نصيحتكم بشراء قارمن سعره من 500 الى 1200؟

[نجم الصمان]

السلام عليكم ورحمة الله وبركاتة

الاعضاء والخبراء الكرام


ابي اشتري جهاز قارمن سعره من 500 الى 1200 وش الموديلات اللي تنصحوني به خاصه للبر وبعدها المدن.


وشكراً للجميع,,

[عقاااب]

مشكور اخوي وجزاك الله خييير

[ابو ســــاره]

زدها حبتين وخذ شي طيب 1500ممكن تحصل جهاز منتانا مستخدم جهاز مع شاحن سلك بدون قاعدة وركب له قاعدة لزق ناعم خشن

[أبو نوره11]

قارمن نوفي 2597 شاشة حجم 5

أو قارمن نوفي 2797 حجم 7

ولك الاختيار

[ابو عمر النوح]

حياك الله أخوي الغالي نجم الصمان

الفرق بين أجهزة النوفي يكون في :
1. وضوح الشاشة : فمنها شاشة كرستال تكون أوضح و افضل بكثير باللمس ،
و منها الشاشة العادية

2. بعض الأجهزة يظهر خطين ورديات لموقع الاحداثية واحد يكون من بداية طلبك للاحداثية و الثاني يمشي معك من موقعك إلى موقع الاحداثية،
و منها ما يظهر خط واحد فقط اللي من بداية طلب الاحداثية

أما بالنسبة للخرائط فجميع أجهزة النوفي لها نفس الخرائط ، خاصة خرائط الشرق الأوسط و الصحراء و دار موجة

و لكن بعضها يكون معها خرائط أمريكا و بعضها خرائط أوروبا

و الأسعار شاشة كرستال من 1000 ـ 1200
و الشاشة العادية من 600 ـ 1200 حسب كبر الشاشة و الميزات

و ممكن يفيدك الشباب أكثر مني و خاصة مشرفينا الكرماء

المعذرة على الإطالة

[star4ksa]

عندي قارمن 255 w شغلته وطفيته فقط للبيع
0597899904

[نجم الصمان]

اشكر الجميع على اضافاتهم الطيبه

والعذر على التاخر بالرد، نسيت لازم اسوي اشتراك للموضوع.

ياليت المشرفين يحطون خاصية الاشتراك بالموضوع علطول اذا كنت انا كاتب الموضوع مثل اكثر المنتديات

وجزاكم الله خير

[asd6244]

الافضل 3597
ثم 2597
إذا تريده للمدن والبر أما الجهاز المحترف للبر فهو مونتانا و اريقون

[مطر وسم]

انا عندي قارمن نوفي 52 شريته جديد ب 450 ريال جربته للبر والمدينه اشوفه ممتاز جداً يوفي بالغرض وزياده وفر فلوسك وماله داعي ابو 1500 او 2000


تحياتي للجميع

[سقم المعادي 1]

نوفي 2597 شاشه 5 انش

ملاحه خارج الطريق و خطين و اتجاه القبله و تشبكه بلوتوث بجوالك و يعلمك حاله الطقس و التوقعات القادمه للمكان اللي انت رايح له وغيرها الكثير هذا اللي يحضرني حالياً

مواصفات الجهاز رائعه لكن للامانه اللمس فيه ما اعجبني نهائياً لا من سرعه استجابه لو تبي تبحث بالخريطه يدوياً ولا بالدقه عند الضغط على شيء معين انت جربه في المحل اذا جاز لك توكل على الله يمكن البلا في اصبعي :D

[نجم الصمان]

الافضل 3597
ثم 2597
إذا تريده للمدن والبر أما الجهاز المحترف للبر فهو مونتانا و اريقون



انا عندي قارمن نوفي 52 شريته جديد ب 450 ريال جربته للبر والمدينه اشوفه ممتاز جداً يوفي بالغرض وزياده وفر فلوسك وماله داعي ابو 1500 او 2000


