مشكله بالكلتش

[بن لويحق]

السلام عليكم ورحمه الله وبركاته
اخواني الكرام عندي مشكله تواجهني
اذا علقت على الكلتش في زحمه او عند موقف وجيت بعشق بعدها
لازم ادبل على القلتش عشان القير يلقم
الله لايهينكم ياصحاب الخبره
الموتر : لاند موديل 2000

[ريثان القصيم]

السلام عليكم ورحمه الله وبركاته
اخواني الكرام عندي مشكله تواجهني
اذا علقت على الكلتش في زحمه او عند موقف وجيت بعشق بعدها
لازم ادبل على القلتش عشان القير يلقم
الله لايهينكم ياصحاب الخبره
الموتر : لاند موديل 2000

بنفع باذن الله هالرابط

http://www.mekshat.com/vb/showthread.php?t=6789

اخوك

ريثان القصيم

[ابوشاهه]

هذا والله اعلم يحتاج اصلاح كلتش ان كانه زي بعض السيارات اليابانيه تلقاه بجنب القير ...سهل جدا .. وان كان دعسه الكلتش تلتصق بالارض ولاترجع الى مكانها (ترتفع) وتغييرات القير زينه يعني مانشبت/علقت / فهذا من اصلاح علبة الكلتش اللي في الكبوت ... والله اعلم

[بن لويحق]

جزاكم الله كل خير

[كاشت بالبر]

سو تنسيم لزيت الكلتش (تفريغ الهواء) + شيّك على دعسة الكلتش لا تكون مكسوره وشيك على وزنيتها + شيّك على زيت القير بالبنشر كانه ناقص زده ( لازم تكون السياره على أرض مستويه ومستقيمه )

وإذا ما ضبط...
غيّر هيدروليك الكلتش ( إصلاح ) قطعتين + تنسيم زيت الكلتش ( تفريغ الهواء ) + ضبط وزنية الكلتش .. وبتشوف كيف القير يلقم بسهوله ونعومه كأن السياره جديده !

clutch master cylinder
clutch slave cylinder

http://www.northwestoffroad.com/images/clutch/clutch_hydraulics.jpg

أنا صارت لي مشاكل مع الكلتش وجربت كل شيء .. وما أنحلت المشكلة إلا بعد تغيير إصلاح الكلتش ( الهيدروليك ) قيمة الطقم الأصلي ( قطعتين ) تقريبا بـ 500 ريال يختلف حسب السياره

و برأيي أنك تغير الإصلاح دام أعراض وعلامات خرابه بدأت ... لأنه تراه نكبه اذا خرب انسى يلقم القير ... لازم تشيل السياره بسطحه

غيره و ريح راسك

ولا تنسى تشتري زيت فرامل امريكي أصلي .. تحتاج علبتين أو يمكن 3 علب على حسب السياره

http://almouje.com/images/products/thumb/wagner.jpg

سعر العلبه بـ 7 ريال تقريبا وأحذر من المقلد ( ترى فيه نوع يشبهه بقوه لكن صناعته سعوديه )

[shh]

إصلاح الكلتش كما قالو الاخوان

واحرص على الزيت الاصلي