اليامي قطر
24/01/2014, 12:07 PM
السلام عليكم ورحمه الله وبركاته
كيف الحال ياربعنا اليوم عندي لكم سالفه حلوه وممتعه وخفيفه
مافيها رعب ولاخووف ولاشي يحز بالخاطر كنها مفطح وجمبه قواطي ببسي وسفن اب :D كلها زين في زين وتستاهلون
وينك ياراعي العجراء ؟؟
القصه طالت عماركم في سنه 85 ميلادي كان جدي عنده تيوتا صغيره يسمونها ( ستاوت ) مثل الهايلكس لونها زرقاء قير عادي لكن وين مكانه ؟؟ بالدركسون تقل تماتيك جمس . المهم له اخ فالربع الخالي حول شناظر والنميله عند حلاله وماعنده موتر وقرر اخوه اللي هو جدي القايم يسافر له ومعه زاد يعني ارزاق اتكفيهم مده من الزمن وافراد السفر معا جدي هم : خوالي يعني اولاده وعددهم 3 اكبرهم عمره بالعشرين واخوانه الباقين اصغر منه بسنه او سنيتن المهم حملو موترهم وسافرو مع طريق بري في رمال الربع الخالي والعجاج ( الرياح ) ماتفصل منهم طوول الرحله وهم يالله يشوفون الدرب وياما رقو الطعوس وياما انزلو ويوم الله كتب لهم ماجرى لهم رقو هاك الطعس والموتر مسرع خوفن من التغريز ( التغريس ) وماوعو الا الموتر نازل مع بطن الطعس والارض اللي هم فيها كلها رمله وارض تغريز والموتر دنقل مافيه الاقيره وبعض الاغراض اللي بالصندوق طاحت قدام الموتر من قو النقزه ويغرز الموتر في مكانه ويقول هذا مكاني اليوم كله وهم الظهر بعز الصيف الموت الموت الحراره 50 ويفرط الصيخ حق الكلتش يعني تدعس الكلتش وصاير خفيف كانه لعبه مايحرك الموتر ابد والجد صايم فوق هذا كله ورافض انه يفطر حتى في وقت الضروره المهم قال للكبير من اعياله انا باروح ارقى المشراف كودن اعين حد يسعفنا بعون من الله سبحانه وراح الرجال وقطع مسافه طويله وهو صايم وفي صيف وعليه رياح المهم مالقى احد ونوى يرجع للموتر لكن ضيعه بسبت الرياح حتى اثر رجوله وانتو بكرامه اختفى المهم تقدم وتقدم الين ما راوده ملك الموت يبي ياخذ نفسه ويطيح الرجال على هاك الرمثه ومع مطيحه شاف موتره واقف وجاوه عياله وشالوه للموتر ويجلسون عند موترهم الين ماصلو المغرب ونوا جدي عقب ماافطر يشرف عساه يلقى بدو مشعلين النار يدلهم بشعاع النار لكن المريب يوم قال للولد الكبير انا ياولدي باروح ادور احد بهالليل وان جيتكم ولاانتبه لاخوانك تراهم بزران معنى جدي بهالكلام ( ان كان الله اخذ امانتي اي توفيت فاخوانك في امانتك اتحافظ عليهم ) بهاك الوقت مايتحمل ذاك الكلام ادمي الزبده سرى الرجال ويوم رقى هاك المرقى شاف النار مشبوبه وقال الحمدلله انفرجت وفي طريقه اتقول يبعدون كيلو ونص المهم لقى بعض الحلال يرعى واوشك انه لهم وركب له ذلول ويسوقها صوب بيت الشعر ويوم عاده مقبل قال لاهل البيت بصوت عالي مابه الاصديق مابه الاصديق لان العرب خايفين من الجن وخايفين من قطاع الطرق ويعطيهم اعلومه كلها ومن حسن حظه .. الجماعه عندهم جمس 350 حجم 10 دبل ويروح مع راعي الموتر الين وصلو التيوتا الستاوت وينزلون العفش اللي عليها كله ويفشون الكفرات الاربعه ومابقو فيها من الهوى الا القليل والجمس مثل .. فشو كفراته ونزل راعي الجمس تحت التيوتا ويركب صيخ الكلتش عنده خبره بسيطه الماخوذ وجاك الجمس يسحب والتيوتا معشقه بالاول واتحفر والله وياخذون حول النص ساعه والمواتر تمشي على مهلها الين طلعت من الرباض ماهو بالرياض ههههه ويرجعون العيال على العفش وينقلونه مشي للموتر ويحملون من جديد ومااقول الابيض الله وجهك ياراعي الجمس انا اشهد انه نشمي ومن عرب فيهم خير وكمل طريقه الجد حتى وصوله الى اخووه وقعد عند شهر كامل يشد معه وينقل عفشه ويعين ويعاون ومن بعدها جاء وقت المدارس للعيال ونوى الرجوع للديره ودلهم اخوهم على طريق سمح ويصلح لموتره ويوم وصل الديره تعطل به الموتر ودخلها الوكاله لان الموتر جديد على ايامه لكن المصيبه قالو الموتر مخبط .. ( من حر ماجاها في الصيف الصايف :s )
وفي الاخير اتمنى من الله بأن تعجبكم القصه الحقيقيه ولافيها اي نسج من الخيال
مابه الا الصدق واللي حصل ناتي به