تحياتي للجميع


نوفي 2597 شاشه 5 انش

ملاحه خارج الطريق و خطين و اتجاه القبله و تشبكه بلوتوث بجوالك و يعلمك حاله الطقس و التوقعات القادمه للمكان اللي انت رايح له وغيرها الكثير هذا اللي يحضرني حالياً

مواصفات الجهاز رائعه لكن للامانه اللمس فيه ما اعجبني نهائياً لا من سرعه استجابه لو تبي تبحث بالخريطه يدوياً ولا بالدقه عند الضغط على شيء معين انت جربه في المحل اذا جاز لك توكل على الله يمكن البلا في اصبعي :D


اشكر الجميع على تفاعلهم

وان شاء الله قررت اشتري 2597 لوجود البلوتوث والخطين


وجزاكم الله خير

[ابتعدنا]

بالامس اشتريت نوفي ٢٥٩٧
سعره ٨٧٠ ريال
وعليه ضمان سنه من دار موجه
بعد التجربه بصراحه خوش جهاز
بس للاهميه الخط الثاني اللي يقولو عنه الاخوان مايضهر الا وضعت خارج النطاق
وبالتوفيق إن شاء الله

[ابوحاتم77]

البارح شريت2597 من دار موجه ب 699 ريال

[خالد الخطير]

انا جربت قارمن اوريقون 650

بصراحه اشوفه افضل جهاز قارمن نزل

بعضهم يقول صغير ، وهو ميزته بصغره

حتى لو ركبت مع احد الشباب يكون معاي

سهل التنقل فيه

١٦ ساعه تشغيل !! انسى شي اسمه شحن

شاشته واضحه جداً في كل الاوقات

شاشته لمس و تسوي زوم زي الايفون بالضبط

يدعم اقمار ( الجي بي اس ، القلوناس الروسية )

يعطيك الاحداثية بالمتر ، عكس النوفي بالكيلو !!

ضد الضربات !!

ضد الماء لو ترميه بمسبح مايضره !!

فيه كميرا و اذا صورت يحفظلك احداثياتها واي وقت تحب ترجع لمكان الصوره يوصلك له

زر خارجي من تضغطه يعطيك احداثياتك وتقدر تحفظ بسهوله ، مو زي النوفي تفرفر فيه لين تحفظ !!

يحفظ ٤٠٠ موقع

يحفظ ٢٠٠ مسار

يحفظ ٢٠٠ طريق

يعني اذا حبيت تمشي مع مكان وترجع مع نفس مكانك في اي وقت يكون محفوظ لانك تحفظ مسارك ويرجعك مع نفس دربك عكس النوفي

حق بر ١٠٠٪

ولو تبيه مدينه تقلب نظامه لوضع النوفي وقيادة السيارة و يعطيك لفه بلفه !!

فيه فلاش = يستخدم ككشاف وقت الحاجه !!

تستخدمه بر ، بحر ، جبال ، مدينة

فقط مافيه توجيه صوتي ، فيه نغمه !!

بصراحه ماندمت اني شريته

لاني جربت المونتانا (اعتبر شاشته بدائية جداً)

وجربت ٣٥٩٧ lmt واعتبره حساس جداً وبطاريته ساعه ونصف الى ساعتين اذا طول

بالعربي اذا تبي النوفي اشوف ان خرائط google maps خرائط قوقل تكفي و توفي بالغرض سواء بالسعودية او خارجها !! و يعطيك لفه بلفه ومحدث مستمر للاماكن !!

اشوف الاوريقون ثوره في عالم القارمن ، خفيف وصغير ، حطه في مخباتك وانسه وانت تتمشى !!

حتى لو بالليل حبيت تروح عن اخوياك شويات تتمشى احفظ موقعك ورح ، و اذا بترجع يرجعك او بالنهار بتاخذ لفه استطلاعيه على رجولك رح و يرجعك باذن الله لمكانك !! لانه يشتغل ١٦ سااااااعه !!

وفيه ميزات كثيرة جداً جداً جداً ويبي لها تقرير كامل علشان اوفيه الشرح !!

طبعاً وجهة نظر ، ولكل شخص ذوق خاص فيه

بس ارجع اقول اوريقون 650 ثوره !!