شريت قدر الضغط الصيني ابغيكم تعلموني كيف استخدمه

[الطباخه]

ياهلا ومرحبا بالجميع

اخواني امس شريت قدر ضغط صيني ستيل يشيل 7 لتر ماادري هو نفسه الي يمدحونه الاخوان او لا وسعره 150 ريال..الصراحه شفته زين ويبين قوي وسعره رخيص بالنسبه للسيب الفرنسي الي سعره 470 ريال ..وهاذي صورته

http://www3.0zz0.com/2006/11/03/20/20311872.jpg

http://www3.0zz0.com/2006/11/03/20/31676380.jpg

http://www3.0zz0.com/2006/11/03/20/98051344.jpg
فارجوكم تعلموني كيف استخدمه ..كم احتاج وقت لطبخ اللحم والدجاج والرز فيه ؟؟ وكيف اعرف اذا الطبخ يستوي وشلون افتحه ؟؟

والي عنده طريقة لكبسة مثل كبسة المطاعم يعلمني ..ويارب كل واحد يعلمني الله يوفقه دنيا وآخره ويرزقه الرزق الواسع الحلال

يله انتظركم

[شبح الصحراء]

أولاً مبروك القدر أطعمك الله من خيره .

ثانياً بصراحة ماني طباخ ماهر بس يوم عرفت انك راح تدعي هالدعاء الزين لمن يعلمك قلت لازم اكون اول واحد تدعيله .

في البداية قبل أن تطبخ أي شي بالقدر لازم تفّوح القدر بماء مغلي للتخلص من الروائح ومواد الصقل والتصنيع .

طبخ وجبة كبسة دجاج مضغوط مع الرز :

المقادير /

دجاج مقطع حسب الكمية المرغوبة .
رز حسب الكمية المرغوبة (يجب ان ينقع الرز بالماء لمدة خمس دقائق).
بصل
طماطم (يجب غسل الطماطم جيداً قبل الطبخ)
ملح
زيت
بهارات

1- تعمل التكشينة حيث يقطع البصل لقطع صغيرة ويحمس مع الزيت على نار هادئة وبعد ان يتغير لون البصل للأشقر يضاف إليه الطماطم المقطع ويقلب لعدة دقائق مع إضافة البهارات إليه .

2- تضاف قطع الدجاج إلى التكشينة وتقلب لمدة دقيقة مع رفع درجة الحرارة قليلاً .

3- يسكب الماء على التكشينة وقطع الدجاج في القدر (يجب أن لا يتعدى الماء نصف القدر) يضاف الملح حسب الرغبة ثم ترفع درجة الحرارة لأقصى حد ويترك القدر يغلي لعدة دقائق .

4- يضاف الرز ( يجب ان يكون مستوى الرز مساوي لمستوى الماء وهذا مهم فأي ماء زائد يفسد الطبخة فيجب التخلص من المياه الزائدة قبل إغلاق القدر) يغلق القدر بإحكام ويترك على نار متوسطة لمدة نصف ساعة أو اكثر .

5- بعد نصف يتم التأكد من إستواء الطبخة برفع صفارة القدر وشم رائحة الرز مع البخار ، إن ظهرت الرائحة بوضوح فإن الوجبة جاهزة .

6 - أخيراً تطفئ النار وترفع الصفارة حتى ينتهي إنبعاث البخار تماماً .

7- يفتح القدر بحذر ويتم التأكد من خلو قاع القدر من الماء وذلك بمعاينته بإستخدام سكين أو ملعقة طويلة فإذا وجد الماء يغلق القدر ويعاد للنار لعدة دقائق ثم معاودة الكرة فإن زال الماء تماماً وكان الرز نثرياً فقد نجحت الطبخة وهنيئاً مريئاً .

هذه الطريقة جربتها بنجاح في طبخ مضغوط الرز بالدجاج واللحم والسمك ، وللمعلومة في المرات الأولى قد تفشل في الطبخ ولكن مع الوقت سوف تجد نفسك قد أجدت الطبخ وأصبحت خبيراًً فيه .

وعلى فكرة الصور التي عرضتها لم تظهر لأنها محجوبة ولكن القدر اللي معاك ممتاز ويفي بالعرض وهو على ما اظن نفس اللي بالصورة :

http://www.mekshat.com/pix/upload/images22/mk23961__pim1684.jpg

[يا بعد حيـــي]

يسلموووو
لازم اشتري قدر واجرب الطبخة
:)

[مسير عليهم]

مشكور على الطريقة

لإني أول ماشريته أحترق علي الغداء مرتين وبعدها عرفت له صح

[kaaaatm]

كفى ووفى.................

[عبار درب]

خذ الطريقة ذي و تبي تدعي لي المهم لا تكون اول طبخة في القدر خلها ثاني او ثالث طبخة
1/ ولع على بريق التفويح
2/قطع الدجاج او اللحم والبصل و الطماط و لا تنسى الثوم
3/ حط اللحم او الدجاج في قدر الضاغط وحط معه العدة طماط, بصل ,ثوم (ملعقة اكل) بهار مطحون ,بهار عدل ما طحن ليمون اسود ,فلفل اخضر, ورق غار, هيل, فلفل اسود
4/ حط عليه كميه مناسبة من الماء الفايح ( تغطيه و زد شوي ) لايتعدى ثلثين القدر
5/اخلط الخلطة بالملاس
6/ غط القدر ( اكتمه ) وحط البلف و عطه النار
7/ هالحين اغسل الرز حتى يصفي واشخله لا تنقعه
8/اذا تستس الدجاج عطه ثلث ساعة الغنم نصف ساعة الحاشي اربعين دقيقة
9/ابعده عن النار بحذر لا ترج القدر وهو منضغط و ارفع البلف لتفريغ الضغط
10/ بعد ما يخف الضغط افتح الغطاء وحط الرز وتأكد من كمية الماء انها مناسبه اعلى من الخلطه بقدر 2 سانتي
11/حرك الخليط بالملاس دورتين و حطه على النار
12/ اذا بربر ( بداء يطبخ )غطه و اكتمه و اقصر النار
13 / اتركه ثلث ساعة ثم طف النار و قرب مواعينك و انتسب لربيعيك

