اين اجد الشماغ الكشميري الشتوي بالرياض

[سما الساري]

الله يوفقكم
اللي يعرف محل يبيع الشماغ الكشميري الشتوي بالرياض يدلنا

[المهاجر انا]

اخووي سما السلام عليكم ورحمة الله صل الجمعه في الجامع اللي جنب مركز الهلال الاحمر امامه الجهني على طريق الملك فهد رحمه الله تحصل واحد يبيعها على 20 ريال اقصد الشماغ الاحمر الهندي الثقيل اللي علي ختمه خروف

[ابو سلطان 6]

شارع الثميري فيه عروض كثيرة للشمغ والشالات

[NissaN 1990]

سوق الزل فيه المستلزمات الرجالية وكله محلات قديمة

[مرسي الزناتي]

مثل ماتفضلو الاخوان في سوق الزل وانا حصلتها عند محل المجاهد واذا ماخانتي الذاكرة كان سعرها فوق الألف ريال

[سما الساري]

اسال الله ان يوفقكم جميعا
وييسر اموركم وبسعدكم دنيا واخرة

[Mohammed5d]

اذا تبي شالات شتويه عليها الكلام فييه واحد يبيعها في انستقرام يجيبها بنفسه نقشات جديده وناعمه اسعاره من الالف الي الالف وثمان اذا بغيتخ ارسلت رفمه عالخاص

[Anwar abdulla]

اظن اسعارها من 800ريال وطالع

[اصيل نجد]

هلا باخوي سما الساري صراحه نويت اشارك معكم بالراي لااني شفت شالات بيض او بيج كشميريه ونقشات مختلفه اسعارهامن الثمانين الى مائه واربعون هاذي بمجمع المعيقليه بالديره يوجد قسم رجالي كبير جدا ويوجد جمله ومفرق الموزعين الرئسيين للاقمشه والثياب والشمغه والطواقي .
اما ماذكروا الاخوان يعني ياصل سعر الشال الى 1800 او 2000 اعتبرها اسعار فلكيه !!!مهما كانت جودته هو بالاخير شماغ او شال اخرته يخربه الغسال بغسله بخار او غيره او بالكوي وكلن في ماله حر هذا الكلام عن نفسي اكثر من 200 ريال والله استحرم ادفعها مهما كان نوع الشماغ راي شخصي

[صياد الخبر]

السلام عليكم



هلا باخوي سما الساري صراحه نويت اشارك معكم بالراي لااني شفت شالات بيض او بيج كشميريه ونقشات مختلفه اسعارهامن الثمانين الى مائه واربعون هاذي بمجمع المعيقليه بالديره يوجد قسم رجالي كبير جدا ويوجد جمله ومفرق الموزعين الرئسيين للاقمشه والثياب والشمغه والطواقي .
اما ماذكروا الاخوان يعني ياصل سعر الشال الى 1800 او 2000 اعتبرها اسعار فلكيه !!!مهما كانت جودته هو بالاخير شماغ او شال اخرته يخربه الغسال بغسله بخار او غيره او بالكوي وكلن في ماله حر هذا الكلام عن نفسي اكثر من 200 ريال والله استحرم ادفعها مهما كان نوع الشماغ راي شخصي




صدقت


لافظ فوك



بالتوفيق

[mohdabusaleh]

رح لشارع الثميري تلقاه عند الوكيل العطار في آخر الشارع وانت طالع على اليسار

[الفريح1]

اسعار مبالغ فيها الي يشوفنا الحين الثلج مغطينا .البس بجامة انجليزية ولا عليك

[أبا جوري]

شاريها من جامع في حي السويدي
شارع السويدي العام

[Mohammed5d]

هلا باخوي سما الساري صراحه نويت اشارك معكم بالراي لااني شفت شالات بيض او بيج كشميريه ونقشات مختلفه اسعارهامن الثمانين الى مائه واربعون هاذي بمجمع المعيقليه بالديره يوجد قسم رجالي كبير جدا ويوجد جمله ومفرق الموزعين الرئسيين للاقمشه والثياب والشمغه والطواقي .
اما ماذكروا الاخوان يعني ياصل سعر الشال الى 1800 او 2000 اعتبرها اسعار فلكيه !!!مهما كانت جودته هو بالاخير شماغ او شال اخرته يخربه الغسال بغسله بخار او غيره او بالكوي وكلن في ماله حر هذا الكلام عن نفسي اكثر من 200 ريال والله استحرم ادفعها مهما كان نوع الشماغ راي شخصي


