ضغط الزيت منخفض .. أطفئ المحرك !!

[خالد الشعبي]

السلام عليكم

سيارتي يوكن 2008 قبل أسبوعين شغلت السيارة الصباح طلعت عندي رسالة على الشاشة ( ضغط الزيت منخفض ، أطفئ المحرك ) وامبير ضغط الزيت نازل ، طفيت السيارة وشغلت مرة ثانية ولما سخنت السيارة رجع طبيعي ، رحت للداوم وبعد الدوام مريت فحص كومبيوتر قال إما إنها طرمبه زيت أو حساس لكن غير الحساس لأنه خرابه كثير مع حرارة الزيت ، غيرت الحساس وضبط الموتر .

البارح رجعت نفس المشكلة وأعتقد إنها طرمبة الزيت ، ولا شغلت السيارة اليوم كله !!

وش رايكم بالموضوع ومن منكم مر بمثل هالتجربة وين تنصحوني أغير طرمبة الزيت بأي مركز و أروح للوكالة أفضل ..

ودمتم بخير

[Bleazr]

السلام عليكم

سيارتي يوكن 2008 قبل أسبوعين شغلت السيارة الصباح طلعت عندي رسالة على الشاشة ( ضغط الزيت منخفض ، أطفئ المحرك ) وامبير ضغط الزيت نازل ، طفيت السيارة وشغلت مرة ثانية ولما سخنت السيارة رجع طبيعي ، رحت للداوم وبعد الدوام مريت فحص كومبيوتر قال إما إنها طرمبه زيت أو حساس لكن غير الحساس لأنه خرابه كثير مع حرارة الزيت ، غيرت الحساس وضبط الموتر .

البارح رجعت نفس المشكلة وأعتقد إنها طرمبة الزيت ، ولا شغلت السيارة اليوم كله !!

وش رايكم بالموضوع ومن منكم مر بمثل هالتجربة وين تنصحوني أغير طرمبة الزيت بأي مركز و أروح للوكالة أفضل ..

ودمتم بخير

طيب يالغالي مفروض ان الفني عمل لك فحص لضغط طرمبة الزيت عشان تتأكد ويتأكد من انها شغالة تمام

في جهاز يفحص لك الطرمبة مر الورشة وتأكد

[خالد الشعبي]

طيب يالغالي مفروض ان الفني عمل لك فحص لضغط طرمبة الزيت عشان تتأكد ويتأكد من انها شغالة تمام

في جهاز يفحص لك الطرمبة مر الورشة وتأكد


شكرا لتجاوبك
لكن وين تنصحني اروح لأي مركز ؟

[Bleazr]

شكرا لتجاوبك
لكن وين تنصحني اروح لأي مركز ؟

صراحة مافي مركز ارتحت له جرب لو في الرياض صناعية الخليج

[abusummer]

كم لزوجت الزيت الي تستخدمة 10-30 او 20 - 50

[خالد الشعبي]

كم لزوجت الزيت الي تستخدمة 10-30 او 20 - 50

استخدم زيت فوكس سوبر جي تي 10w30

[بدوي جنوبي]

استخدم زيت فوكس سوبر جي تي 10w30

هذا الزيت مناسب
لكن الموصى به من المصنع 5 دبليو 30
وشوف مكتوب على غطاء تعبئة الزيت في المحرك

عموما هذا عيب مصنعى في اليوكن والتاهو ضعف طرمبة الزيت
بسبب ان الحلقه الجلد الموصله ما بين ماصورة والطرمبة نفسها تنطلق من مكانها
بسبب زيادة اللزوجة (الزيت ثقيل )

أستطلاع لمعرفة أكثر السيارات أعطال طرمبة الزيت (http://www.mekshat.com/vb/showthread.php?t=511435)

[بدوي جنوبي]

http://www.mekshat.com/vb/showthread.php?t=172993




حياك اخوي نفود بريدة

سؤال
اثناء استخدامك للموتر
وش وضع انبير الزيت ؟؟؟
هل هو نازل ؟ هل ولعت لمبة حمراء حقت الطرمبة ؟
هل هو يلعب مرة على الثلث ؟ مرة على الربع ؟
قد يكون سبب المشكلة ضعف الطرمبة او تهريب صوفة ماصورة الكرتير
او الموتر محتمي سابقا !!!



رد لموضوع سابق

و عليكم السلام و رحمة الله

طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع

طبعا لو خربت اللمبة راح تولع لمبة حمراء
((ضغط طرمبة الزيت منخفض))
+ الانبير يطيح على الصفر
و هذا دلالة على خراب الطرمبة
ايضا +
راح و انت واقف عند اشارة مثلا
صوت طقطقة للمكينة همن اذا دست بنزين راح الصوت
لان الزيت رقا للمكينة بسبب سرعه دوران طرمبة الزيت مع سرعه المكينة

طبعا غالب الامريكي عند اشتغال الموتر و هو بارد خصوصا في الصباح
يظهر صوت احتكاك و ططقطقة للتكايات و البلوف
لمدة 5 او 7ثواني همن اذا رقا الزيت اختفى الصوت :good2:
و سالت اصحاب ورش + الوكالة يقولون الصوت طبيعي جدا
بسبب نزول كل الزيت الى الكرتير

دلالة خراب الطرمبة => اللمبة الحمراء + طقطقة بالمكينة + انبير الزيت
على الصفر


عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

فيه ناس غيروا انبير العداد ب150 ريال و ضبط الموتر :good:
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت

