مشكلة مع القير في لكزس

[Last Ride]

السلام عليكم ورحمة الله وبركاته

اتمنى منكم قراءة موضوعي كامل و مساعدتي رحم الله والديكم
سيارتي Lexus IS350 2008 الا هي الارنوب و مستوردة من امريكا ماشية 80 الف كيلو
بدأت المشكلة قبل يومين, كنت توي وصل الدمام من خط, مشيت و فجأة القير صار فاضي كانه N هديت شوي و شبك على النمرة الا بعدها صارت مرتين.
حقرت الموضوع لليوم الا بعده, تكررت سالفة ان فجأة الفير يصير فاضي اكثر من مرة.
رحت لورشة و قال لي ابدل زيت القير و الفلتر.
بدلت الزيت و الفلتر, طلعت بالسيارة المشكلة لا زالت موجودة
بس بعدها بـ 10 دقايق طلعت لي Check engine و check VSC و صار القير ما يعشق,
بحيث ان الضغط (RPM) يرتفع بس العداد ما يتحرك الا ببطئ يعني آخذ 10 ثواني على ما اوصل 20 و الضغط موصل 5000 و كان القير فاضي.
وديتها يفحص الكمبيوتر طلع عندي 3 حساسات طافية في القير.
شالهم من السستم بس المشكلة لا زالت موجودة.
و توها اليوم احذت السيارة اجربها الا فجأة القير كله ما يمشي الا D يعني الـ P, R, N,D كلهم واحد. أحطه N السيارة تتحرك كانها D و نفس الشي في الـ P , و الـ R لا ريوس و لا قدام واقفة محلها كانها تصارع ترجع للخلف او تتقدم قدام.

:(

[بدوي جنوبي]

عليكم السلام
والله اللكزس ما اعرفله

والعطل هذااللى حصل معك لو انه في فورد او جم ام
كان قلت لك ان القير خبط

لكن لكزس اعتقد تكون مشكله كهربائيه في احدى الحساسات
حتى لو رحت لورش بيقولو القير مخبط

الله يعينك ،،، وقت ما غيرت الزيت كيف كان لونه وهل له ريحه حرق

[Last Ride]

غيرت الزيت على ٨٠ الف و كان اسود و مثل ما قلت له ريحة حرق خفيفة

[بدوي جنوبي]

ممكن تكون الكلتشات محترقه

أرسلت من GT-I9082 بإستخدام تاباتلك

[ريثان القصيم]

السلام عليكم ورحمة الله وبركاته

اتمنى منكم قراءة موضوعي كامل و مساعدتي رحم الله والديكم
سيارتي Lexus IS350 2008 الا هي الارنوب و مستوردة من امريكا ماشية 80 الف كيلو
بدأت المشكلة قبل يومين, كنت توي وصل الدمام من خط, مشيت و فجأة القير صار فاضي كانه N هديت شوي و شبك على النمرة الا بعدها صارت مرتين.
حقرت الموضوع لليوم الا بعده, تكررت سالفة ان فجأة الفير يصير فاضي اكثر من مرة.
رحت لورشة و قال لي ابدل زيت القير و الفلتر.
بدلت الزيت و الفلتر, طلعت بالسيارة المشكلة لا زالت موجودة
بس بعدها بـ 10 دقايق طلعت لي Check engine و check VSC و صار القير ما يعشق,
بحيث ان الضغط (RPM) يرتفع بس العداد ما يتحرك الا ببطئ يعني آخذ 10 ثواني على ما اوصل 20 و الضغط موصل 5000 و كان القير فاضي.
وديتها يفحص الكمبيوتر طلع عندي 3 حساسات طافية في القير.
شالهم من السستم بس المشكلة لا زالت موجودة.
و توها اليوم احذت السيارة اجربها الا فجأة القير كله ما يمشي الا D يعني الـ P, R, N,D كلهم واحد. أحطه N السيارة تتحرك كانها D و نفس الشي في الـ P , و الـ R لا ريوس و لا قدام واقفة محلها كانها تصارع ترجع للخلف او تتقدم قدام.

:(
اخوي حسبنا الله على اللي حط هالتقنيات اصبر لاتوضب لازم تشيك اول
1-مدى نظافة ماء الاديتر اذا نظيف بفحص 3 محلات اديترات ونفس المشكله ماتغيرت
2-تنفخ بالهوا ثم تغسله بالماء اللي بين اديتر المحرك واديتر المكيف واديتر القير ونفس المشكله ما تغيرت
3-اذا السياره فيها مراوح كهرب تبريد خارجيه او داخليه ركب لهن فاصل وجرب ونفس المشكله ماتغيرت
4- يبقى لك تجيب ثروتل اثم الثلاجه اللي راكب فيها خرطوش فلتر الهوا من التشليح وتخلي راعي التشليح يركبه للسياره ويسوي برمجه له وتشرط عليه بالفاتوره يكتبها انه يرجع فلوسك اذا المشكله مثل ما هي
5- الحين يجي فحص الحساسات داخل القير او خارجه من حيث
النظافه او
مرتخيات او
تغيير او
6- فحص اسلاك القير الخارجيه والداخليه من حيث
محترق سلك
مرتخي سلك
اذا كل شي سليم بعد الفحص الدقيق
ما فيه الا التوضيب والله يعينك

