احداثية حمى التنهات

[خشم الجيب]

مسيكم بلخير يالربع لاهنتم اذا احد عنده احداثية حمي روضة التنهات او يوصف المكان ..

الروضه اعرفها بس المكان هذا مدري

بارك الله فيكم واللي يقولي ربي يرزقه بزوجه تصير ربيع قلبه للابد:D

[سحابة غائمة]

مكان روضة التنهات معروف رح مع طريق الثمامة الين توصل لمفرق الطوقي بعدين رح يمين مع التحويلة وبعدها تمشي الين توصل مفرق الطوقي تعد الطوقي وبعد كذا يجيك داور الحفنة تعد الدوار وامش الين توصل دوار حفيرة العتش بعدها امش سيده تجيك لوحة روضة التنهات 16 ك وان شاء الله ان الوصف سهل

[خشم الجيب]

مكان روضة التنهات معروف رح مع طريق الثمامة الين توصل لمفرق الطوقي بعدين رح يمين مع التحويلة وبعدها تمشي الين توصل مفرق الطوقي تعد الطوقي وبعد كذا يجيك داور الحفنة تعد الدوار وامش الين توصل دوار حفيرة العتش بعدها امش سيده تجيك لوحة روضة التنهات 16 ك وان شاء الله ان الوصف سهل
بيض الله وجهك سحابه غائمة التنهات اعرفها بس فيه حاجه اسمها حمي التنهات هاذي اللي حست بقوقل الكلام عنها قليل مره ياليت لو احد يعرف عنها شي

[أبرق الحيراء]

مساك الله بالنوور والسروور اخونا الكريم خشم الجيب حمى التنهات عبارة عن الاراضى الي تحيط روضة التنهات من جميع الجهات بمسافة حول 10 كيلو عشان الحلال مثل الغنم والابل ماترعى داخل هاذى الاراضى حفاظا علي العشب وتوجد صبات بيض تبعد كل صبة عن الثانية حول 5 كيلو من الجهات الشمالية والشمالية الغربية والغرب والشرق واتوقع من سوالك تبي الفقع كنت هناك امس مدة يومين ما وجدت غير الهوبر اصغر من من حبة الزيتون لاكن المتعة كانت ممارسة المشى والتمتع بالربيع الطيب الموهم دور الفقع يمكن حظك اطيب من حظى وعليك بالمناطق شمال غرب الروضة ولا تنسنا من دعواتك وبالتوفيق عليكم

[سقم المعادي 1]

بتشوف لوحات مكتوب عليها حدود حمى روضة التنهات من قبل اللوحه وجاي هذي حمى التنهات

[خشم الجيب]

بيض الله وجهيكم ماقصرتوا

[ayesh123]

شكراا لكم ماقصرتو