ما الأفضل بين الأثنين صبة الظاعن او النورس(هام جدا)

[دهام المحاجي]

السلام عليكم اسعد الله صباحكم
أخواني أن مقبل على شراء طراد
تقريبا حجمه 24 قدم او 27 قدم
ومحتار بين النورس والظاعن والنسبه للقراج عندي بالبيت مايشيل الا حجم 24قدم لذالك متردد في شراء 27 قدم
ومحتار بين النورس الي اسمع الاغلبيه يتكلمون عن حذفه في القرف يمين او يسار
والضاعن الكل يشتكي انه يطبل البحر والله اني في حيره من امري
وتنصحوني بحجم المكاين ثنتين, أي حجم 40 او 55 او 75 حصان , وهل لازم المكائن بهذا الحجم ان تعمل بشكل متخالف بالنسبه للبارونه, خصوصا يا اخواني اني اطلع بشكل دائم من الدمام الى الجعيمه وكل واحد معه طراد يعرف الموج اذا اشتد الهواء براس تنورة
انا عندي طراد حاليا بس حاب اغير رغم ان مكينته 140 وحجمه 18 صبة الروضان
خصوصا ان الطراد استخدام الشايب ومثلكم عارف الواحد وده يريح شايبه وياخذ له طراد مريح ومتماسك ومايجيب راش ويقدر على موج راس تنورة
والشكر موصول
آخواني اتمنى النصيحة
(( الأشخاص الي عندهم هالنوعية من الطرادات لايمدح بالقرف عشان اذا جاء يبيع طراده يجيب له سعره هذا الموضوع لشفافيه والتحدث بحقيقة هذا النوع من الصبات))
طبعا صبة الفردان كل مادخلت موضوع قالو صبة هنود وبنقاليه ,رغم اني ماشفت احد من الأعضاء يذمها لقوتها فقط لانها طبقه وحده هذا الي قريته او فهمته من كلام الشباب الموجودين بالمنتدى.

[sanad81]

أخوي بتكلم معك من واقع تجربه ولا عندي اي واحد منهم ألحين , الي عندي 36 قلف كرفت

أخوي جربت النورس وجربت الضاعن وجربت الكوهجي وجربت الفردان وجربت العماني الجديد والدرازي

الضاعن في صبتين القديمه وهي ممتازه وجيده وعيبها ثقيله والجديده وما تسوى سعرها وأنواع الدق وأنت تمشي
الكوهجي مشيه حلو بس مشكلته الراش وثقيل

النورس مشيه حلو والراش يجيك بس خفيف وفي الموج , وزنه خفيف عيبه نحيف مقارنه بالكوهجي والضاعن وهذا الي يخليه يحذف أو مثل ما نقول يشط وهو يمشي ولا جاك الموج جانبي يخوف صراحه

الفردان الطبقه الوحده أو الي يسموه الصياد حق بنقاله وما يصلح , اما الطبقتين فهو ممتاز جداً برأيي وافضله على الانواع الي قبل وعيبه التشطيب مشي حالك

الدرازي ممتاز بالمشي وحمي ما يجيك راش , بس من ناحيه الجوده في ناس كثيره أشتكت منه وفي ناس تمدح فيه

العماني الجديد صبته خرافيه مشيه مو طبيعي ولا يجيك راش , جوده وتشطيب نهائي أكثر من رائع بس الطراد سعره غويلي شوي , أغلا من زملائه وجديد في السوق ما نعرف خيره من شره بس أشوف في الكويت طاحو فيه والمصنع مو ملحق والتسليم عنده بعد 6 شهور

في رأيي المتواضع مدامك جربت الروضان ولا واحد منهم راح يعجبك في المشي والمرقا ,

[دهام المحاجي]

أخوي بتكلم معك من واقع تجربه ولا عندي اي واحد منهم ألحين , الي عندي 36 قلف كرفت

أخوي جربت النورس وجربت الضاعن وجربت الكوهجي وجربت الفردان وجربت العماني الجديد والدرازي

الضاعن في صبتين القديمه وهي ممتازه وجيده وعيبها ثقيله والجديده وما تسوى سعرها وأنواع الدق وأنت تمشي
الكوهجي مشيه حلو بس مشكلته الراش وثقيل

النورس مشيه حلو والراش يجيك بس خفيف وفي الموج , وزنه خفيف عيبه نحيف مقارنه بالكوهجي والضاعن وهذا الي يخليه يحذف أو مثل ما نقول يشط وهو يمشي ولا جاك الموج جانبي يخوف صراحه

الفردان الطبقه الوحده أو الي يسموه الصياد حق بنقاله وما يصلح , اما الطبقتين فهو ممتاز جداً برأيي وافضله على الانواع الي قبل وعيبه التشطيب مشي حالك

الدرازي ممتاز بالمشي وحمي ما يجيك راش , بس من ناحيه الجوده في ناس كثيره أشتكت منه وفي ناس تمدح فيه

العماني الجديد صبته خرافيه مشيه مو طبيعي ولا يجيك راش , جوده وتشطيب نهائي أكثر من رائع بس الطراد سعره غويلي شوي , أغلا من زملائه وجديد في السوق ما نعرف خيره من شره بس أشوف في الكويت طاحو فيه والمصنع مو ملحق والتسليم عنده بعد 6 شهور

في رأيي المتواضع مدامك جربت الروضان ولا واحد منهم راح يعجبك في المشي والمرقا ,

ونعم الشور اخوي يعني رايك الفردان طبقتين؟؟
بالنسبه للعماني بصراحه انا شفت شغلهم روعه بس عيبه الوحيد يبيله غير سعر القرف مكاين كبيره عشان تقدر تشيل حجمه وبصراحه اهل الكويت مو مقصرين بدعم المشاريع الوطنيه عشان كذا الناس الي تفتح لها مشاريع يتحملون الانتقاد بصدر رحب ويطورون من حالهم عكس المصانع الاخرى بالخليج

[sanad81]

والله تبي رأيي صراحه
دورلك الروضان والا النسر ولا يعقوب الدوسري 24 عليه 75 ثنتين أحسنلك
وأن كنت تبي هامور مقارنه بالممشا والراش والدق , الاول الدرازي والثاني الفردان والثالث الضاعن الصبه القديمه والرابع الكوهجي والخامس النورس
من ناحيت التشطيب وجوده الانتاج
الاول الضاعن الثاني النورس الثالث الكوهجي الرابع الفردان
والدرازي مختلف عليه