[ولد عبدالله]

كلااااااااااااااااااااام كبييييييييييييييييييير
الله يجيب المطر يالربع

[سداااااح]

انا اخالف اخوي عبار
بكثرة طبخ الدجاج او اللحم انا بالنسبه لي
الدجاج حول 600 جرام طول وقت الكشنه ويكفي وكب الرز
اما الغنم من 10 الى 15 دقيقه بالكثير
الحاشي من 15 الى 20 دقيقه ونزيد الطبخه الى 5 دقايق بالكثير اذا صار هرش((( كبير -- عود)))
والكلام هاذا على اساس ما تموع اللحمه

[عبار درب]

اخوي سدااااح هذا من واقع تجربة امتدت لأكثر من عشرين سنة :d ولاحظ في الطريقة تراى مافيها حمس سلق على طول وهذي استخدمها خلال التجوال اذا صرت عجل اما اذا كنت مقيم لا يمنع من التفنن و الحمس و الطبخ على نار هادية على ما قالو
و لك تحياتي

[سداااااح]

اخوي عبار بالطريقه هاذي ماتلاقي الا العظام وميعه بعد لاتزعل ولكن اذا تقصد الطبخ من اوله الى اخره على نار هاديه جدا
هاذا موال ثاني
اخوك
سداااااح

[عبار درب]

عداك العيب يا سداااح ما جاء منك شيء يزعل و يمكن الطريقة اللي قلت ماجازت لك و لا انت بملزوم تجربها بس انا والله ماشي عليها سنين و ماشية معي احسن ما يكون:good: :good: :good:

[نمر بن حثلين]

اخوي عبار اتفق مع الاخ سداح
انت تطول زياده عن اللازم
الدجاج حده 8 دقايق
والحاشي 20 دقيقه

طبعا تحط الدافور على اعلى شي وتحسب من يوم يتش
يمكنك تقصر عليه



الاخ او الاخت طباخه
7 لتر صيني ب150 !
مدري كن السعر غالي بالحيل
تاكد من المحل
لان الي اعرف ان احسن قدور الصيني السيف 7 لتر بحدود 60 - 70 ريال

[راعية الهدد]

حلــــــــــــــــو مره ياا الطباخه وما قصروو الاخوان في الشرح الله يعطيهم العافيه

[هواوي]

سعر الصيني سعه7 لتر او 8 لتر هو 70 ريال الى 80 ريال

150 غالي حبتين

[رمال الصحراء]

انا معك يا هواوي
لأنه موجود في بندة وعلية عرض وسعر 11 لتر 98 بندة الي على الطريق الدائري الشرقي جب ايكيا

[يا بعد حيـــي]

السلام عليكم
انا شاري قدر ضغط صيني السيف ستييييل 8 لتر بــ 135 ريااال وجربته وحلووو بس مدري اول مره يخوووف :)
شاريه من السيف قاليري اللي على الدائري الشرقي يوم الاثنين الماضي 15/10/1427هـ ... للامانه جرى نشره :)

[شبح الصحراء]

سعر الصيني سعه7 لتر او 8 لتر هو 70 ريال الى 80 ريال

150 غالي حبتين

هذي هي صور قدر العضو الطباخه اللي نشرها في الرابط المحجوب وهو يختلف عن قدر السيف وغيره من قدور الكاتم الصينية شكله نوع جديد .

http://www.mekshat.com/pix/upload/images22/mk23961_20311872.jpg http://www.mekshat.com/pix/upload/images22/mk23961_31676380.jpg

[altheeeb79]

اخوي اقرأ الكاتالوج وتعلم00هههههههههههههه000 لا عاد الصحيح الدجاج 6-7 دقايق من يبدأ يتشتش القدر 00الغنم مايزيد عن 12 دقيقه 00الحاشي مايزيد عن 20 دقيقه واذا كان الغنم والا الحاشي كبير (هرش زود من5-7دقايق عما ذكر سابقا) وانتبه للدجاج لايزيد عن 7 دقايق والا مثل ماقال سداح ويمكن ماتحصل حتى العظام0 حط اغراضك كلها مره وحده(الدجاج او الحم والبصل والطماط والبهارات والملح والماجي والليمون الاسود والدارسين والفلفل 0000) اذا انتم مثلا 5 اشخاص حط ماء 6كاسات حقت الجبن او الورق وغط القدر وانعر النار عليه لين يبدأ يتشتش ثم ابدأ الحساب للوقت مثل ماقلت فوق واذا خلص الوقت طف النار وارفع البلف لين يخلص البخار ومن ثم افتح الغطاء 0 نجي للرز انتم 5 اشخاص كل واحد له مقياس ماس واحد رز يعني 5كاسات رز اغسلهن وحطهن بالقدر وغط القدر ورجه يمين ويسار كم مره وليس بقوه حتى ينزل الرز تحت ويطلع الدجاج او اللحم فوق وحطه على النار وارفع عليه لين يبدأ يتشتش ثم قصر النار الى الاخير وخله حوالى 20 دقيقه او اكثر شوي اذا تبغى الرز نثري0000والسلام للجميع وهذه وصفة الذيب79 الخاصه والتجربه خير برهان

[رعد100]

الله يخليك