الصيد على السيف والسمكة سبيطي.. أدخل وعلمني نوع الخيط

[ABOYOSEF]

السلام عليكم ورحمة الله وبركاته

كثر السؤال عن نوع الخيوط الخاصة بالصيد مع أختلاف الأراء ألا وأن هناك خيوط ذات جودة عالية وتمتاز بالقوة والتحمل وعدم الأتلاف فما هي تلك الخيوط.
الله لايهيينكم أبي نوع ممتاز مجرب التحمل 15 كيلو وأكثر
أتمنا الرد مباشرة من المجرب وليس أرفاق رابط
للمعلومية الصيد على السيف
ياليت محل لبيع أدوات صيد ممتاز بالدمام بصراحة أحترت وعن نفسي أتعنى للخبر في السويكت بسبب الجودة والأشياء كلها موجودة

[wm83]

تي فورس احمر 50 الاصلي وفيه ازرق بس اميل للاحمر , واختلف مع الشباب الي تقول الامريكي وخاصه في الشتاء.
الي بالخبر اغلبهم عندهم تي فورس بس مضروب مو الاصلي

افضل محل علي الاطلاق الربان البحري كرنيش الدمام شارع 16
واذا تبي تفصيل اكثر ابشر

[ABOYOSEF]

الله يجزاك خير أخوي الغالي على التنويه والمعلومة لكن الربان البحري اللي أمتداد الشارع اللي هو فيه دوار الصدفة
*كيف أفرق بين الأصلي والتقليد منه

[wm83]

وياك ...

الوصف صح , يجيك قبل المحطه علي اليمين ... لوحه المحل مو باينه ضاربها الشمس :)
بس الربان البحري لشغلات الثقيله يعني سوالف بسيطه ماتحصل عنده خيارات كثير مثل محلات الخبر

بالنسبه لتي فورس تعرفه بكرتونته .... بحاول اليوم اذا خلصت دوام اصور لك الي عندي وارفقها هنا

[أحمد السوويدي]

تي فورس الابيض 50

خاص بالماي المالح

خيط طيب وله بالاسياف صولات وجولات

انصحك فيه

[ethichalman]

التي فورس اسوء خيط عرفته خيط قوي بس زي السلك وكثير الشربكه انا اعتقادي افضل خيط ال big game مشكله الربان البحري الدعايه الكاذبه انا انصح بمحل عرفه في الخبر وخاصة مديرهم الهندي شخص اعرفه صادق من عشرين سنه

[wm83]

التي فورس اسوء خيط عرفته خيط قوي بس زي السلك وكثير الشربكه انا اعتقادي افضل خيط ال big game مشكله الربان البحري الدعايه الكاذبه انا انصح بمحل عرفه في الخبر وخاصة مديرهم الهندي شخص اعرفه صادق من عشرين سنه


عطنا اسم المحل وخلنا نستفيد ولا بس فالح انك تخرب سمعه محل !!
ياخوي خاف الله اذا عندك ملاحظه قولها ولا لا تعمم , عندك مشكله اكتبها صريحه وبلاش نشكك في مصداقيه الناس.

[wm83]

التي فورس اسوء خيط عرفته خيط قوي بس زي السلك وكثير الشربكه انا اعتقادي افضل خيط ال big game مشكله الربان البحري الدعايه الكاذبه انا انصح بمحل عرفه في الخبر وخاصة مديرهم الهندي شخص اعرفه صادق من عشرين سنه


وبالنسبه لخيط التي فورس اغسله بمويه دافيه وصابون قبل لا تطلع وشوف كيف يصير

[ABOYOSEF]

كل الشكر لكم تم شراء خيط ولله الحمد مقاس 90

[فايز76]

اخوي مقاس 90 للسيف والسبيطي كبير جدا

[wm83]

كل الشكر لكم تم شراء خيط ولله الحمد مقاس 90




اما 90 !!!

ما اتوقع يضرب معاك سبيطي ابدا الا اذا كان ميت جوع و بايعها :)

[Tracer]

يالحبيب خيط 90 يستخدمونه في عمان

هنا يبيلك للسبيطي من 50 الى 70 بس الأفضل 50 , 60

وراسلني ع الخاص والأسبوع الجاي بوديك محل ع السيف يحبه قلبك
تحياتي

[ABOYOSEF]

للكنعد وليس للسبيطي يالربع

[accentkool]

تربل فش
سبايدر
فانش

[safii]

طولو بالكم يا جماعة الخير:D
بالنسبة للخيوط التي فوس خيط قوي جدا ولكن فيه عيب واحد انه الخيط يابس مافي اي مرونه وهذا عيب بالنسبة للصيادين الي يستخدمون القصبات .. صياد القصبات بحاجة الي خيط قوي ولين بأختصار هو خيط بيق قيم

التي فوس قوي جدا مقاوم للاحتكاك بس هذا ينفع للصيادين الي يحدقون من القارب او من السيف بدون قصبة

بالنسبة للسبيطي ماله خيط معين يضرب عليه يا اخي صاحب الموضوع السبيطيات الي كنت اصيدها زمن الركة الي احط فيها الطعم لا تقل عن مقاس ٧١ .. واكثر من ١٠ مرات مطلع سبيطي علي سلك

الخيط ليس سبب لصيد هل النوع من الاسماك ولكن الناس تصير معها مشكله هي انه يقطع بأختصار
وهل النصيحه لكل صيادين القصبات
لا تستخدمو البلد الدائري ( الحر ) لانه يجرح الخيط
ولا تتركو الخيوط بالشمس لانها تضعف ( ما تشوفون شريط الكست وش يصير فيه لما تخلونه بالسيارة ما بالكم بخيط
والنصيحة الاخيرة مع بداية يوم صيد جديد قص اول ٣ امتار من الخيط الي مربوط بالمدوار الي تحط فيه البلد
ختاما بعد هل الجريدة الي كتبها
انصحكم بالخيط الوردي ترا يجيب السبيطات الحلوات :$ :d

[مالك مجال]

وعليكم السلام ورحمة الله وبركاته
وانا اشوف اغلب الخيوط اللي في اسواقنا تعبانه ولاتخدم
انا انصحك بالخيوط الحرير اقوى وتروح ابعر بالرمي

وبالنسبه للخيط الوردي تبع خوينا safii
من جد ترى انا مطلع سبيطيه عيونها زرق :):)

[حداق الخبر]

السلام عليكم ورحمة الله وبركاته

بخصوص افضل أنواع الخيوط اللي جربتها هو خيط التي فورس وسق ونزلت موضوع سابق عنه
يوجد نوعين من هالخيط نوع مخصص للمياه المالحه ومسجل عليه سبيشلز مدري شنو وهالنوع هو المطلوب يجي عليه صورة سمكه شعم صغير اما النواع الثاني اللي عليه حرف تي كبيير هذا رايح فيها ومو مناسب ويجي لونه ابيض وهذا جربته ومو كويس

انصحك بالازرق وتاخذ مقاس 50 ولا تتعدا هالمقاس لانه يفي بالغرض وزود

بخصوص المحلات انا بالخبر وعارف محل عرفه وعارف نصبهم وماابو التي فورس الا من تالي
افضل محل على الاطلاق في توفير الأدوات الاصليه والسعر الماسب والتعامل الراقي هو محل السيار البحري الموجود بسيهات
هذا الرابط تبعهم تقدر تدخل ع الموقع تبعهم وتطلب وتتفرج ع المنتجات والاسعار
http://www.sayyarmarine.com/


أيضا ارحب ب اخوي صفوان وزين اللي شفناك واطلاله سعييده