وأخيرا انحلت مشكلة الحرارة ولله الحمد

[محمد 2002]

السلام عليكم ورحمة الله وبركاته
السيارة لاندكروزر 97
المشكلة حرارة ترتفع توصل تحت النص + تحجير الليات ( الخراطيش ) + موية الرديتر تطلع خارج قربة الزايد مع السرعات العالية
الحرارة ما كانت ثابتة مرات ترتفع مع المشي ومرات مع الوقوف بعد المشي مسافة طويلة شوي
مرينا الصناعية والورش ( الحرامية ) وكانت أغلب الإحتمالات تدور حول رأس المكينة أو الوجه ( القازقيت )
اتبعنا نصايح الأخوان في مكشات وفقهم الله لكل خير بتغيير الأسهل في الأسهل
1 - غيرت غطاء الرديتر مرتين ولا نفع
2 - غيرت قربة الزايد مع غطاها ونفس المشكلة
3 - غيرت بلف الحرارة مرتين ولا نفع
4 - الحل
غيرت الخراطيش وكان فيها تنسيم بسيط جدا مستحيل انه يكتشف بالعين المجردة + ( وجه ) جلدة بلف الحرارة وتجي حلقة حول البلف وكانوا يركبونها لي غلط تحت البلف تروها مهمة جدا جدا + عبيت موية تويوتا الحمراء جالون والباقي مقطر
وبفضل الله ثم بفضل أعضاء المنتدى تم حل المشكلة وحبيت أطرح الحل هنا لتعم الفائدة وفق الله الجميع

[يالبى الهلا]

شكرا لطرحك وللفائدة للجميع

[ابوراكان تبوك]

جزاك الله خير على ذكر الحل ليستفيد غيرك

مع ان السبب بسيط قد يتسبب بخسائر كبيره

[الفريح1]

دائماً الحرارة من الخراطيش نشوفها نقول زينه ....هي سبب الحرارة

[ريثان القصيم]

الله يجعل عملك هاذا في ميزان حسناتك


غيرت الخراطيش وكان فيها تنسيم بسيط جدا مستحيل انه يكتشف بالعين المجردة


لو سمحت وين كان التنسيم بالضبط؟
------------


وكانوا يركبون الوجه غلط تحت البلف تروها مهمة جدا جدا


هذا اللي ذبحنا اللي يتعلمون الله يبعدهم عنا وعن المسلمين امين

اخوك
ريثان القصيم

[رائد الراشد]

الحمد لله


تم الإرسال بواسطة iPhone بإستخدام Tapatalk (http://tapatalk.com/m?id=1)

[عاشق القصيد]

الحمد الله انها انحلت وجزاك الله خير على النصيحه

[محمد 2002]

هلا وغلا بالجميع وشرفني مروركم
خبيرنا ريثان حياك الله
النتسيم كان في اللي الصغير الي تحت في نهايته جهة البلف مع ان الورش فحصوه كم مرة ويقولون سليم ولكن بعد فكه طلع التنسيم تحت القفيز ولا كان واضح خصوصا انه ينسم إذا قفل البلف تقريبا لأنه أثر بسيط جدا
وبخصوص وجه البلف أشوف انه ضروري تغييره مع البلف بواحد جديد مع تغيير البلف وتركيبه بالطريقة الصحيحة وهي بشكل حلقة حول البلف