة المشرفين
كذلك لا نستغني عن رأي الاخوة الاعضاء
رأيي الشخصي وقد اكون مخئ
ان السوم في المنتدى يبدأ من الصفر
ويحق لصاحب العرض ان يذكر
ما وصل له السوم خارج المنتدى

[(هزاع)]

السلام عليكم ورحمة الله وبركاته
موضوع البيع والمشترى يرجع للذمه من الطرفين البائع والمشتري
ذمة البائع في مصداقية المعروض وما يدور حوله من حجم وصفات
وذمة المشتري في صدق رغبته في السوم
...............
البائع الذي يعرض طيره قد كتب باللسته علوم الطير من نوع وماكر ومقاس وصحه وعلوم وصور الطير المعروض
والبائع يقول ان الطير مسيوم بكذا
اذن لم يبيع الطير بهذه السومه
يجب ان نصدق كل مايقول
لاننا صدقنا ان الطير موجود بالاصل وصدقنا العلوم التي بالسته
وصدقنا مشاهد الطير بالصوره
فكيف نكذب بعض كلامه ونصدق البعض الاخر
(رأئي الشخصي)
أرى اذا ذكر بائع الطير ان الطير مسيوم بكذا يكون السوم التالي باعلى من هذه السومه
او نترك له سلعته ونرى غيرها

[Abu Hamad2]

والله يا خوان البيع مطروح فيه كامل الحريه يحط سومه او يحد الطير بسعر

واللي يبي يشترى وناسبه السعر يتوكل على الله محد جابر احد

وجهة نظر فقط

[؛ابوطلال؛]

وعليكم السلام
انا اتفق مع اخوي قرناس.الجنوب
ولا حنا مشككين بمصداقية الجميع
لاكن المنتدى ماهو مربوط بسومات خارج المنتدى
ممكن انو يحد الطير او يبدا السوم من صفر وهذا ينطبق على جميع الحاجات المعروضه
وهذا رايي الشخصي

[ابو وافي00]

السلام عليكم ورحمة الله وبركاته
أخواني
الخلاف لايفسد للود قضيه
كلاً منكم طرح وجهة نظره ويشكر عليها
لاكن من وجهة نظري أنه لامانع من ذكر السوم أعتبر نفسك أنك في محلات بيع الطيور راح تجد أن كل طير عليه سومه معينه وبعضها ماسيم أن جازلك أرفع السوم أو اتركه
ودور غيره




تحياتي:
أبو وافي..