كلامك صحيح وانا شاري من سوق الزل هندي ب100ريال تطريز مكينه بس الاخ يبي كشميري ودليته

[Ushaiqr]

اذا تقصد الصوف الاحمر الغامق الكشميري تلقاه في الثميري عند محلات الشمغ ابو سراج وملك الطواقي وغيراها انا شاريه من يجي ٧ سنين ب ٧٠ ريال وشايفه قريب بس مدري عن سعره
وفيه انواع من ٦٠٠ وانت طالع

[صصعفق]

السلام عليكم



شف ابوصفلك محل للاطلاع فقط وانت حر في الشراء

ليش

المحل

غااااااااااااالي بالحيل بس جوده عاليه

ونت في شارع الزل (( الديره )) متجه طبعاً شمال لانه رايح بس

يجيك محل اسمه المقيرن على اليسار

ادخل بعده يسار شارع عريض

واول شارع يسار يجيك محل النافع على اليمين ادخل بعده يمين هو يجي على اليسار

او اسئل اليماني الي في محل النافع اسمه صالح عن المحل

تبي تجوزلك كل الشالات والشمغ بس غااااااليه

والشماغ وجه نضر اغلى من 150 الى 20 حرام

وانت حر رح واطلع على الموجود

ارجو ان اكون قد اوضحت ولا طولت عليك

موفــــــــــــق

[awdah99]

هلا باخوي سما الساري صراحه نويت اشارك معكم بالراي لااني شفت شالات بيض او بيج كشميريه ونقشات مختلفه اسعارهامن الثمانين الى مائه واربعون هاذي بمجمع المعيقليه بالديره يوجد قسم رجالي كبير جدا ويوجد جمله ومفرق الموزعين الرئسيين للاقمشه والثياب والشمغه والطواقي .
اما ماذكروا الاخوان يعني ياصل سعر الشال الى 1800 او 2000 اعتبرها اسعار فلكيه !!!مهما كانت جودته هو بالاخير شماغ او شال اخرته يخربه الغسال بغسله بخار او غيره او بالكوي وكلن في ماله حر هذا الكلام عن نفسي اكثر من 200 ريال والله استحرم ادفعها مهما كان نوع الشماغ راي شخصي


صدقت بارك الله فيك شي مهو معقول .....

[سما الساري]

بارك الله فيكم جميعا
بس انا مجرب الكشميري لدي شماغ من 20سنة والله يادفا فيه غير معقول .صحيح سعره غالي لكن يستاهل

[أبو جراح11]

الي يبي الدفاء يلبس قبعة بدال الطاقية/وتكون بيضاء/مسألة أني اشتري شماغ بكثر من 140ريال //الله يبطي بساعة الشر//

[أبوصالح9]

اشتر شماغين ب 20 ريال ودبلهن على بعض وخيطهن وانا اضمن لك ان يصير راسك تنور

الله يرحم حالنا بس

قاعد اتخيل نفسي اوقف عند الصراف واسحب 500 ريال واروح للمحل واعطيه 500 عشان شماااااااااااااااااااااااااغ؟؟؟؟؟؟

[7oOoRaan]

يبن الحلال شاريه بعشرين ريال وكشميري ومن ثقله ماقدر ولامغسله يضبط المرزام وبعدين ثقيل ولو تبي تخليه دوشق مايضره ولا تبي تخليه رواق هم بعد مايضره..اجل شماغ بخمس ولا بالف اذا شماغ البسام ابو ميه وخمسين الي بصراحه الشماغ فقط هويته من عشرين سنه والشماغ يفقد احمراره ويصير اشهب صرت ماشتريهن وطحت بالسوريات بثلاثين ريال يالله من فضلك احمر وشماغ اصلي

[النبع]

انا مثلك شاريه بعشرين ريال والله يا هو ثقيل وعجزت اخلي له مرزام
لكن يا ليت صورة الشماغ اللي 1000 ريال لايصير ملعوب على العالم ويصير نفس اللي شاريه بعشرين ريال

[مطول صبري]

سوق الزل برياض عند قصر الحكم تحصل كل شي