استفسار لأهل الخبرة بخصوص كفراتي هانكوك

[ابومحمدالعامر]

استفسار لأهل الخبرة بخصوص كفراتي هانكوك

السلام عليكم ورحمة الله وبركاته

يأخوان أناعندي كفرات هانكوك نوع ventus مركبها على ماركيز قبل سنتين و4 شهور تقريبا سافرت عليها قليل يمكن اربع مرات وكل سفرة ماتتعدى 450 كيلو للقصيم او للشرقية ومحافظ على وزن الهواء دايم 35 وسرعتي دايم بين 120 الى 140 والحمد لله ولا مرة نسم علي كفر

بس اللحين هل بإمكاني أسافر عليها من الرياض للشرقية
نرجوا من أهل الخبرة افادتي بذلك الله لايحرمكم الأجر

هذي صورة الكفر الأمامي الله يكرمكم
http://im33.gulfup.com/TfCkj.jpg

http://im33.gulfup.com/1dtap.jpg
وهذي الخلفي

http://im32.gulfup.com/Rfelu.jpg

[بشير حسن]

عليكم السلام ورحمة الله وبركاته

أخوي سنتين و 4 شهور ماشاء الله مدة جيده أنه استمرت معاك لحد الآن وخصوصا أنه الكفرات هالأيام ماعادت مثل أول وكثير منها مغشوشه ومخزنه خاصه عند محلات البناشر أبو يمن هذا أولا

ثانيا واضح من الصور الأولى أنه الكفرات الأماميه بالتحديد تعبانه وتحتاج للتغيير لأنه من الصور يبن أنها فيها تشققات وشطوب أنتبه أخوي لايحبل عليك كفر من هالكفرات الأماميه مثل ماحصل لي قبل أسبوع الكفر الأمامي الأيمن حبل والله ستر مع أنه مركب ثلاث كفرات قبل سنه ونصف تقريبا نوعهم مارشال صناعة كورية وكلهم شاريهم من الوكيل بس هذا الكفر الوحيد اللي صار تعبان لأنه الاحظ عليه يمسح الكفر من الخارج مع أنه كل شئ مضبوط من مقصات وربل مقصات بس ها مادري شنو قصته لكن يبقى هالمدة جيدة بحكم استخدامي اليومي بكثره فأنصحك بتغييرهم واستبدالهم حتى لايصير لك شئ لاسمح الله , الكفرات الخلفية تمشيك ماشوف فيها شئ من الصور اللي وضعتها ولكن اذا حاب تغيرهم شئ راجع لك لكن احتفظ بالجيد والصالح منهم حتى لو تخليه احتياط معك

[بدوي جنوبي]

باين من الكفرات فيها شقوق صغيره
بسبب الاستهلاك والمدة
كم تاريخ الكفر ؟

اذا عندك سيوله غيرها
وتقدر تستخدمها داخل المدينه فقط


ودائما سوي تدوير للكفرات بعد 20 الف كلم

الله يستر عليك

[الصقار3]

باين من الكفرات فيها شقوق صغيره
بسبب الاستهلاك والمدة
كم تاريخ الكفر ؟

اذا عندك سيوله غيرها
وتقدر تستخدمها داخل المدينه فقط


ودائما سوي تدوير للكفرات بعد 20 الف كلم

الله يستر عليك
انا مع هذا الرد ونصيحتي غيرهن كلهن وأحتفظ بالجيدمنهاأستبنه ولى ركب كفرات طقم جدد وخل هاذي عندك تستخدمها داخل المدينه فقط وأن اظطريت أنك تروح بهامسافه قريبه من المدينه لاتمشي عليها أكثرمن 100كيلومترفي الساعه وأسأل الله لك التوفيق .

[بن الزايد]

كم سنة يستلزم تغيير الإطارات؟
http://www.rezulteo-itarat.com/dalil-itarat/inaya-bi-itaratika/itibaran-min-kam-sana-yustalzam-taghyir-itarat-23093

[ابومحمدالعامر]

الله يجزاكم خير وماقصرتوا وأظاهر ان افضل قرار تبديله بطقم

[بشير حسن]

الله يجزاكم خير وماقصرتوا وأظاهر ان افضل قرار تبديله بطقم

قرار سليم خصوصا في شئ مثل هذا يتعلق بسلامتك وسلامة الآخرين بس أهم شئ تشتريهم من عند الوكيل وتنتبه للتاريخ ومطابقة مواصفات الكفر لنوع سيارتك ......... بالتوفيق