مشكله وتفتفه متوسطه الصباح بعد تغيير البنزين الى 95

[ysf_tm]

تفتفه خفيفه بعد ما غيرت الى بنزين 95 !!

السلام عليكم ورحمة الله

صبحهم بالخير والرضا جميع

حصل اني عبيت سيارتي بنزين احمر 95 بالغلط وفللت السياره علما
انه كان باقي ربع من 91 اخضر ,,

اتصلت ع شخص خبير ف هالامور قال ماعليك ضرر دام انك فللت السياره !!

لكن بعدها احصل تفتفه خفيفه تزيد شوي ثم تخف كل صباح بعد التشغيل بثواني وتظهر لي اشاره المكينه ؟؟

هل تنصحوني افضي التانكي وارجع الى 91 , او الامر طبيعي حتى يتعود الموتر



كابرس 2007 6 سلندر

[ريثان القصيم]

تفتفه خفيفه بعد ما غيرت الى بنزين 95 !!

السلام عليكم ورحمة الله

صبحهم بالخير والرضا جميع

حصل اني عبيت سيارتي كابرس 2007 6 سلندر بنزين احمر 95
بالغلط وفللت السياره علما
انه كان باقي ربع من 91 اخضر ,,
اتصلت على شخص خبير ف هالامور قال ماعليك ضرر دام انك فللت السياره !!



صدق اللي قال لك ما عليك ضرر
لاتنزل التانكي ابد
بس اذا انت من زمان ما غيرت فلتر البنزين غيره زود حرص وامسك خط سريع 120كم عشان بن الـ؟؟؟؟ ساهر
ونصيحه مره فلل 95 ومره فلل 91 عشان ما تستنكر المكينه
والله يعينك


اخوك
ريثان القصيم

[ysf_tm]

لاهنت يا ريثان القصيم ع معلومتك

حاب اشوف اكبر عدد ممكن من الاراء

لان اليوم بعد مشوار 100 كيلو كاني شميت ريحة بنزين داخل السياره !! او انا وسوست مدري

[مآلقيت اسم]

اتوقع عادي التفتفه يمكن مثل ماقال اخونا ريثان القصيم

شوف صفاية البنزين

اما من ناحية تغير البنزين مايضر نهائيا
لن نهايته بيحترق ونت امشي لين يصقرب يصفر وغير صفايه وعبي اخض
والله يسهل لك

[ysf_tm]

اتوقع عادي التفتفه يمكن مثل ماقال اخونا ريثان القصيم

شوف صفاية البنزين

اما من ناحية تغير البنزين مايضر نهائيا
لن نهايته بيحترق ونت امشي لين يصقرب يصفر وغير صفايه وعبي اخض
والله يسهل لك


يا هلابك سعدت بتعقيبك

اولاً صفاية البنزين كم سعرها تقريبا كابرس 2007 6 سلندر

ثانياً تقول بعد ما يصفر التانكي ارجعه اخضر ؟؟ ليه

هو كنت اعبيه اخضر ب استمرار وعبيته بالغلط احمر !! معقول ارجع للاخضر من جديد

[التمسساح]

الاحمر افضل من الاخضر وماعتقد انه يسبب تفتفه احتمال عندك البواجي قديمه

[ابوضيف الله]

يارجال ماعليه والبنزين مهو سبب التفتفه اللي تقول عنها صادفت
انا مره اعبي ٩١ ومرة٩٥ على حسب اللي متوفر في المحطة
بعض الاحيان يكون التانكي فيه نص ٩٥ وافلله ٩١ والعكس
لاتوسوس

[مآلقيت اسم]

سعرها ماعندي علم
انا قلة لا صفرت غير الصفايه وحط بنزين اخضر ليه لاصفرت لن التانكي بيكون
فيه رواسب وبتروح للصفايه وول ماتغيرها رح يكون نسبيا نظيف
الاخضر اخف ونظف ولايوجد به رواسب زي الاحمر واول ماطلعو الاخضر كان به
مشاكل وضعف بالاحتراق
بس طوروه وسار افضل من اول
ونت واللي يريحك بصراحه كل سياراتي اعبيها اخضر
قديمه وجديده ومرتاح وارخص

[ysf_tm]

لاهنتوا الله يعطيكم العافيه ع تعقيبكم ,,

الصراحه احترنا واختلفت الاراء بين الاخضر والاحمر ؟

[بدوي جنوبي]

ياخى لا تقلق
صدقنى ان بنزين 95 افضل بكثير

اصلا من زمان ما عندنا الا بنزين ممتاز 95 وامورنا ماشيه
ولا احد اشتكى من تفتفه ولا طرطعه

الا من بعد 91

سيارتى 2012 والله انى اعبي دائما احمر بالرغم ان الاوكتان اللى موصى فيه المصنع
الى 87 ،،، يعنى حتى 91 كثير فيه ويخب عليه
وعلى ذلك اعبي 95 لانه افضل واجود ويعطى عزم قوة للمحرك
ويطول بالسياره ،،، ويبقي الشكمان نظيف اشهب
وكذلك البواجى والبخاخات تكون خاليه من الكربون
واضف اليها طرمبة البنزين ما يتراكم عليها شوائب

وسبق فكيت طرمبة يوكن 98 لقيت عليها شوائب مثل اللى تجي على البزبوز

وسبق ان خلط البنزين مره احمر على اخضر

سبب التفتفه امكن البنزين فيه مشكله قد يكون مخلوط بماء
انا استبعد ان التفتفه من الاحمر
او يكون الاحمر سوي تنظيف للشوائب
ومع الوقت راح يصفى المحرك
وتشوف كلامى صح .