اخوك
ريثان القصيم

[Last Ride]

يعطيكم العافية اخواني

ان شاء الله اطبق اللي قلتوه و ارد لكم خبر

[يالبى الهلا]

للمفروض ماغيرت الزيت لان به رايش ومتاقلم مع القير وساد فراغات في الكلتشات لو غيرته بالتدريخ كل يوم اسحب علبه وعوضها بعلبه جديد الي ان ينتهي وتاكدت ان الكميه القديمه تخلصت منها

[يالبى الهلا]

خلاص القير انتهي لابد من التوضيب لاتخسر نفسك المفروض ماغيرت الزيت والميكانيكي الي فحص خرطي ماعنده سالفه زيت القير لايتغير الااذا كنت مواضب علي تغييره دايما يعيش معك
اما اذا تاخرت عن التغييير فالافضل لايتغير بل بالتدريج وليس مره واحده
علي طول يجيه اسهاااااااال هههههههه ولاينفع معه العلاج

[A_F]

فيه كابل به قطعة بلاستيك اسفل السيارة مربوط بالجير هو المسئول عن التعشيقات
إذا عصا الجير تتحرك بدون تغيير النمر بيكون الكابل محتاج تغيير (قطعة البلاستيك انكسرت)، ثمنه في الجمس حوالي 250 ريال والمصنعية 400
إسأل قبل موضوع توضيب الجير

[Last Ride]

للمعلومية فقط السيارة تعشق تغير نمر, لكن بصعوبة

[1824]

المشكلة كهربائية 90 بالمية انا سيارتي كانت ماشية 200 الف وغيرت زيت القير وكان اسود وعادي ولا صار شيء المشكلة مو من الزيت من حساسات بدي فالف اشياء زي كذا اذا السيارة تلقم بال d وال R في حركة سويتها عند واحد من الشباب عشان تفك تعليقة في القير وهي تعشق d وتضغط البريك كامل وتدعس لين الضغط يوصل 2 - 3 حولها وتحطه ريوس ونفس الحكاية 5 مريات كذا مرة في D ومرة في R وفكت شوف عندك جرب وش خسران بالتوفيق اخي الكريم

[Last Ride]

انا وديتها لـ تراي ستار في خضرية الدمام. و لما وصفت له المشكلة قال لي المشكلة في الحساسات. المهم وديت له السيارة و انتظره يفحص حساسات القير و يرد علي

[A_F]

الليه ييسر لك الأمور وتكون مشكلة بسيطة بإذن الله

[مكشات 1435]

الله ييسر أمرك

[Last Ride]

آخر شي صار معاهم الحين ان الحساسات سليمة, و ان المشكلة في كلتشات الـ D , و الـ R

و يبون شغل يد ٣٠٠٠ ريال !! غير قطع الغيار

[بدوي جنوبي]

عشانها لكزس قالو شغل يد ب 3000
الله يشل ايديهم حراميه هذا ومن غير القطع

لا تلصح عند ترايستار كل قطعهم مضروبه
روح الوكاله شوف كم يقولو

[Rapture]

روح ورشة دكسول كويسة

[االرحال]

الليه ييسر لك الأمور وتكون مشكلة بسيطة بإذن الله

[5200]

اخوي حاول تفحص منظم القير مشكلته اذا خرب لو توضب القير مرتين او ثلاث ما راح تستفيد بدون ما تغير المنظم دور احد فاهم بالقير ولا تستعجل ابدا

[Last Ride]

السلام عليكم

في النهاية رحت لورشة و فتحت القير و طلع ان حتى التروس مكسورة و البدي فالف خربان.

فكان لازم توضيب او تبديل قير.

أنا بدلت القير. بس بعد ما بدلته التعشيقات كانت سليمة الا أول تعشيقة. اذا السيارة واقفة و اضغط بنزين تنتع عليي ٣ نتعات قبل ما تعشق عدل و لمبة التراكشن تطلع, يعني كان السيارة بتزيح و التراكشن قاعد يمسكها, فرجعت للورشة و فحصوه قالوا بنبدل بقير ثاني و اذا المشكلة لا زالت موجودة يعني مو من القير.

المهم بدلت القير مرة ثانية و لا زالت المشكلة موجودة

و الحل ؟

[هاوي الديرة 1]

السلام عليكم
صار معي تقريبا نفس الى معك يفضي القير نتعة في التغيير
المهم بعد الفحص طلح حساس تي بي ا س وغيرة وضبط القير

[Last Ride]

إن شاء الله بشوف الحساس و ارد لكم خبر

بس هالحساس وين موجود ؟

[هاوي الديرة 1]

موجود عند مدخل الهواء للمكينة
وان شاءالله تنحل باقل التكاليف

[Last Ride]

فحص الكمبيوتر ما أظهر شي سليم

التقيت مع مهندس في لكزس قال يا المشلكة من البنزين أو وايرات البواجي

هذا و الله اعلم