سبحانك اللهم وبحمدك اشهد ان لا اله الا انت
كيف الحال ياربعنا اليوم عندي لكم سالفه حلوه وممتعه وخفيفه
مافيها رعب ولاخووف ولاشي يحز بالخاطر كنها مفطح وجمبه قواطي ببسي وسفن اب :D كلها زين في زين وتستاهلون
وينك ياراعي العجراء ؟؟
القصه طالت عماركم في سنه 85 ميلادي كان جدي عنده تيوتا صغيره يسمونها ( ستاوت ) مثل الهايلكس لونها زرقاء قير عادي لكن وين مكانه ؟؟ بالدركسون تقل تماتيك جمس . المهم له اخ فالربع الخالي حول شناظر والنميله عند حلاله وماعنده موتر وقرر اخوه اللي هو جدي القايم يسافر له ومعه زاد يعني ارزاق اتكفيهم مده من الزمن وافراد السفر معا جدي هم : خوالي يعني اولاده وعددهم 3 اكبرهم عمره بالعشرين واخوانه الباقين اصغر منه بسنه او سنيتن المهم حملو موترهم وسافرو مع طريق بري في رمال الربع الخالي والعجاج ( الرياح ) ماتفصل منهم طوول الرحله وهم يالله يشوفون الدرب وياما رقو الطعوس وياما انزلو ويوم الله كتب لهم ماجرى لهم رقو هاك الطعس والموتر مسرع خوفن من التغريز ( التغريس ) وماوعو الا الموتر نازل مع بطن الطعس والارض اللي هم فيها كلها رمله وارض تغريز والموتر دنقل مافيه الاقيره وبعض الاغراض اللي بالصندوق طاحت قدام الموتر من قو النقزه ويغرز الموتر في مكانه ويقول هذا مكاني اليوم كله وهم الظهر بعز الصيف الموت الموت الحراره 50 ويفرط الصيخ حق الكلتش يعني تدعس الكلتش وصاير خفيف كانه لعبه مايحرك الموتر ابد والجد صايم فوق هذا كله ورافض انه يفطر حتى في وقت الضروره المهم قال للكبير من اعياله انا باروح ارقى المشراف كودن اعين حد يسعفنا بعون من الله سبحانه وراح الرجال وقطع مسافه طويله وهو صايم وفي صيف وعليه رياح المهم مالقى احد ونوى يرجع للموتر لكن ضيعه بسبت الرياح حتى اثر رجوله وانتو بكرامه اختفى المهم تقدم وتقدم الين ما راوده ملك الموت يبي ياخذ نفسه ويطيح الرجال على هاك الرمثه ومع مطيحه شاف موتره واقف وجاوه عياله وشالوه للموتر ويجلسون عند موترهم الين ماصلو المغرب ونوا جدي عقب ماافطر يشرف عساه يلقى بدو مشعلين النار يدلهم بشعاع النار لكن المريب يوم قال للولد الكبير انا ياولدي باروح ادور احد بهالليل وان جيتكم ولاانتبه لاخوانك تراهم بزران معنى جدي بهالكلام ( ان كان الله اخذ امانتي اي توفيت فاخوانك في امانتك اتحافظ عليهم ) بهاك الوقت مايتحمل ذاك الكلام ادمي الزبده سرى الرجال ويوم رقى هاك المرقى شاف النار مشبوبه وقال الحمدلله انفرجت وفي طريقه اتقول يبعدون كيلو ونص المهم لقى بعض الحلال يرعى واوشك انه لهم وركب له ذلول ويسوقها صوب بيت الشعر ويوم عاده مقبل قال لاهل البيت بصوت عالي مابه الاصديق مابه الاصديق لان العرب خايفين من الجن وخايفين من قطاع الطرق ويعطيهم اعلومه كلها ومن حسن حظه .. الجماعه عندهم جمس 350 حجم 10 دبل ويروح مع راعي الموتر الين وصلو التيوتا الستاوت وينزلون العفش اللي عليها كله ويفشون الكفرات الاربعه ومابقو فيها من الهوى الا القليل والجمس مثل .. فشو كفراته ونزل راعي الجمس تحت التيوتا ويركب صيخ الكلتش عنده خبره بسيطه الماخوذ وجاك الجمس يسحب والتيوتا معشقه بالاول واتحفر والله وياخذون حول النص ساعه والمواتر تمشي على مهلها الين طلعت من الرباض ماهو بالرياض ههههه ويرجعون العيال على العفش وينقلونه مشي للموتر ويحملون من جديد ومااقول الابيض الله وجهك ياراعي الجمس انا اشهد انه نشمي ومن عرب فيهم خير وكمل طريقه الجد حتى وصوله الى اخووه وقعد عند شهر كامل يشد معه وينقل عفشه ويعين ويعاون ومن بعدها جاء وقت المدارس للعيال ونوى الرجوع للديره ودلهم اخوهم على طريق سمح ويصلح لموتره ويوم وصل الديره تعطل به الموتر ودخلها الوكاله لان الموتر جديد على ايامه لكن المصيبه قالو الموتر مخبط .. ( من حر ماجاها في الصيف الصايف :s )
وفي الاخير اتمنى من الله بأن تعجبكم القصه الحقيقيه ولافيها اي نسج من الخيال
مابه الا الصدق واللي حصل ناتي به
سبحانك اللهم وبحمدك اشهد ان لا اله الا انت