دام موترك اذا وقفت مافيه صوت لا تحرك ساكن :no2:


عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النض :good:
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر :no:
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:

(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)

ان شاء الله في الايام القادمه اذا الله يسر
راح انزل موضوع عن الطرمبه بالصور

هذي ماصورة الطرمبة ماصور الشفاط و لاحظ السيلة او الوجه

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg


لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


هذي الطرمبة الجديدة الكابرس و الجمس نفس بعض

http://www.mekshat.com/vb/../pix/upload03/images134/mk53291_bdfb4.jpg



http://www.mekshat.com/vb/../pix/upload03/images134/mk53291_bffbf5.jpg


جزاك الله خير
اذا دست بنزين و الموتر واقف
همن طفت الرسالة + اختفاء الصوت
فالمشكلة باذن الله
صوفة او سيلة ماصورة الكرتير
او من بلف الطرمبة فاتح ما يسكر
او من صوفة صدر المكينة اللي راكبه على
الطرمبة
و هذا احتمال ضعيف

http://www.mekshat.com/vb/../pix/upload03/images134/mk53291_ssv111.jpg


http://www.mekshat.com/vb/../pix/upload03/images134/mk53291_gnbdb222.jpg









رد للمشرف السابق سوبر فتك
http://www.mekshat.com/vb/showthread.php?t=270257

[black_list]

السلام عليكم ورحمة الله وبركاته

قبل كل شي غير الحساس من جديد تراه دايم يخرب انا غيرته خلال الثلاث شهور ذي مرتين

[مضارب سيارات]

لاتغيير الا اللي قاله سوبر فتك لان هذا خلل مصنعي في هالانواع وبعدها غيير الزيت خفيف

ماتكلف الا اقل 1000 ريال

لاتتاخر والا تنعدم مكينة موترك

اكلمك من تجربة

[وطن العزة]

سؤال اذا نزل أمبير الزيت وظهرت الرسالة بالطبلون , سمعت صوت طقطقه بالمكينه ؟؟؟؟؟

إذا ما فيه صوت معناه ان الطرمبة وضعها تمام وبكذا يكون العطل عندك بالحساس أو الامبير اللي بالطبلون

[مطعس بنملة]

نفس المشكلة حصلت معي في اليوكن خاصة في الصبح مع البرد ينزل الامبير اخر شي تحت ويلعب يعني مو ثابت وتفتفه وتطفي السيارة واشغل واذا احترت السيارة يرجع طبيعي. وطلعت المشكلة من طرمبة الزيت وغيرتها والحمد للة لها الان سنتين. كلفتني مع شغل اليد تقريبا 1500 ريال.

[مطعس بنملة]

سؤال اذا نزل أمبير الزيت وظهرت الرسالة بالطبلون , سمعت صوت طقطقه بالمكينه ؟؟؟؟؟

إذا ما فيه صوت معناه ان الطرمبة وضعها تمام وبكذا يكون العطل عندك بالحساس أو الامبير اللي بالطبلون






صح كلامك انا مريت في هالمشكلة وفيه صوت طقطقة قوية صوت حديد يخبط في بعض.

[مآلقيت اسم]

شوف موضوع بدوي جنوبي اللي اقتباس

صارت معي نفس مشكلتك

وغيرت الجلده 35 وشغل في البيت

بس المشكله رجعت لي

وغيرت الجلده اصلي من الوكاله
ونوعية الزيت كان 5w30
وغيرته 10w30
وضبطت
لها الحين فوق سنتين زي الحلاوه
وبعت الموتر قبل ثلاث اشهر وللحين مع الرجال
مايشتكي من شي

[همس الغدير]

ما شاء الله لا قوة إلا بالله معلومات جدا مفيد جزاكم الله خير

[حترش]

نفس مشكلتك يا خالد عندي في اليوكن 2009 تجيني تنبيه اطفئ المحرك زيت المحرك منخفض .. على طول اطفئ السيارة وارجع أشغلها ترجع تمام .. لأني خفت بالمرة الأولى روحت الشييك على الزيت ألاقيه تمام التمام مو ناقص والا شي .. وماشي حالي بالطريقة هذي وعلى الله ...

[خالد الشعبي]

بعد فحص السيارة عند ميكانيكي فلبيني أكتشفت أن السبب هو ضعف في طرمبة الزيت وتم تغييرها والحمد لله السيارة رجعت بأفضل حال ..
تم تغيير طرمبة الزيت في ( مركز النظائر ) في صناعية الخليج ميكانيكي فلبيني والتكلفة حوالي ٢٠٠٠ ريال ..

[حترش]

يعني المشكلة من طرمبة الزيت فقط مو الحساس والا اي شي ثاني

[زيزفون]

كلام جميل ومبروك عليك ان صلحت السيارة ---لكن حبيت اداخل بمعلومه وهي انه واجهتني نفس مشكلتك قبل خمس شهور في بليزر 2009--وغيرت طرمبة زيت مع الجلد --وبعد ثلاث شهور رجعت نفس المشكلة --ونصحني هنا الاخ المبدع ريثان القصيم --وقال لي غير على زيت 5---20
وفعلا بعد التغيير ماشية معي الان بكل امتياز بفضل الله --لان الزيت الثقيل طبيعي صعب رفعه عكس الزيت الخفيف
وسلامتك